నాగులేరుకు కుడికాలువ నీరు విడుదల చేయాలి

తీవ్ర వర్షాభావ పరిస్థితుల నేపథ్యంలో నాగులేరుకు కుడికాలువ నీటిని విడుదల చేసి దాచేపల్లి నగర పంచాయతీతో పాటు నాగులేరు పరివాహక ప్రాంత గ్రామాల తాగునీటి సమస్యను పరిష్కరించాలని ప్రజలు కోరుతున్నారు. ఈ ఏడాది వర్షాలు లేక వాగులు, వంకలు, బావులు, చెరువులు, కుంటలు నీరు లేక ఎండిపోయి ఎడారిని తలపిస్తున్నాయని పేర్కొన్నారు. పల్నాటి చరిత్రలో భాగమైన నాగులేరు సైతం చుక్కనీరు లేక ఎండిపోవడంతో దాని పరివాహక ప్రాంతంలోని భూగర్భజలాలు అడుగంటుతున్నాయని ఆందోళన వ్యక్తం చేశారు.