Motivational

▶

Motivational· 10h ago

కేరళ డ్రైవర్ ఎమోషనల్ ఫేర్‌వెల్!

కేరళం KSRTC బస్సు డ్రైవర్ రిటైర్మెంట్ రోజు తన బస్సుకు ఎమోషనల్ ఫేర్‌వెల్ చెప్పారు. ఇడుక్కి కుమిలి డిపోకి చెందిన పౌల్ కురియన్ సెప్టెంబర్ 2న తన లాస్ట్ డ్యూటీ పూర్తి చేశారు. షిఫ్ట్ ముగిశాక బస్సును పార్క్ చేసి, స్టీరింగ్‌కు ముద్దుపెట్టుకుని సాల్యూట్ చేస్తూ ఎమోషనల్ అయ్యారు. KSRTC ఆఫీషియల్స్ షేర్ చేసిన ఈ వీడియో నెటిజన్ల మనసులను గెలుచుకుంది. ఆయన డెడికేషన్‌ను ప్రతి ఒక్కరూ ప్రశంసిస్తున్నారు.

Motivational· 1d ago

Placement రావాలంటే.. Planning ఉండాల్సిందే!

డిగ్రీ పూర్తయితే ఉద్యోగం వచ్చేస్తుందనుకోవడం ఒకప్పటి మాట. ఇప్పుడు అలాంటి situation లేదు. మంచి ప్లేస్‌మెంట్‌ కోసం కాలేజీ రోజుల్లోనే ప్లాన్‌ చేసుకోవాలని నిపుణులు అంటున్నారు. ఏ రంగంలో Job చేయాలనుకుంటున్నారో నిర్ణయించుకుని, అవసరమైన టెక్నికల్ స్కిల్స్, కమ్యూనికేషన్, ఆప్టిట్యూడ్, ప్రాబ్లమ్ సాల్వింగ్ నైపుణ్యాలను పెంచుకోవాలంటున్నారు. రెజ్యూమ్ తయారీ, గ్రూప్ డిస్కషన్, ఇంటర్వ్యూ ప్రిపరేషన్ పై ప్రత్యేకంగా దృష్టి పెట్టాలంటున్నారు. రోజూ కొంత టైం ప్రాక్టీస్ చేస్తే confidence పెరుగుతుందని సలహా ఇస్తున్నారు.

▶

▶▶

Motivational· 2d ago

ఒంటి కాలితోనే.. కుంటుతూ బడికెళ్తోంది

UPలోని బల్లియా జిల్లా మానియర్ బ్లాక్‌లోని రానీపూర్ గ్రామానికి చెందిన రాగిణికి ఏడేళ్లు. ఆరు నెలల వయసులోనే రోడ్డు ప్రమాదంలో ఒక కాలు పోయింది. తను 1వ తరగతి చదువుతోంది. ఇంటి నుంచి 400 మీటర్ల దూరంలోని బడికి ఒంటికాలితో గెంతుతూ వెళ్తోంది. అయినా చదువు మాత్రం విడిచిపెట్టలేదు. SMలో వైరల్ అయిన తన ఉదంతం జిల్లా కలెక్టర్ మంగళా ప్రసాద్ సింగ్‌ను కదిలించింది. ఆయన రాగిణి ఇంటికి వచ్చి ట్రైసైకిల్, పుస్తకాలు, బొమ్మలు ఇచ్చారు. AAP నాయకులు ఆర్థికసాయం అందించారు. కృత్రిమ కాలు పెట్టిస్తామని అధికారులు హామీ ఇచ్చారు.

Motivational· 2d ago

ఒక్క నెగెటివ్ కామెంట్.. వంద ప్రశంసలపై ఎందుకు గెలుస్తుంది?

వందమంది మనల్ని మెచ్చుకున్నా.. ఒక్కరు “బాగా చేయలేదు” అంటే ఆ మాటే రోజంతా మన తలలో తిరుగుతుంది. ఇది మనలో ఏదో లోపం ఉందని కాదు.. మెదడు నెగెటివ్ విషయాలకు ఎక్కువ ప్రాధాన్యం ఇచ్చేలా పనిచేయడమే కారణం. ప్రమాదాలు, విమర్శలు, తిరస్కరణలు గుర్తుపెట్టుకోవడం మనుగడకు ఉపయోగపడేది. అందుకే మంచి అనుభవాల కంటే చెడు మాటలు ఎక్కువగా గుర్తుండిపోతాయి. అయితే ప్రతి కామెంట్ నిజం కాదు. ఒక్కరి అభిప్రాయాన్ని మన విలువకు కొలమానంగా మార్చుకుంటే.. వంద నిజమైన ప్రశంసల విలువను మనమే తగ్గించినట్టే. అది కేవలం ఒక వ్యక్తి అభిప్రాయం మాత్రమే.

Motivational· 2d ago

మనిషి మారిపోయాడా.. లేక పరిస్థితులే మార్చాయా?

ఒకప్పుడు ఎంతో క్లోజ్‌గా ఉన్న వ్యక్తి.. ఇప్పుడు ఎందుకు పూర్తిగా మారిపోయినట్టు అనిపిస్తాడు? నిజానికి మనిషి ఒక్కసారిగా మారిపోడు. ఎదురైన అనుభవాలు, బాధలు, బాధ్యతలు, కొత్త పరిచయాలు.. ఇవన్నీ అతని ఆలోచనల్ని, ప్రవర్తనని నెమ్మదిగా మార్చుతాయి. కొన్నిసార్లు పరిస్థితులకు తగ్గట్టు మారడం అవసరం కూడా. అందుకే ఎవరో మారిపోయారని అనుకునే ముందు.. వాళ్లను మార్చిన పరిస్థితులేంటో కూడా ఒక్కసారి ఆలోచించాలి. మనిషిని అర్థం చేసుకోవాలంటే.. అతని ప్రవర్తన మాత్రమే కాదు, అతను దాటిన దారిని కూడా చూడాలి.

Motivational· 3d ago

🚀 కాన్ఫిడెన్స్ పెంచే 3 సింపుల్ ట్రిక్స్!

స్టేజ్ ఎక్కాలన్నా, ఇంటర్వ్యూకి వెళ్లాలన్నా కంగారుగా ఉందా? కాన్ఫిడెన్స్ అంటే భయం లేకపోవడం కాదు... భయమున్నా ధైర్యంగా ముందడుగు వేయడమే! ప్రెజెంటేషన్ ముందు మీకు ఇష్టమైన మ్యూజిక్ వింటే వెంటనే మంచి బూస్ట్ దొరుకుతుంది. అలాగే "నా వల్ల కాదు" అని ఆగిపోకుండా "ప్రయత్నిస్తే నేర్చుకోవచ్చు" అనే మైండ్‌సెట్ పెంచుకోవాలి. క్రికెట్‌లో ప్రతి బాల్‌కీ సిక్స్ కొట్టలేం కదా! అలాగే జీవితంలో కూడా పొరపాట్లు సహజమని గుర్తించి వాటి నుండి నేర్చుకుంటూ ముందుకు సాగితే మీ కాన్ఫిడెన్స్ ఖచ్చితంగా పెరుగుతుంది!

▶

Motivational· 3d ago

కూతుళ్ల చదువు కోసం.. అమ్మ మారథాన్‌లో గెలిచింది!

మహారాష్ట్ర బీడ్ జిల్లాలోని అంబాజోగైకి చెందిన రమాబాయి రణ్‌వీర్ (47) మారథాన్‌లో సత్తా చాటారు. చీరలో, ముందుగా చెప్పులతో రేసులో పాల్గొన్న ఆమె.. చెప్పులు జారిపోవడంతో చేతిలో పట్టుకుని బేర్‌ఫుట్‌గా పరుగెత్తారు. స్పోర్ట్స్ షూస్‌తో బరిలోకి దిగిన యూత్‌ను క్రాస్ చేసి ఫస్ట్ ప్లేస్ సాధించారు. ‘అమృత్ దౌడ్’లో గెలిచిన ఆమె రూ. 3వేల ప్రైజ్ మనీతో పాటు ట్రోఫీ కూడా గెలుచుకున్నారు. ఈ మొత్తాన్ని తన ఇద్దరు కూతుళ్ళ చదువులకు ఖర్చు చేయనున్నారు. ఆర్థిక కష్టాలున్నా పిల్లలకు మంచి చదువు చెప్పాలనే లక్ష్యంతో ముందుకెళ్తున్నారు.

Motivational· 3d ago

“రేపటి నుంచి స్టార్ట్‌ చేస్తా”.. ఈ రేపు ఎప్పుడొస్తుంది?

“రేపటి నుంచి స్టార్ట్‌ చేస్తా”.. ఈ మాట మనలో చాలామంది రోజూ అనుకుంటూనే ఉంటాం. జిమ్‌కి వెళ్లాలి, చదవాలి, కొత్త స్కిల్‌ నేర్చుకోవాలి, ఖర్చులు తగ్గించాలి.. ఏదైనా సరే, మొదలు పెట్టాల్సిన పనిని రేపటికి వాయిదా వేయడం చాలా ఈజీ. ఎందుకంటే ఇప్పుడున్న కష్టం కంటే.. తర్వాత చేస్తాననే ఆలోచన మనకు కాస్త రిలీఫ్‌ ఇస్తుంది. కానీ ఆ “రేపు” మళ్లీ మరో రేపుగా మారిపోతుంది. చివరికి పని కంటే.. దాన్ని మొదలుపెట్టడమే పెద్ద సమస్యగా మారుతుంది. రేపు ఎప్పుడూ వస్తూనే ఉంటుంది.. కానీ మార్పు మాత్రం మనం మొదలు పెట్టినప్పుడే వస్తుంది.

Motivational· 4d ago

జాబ్ పోయింది.. ఆరు కోళ్లతో బిజినెస్ మొదలైంది!

Amazonలో జాబ్ పోయిన తర్వాత మళ్లీ మరో ఉద్యోగం వెతుక్కోవడమే సాధారణం. కానీ హైదరాబాద్‌కు చెందిన మారియా హర్షిత మాత్రం ఊహించని దారి ఎంచుకున్నారు. మార్చి 2026లో ఉద్యోగం కోల్పోయిన ఆమెకు వరుసగా జాబ్ రిజెక్షన్లు రావడంతో.. భర్తతో కలిసి ఆరు కోళ్లతో పెంపకం మొదలుపెట్టారు. తర్వాత కోళ్ల సంఖ్య పెరిగి గుడ్లు రావడంతో.. వాటిని అమ్మడం మొదలుపెట్టారు. అలా ఇంటి అవసరాల కోసం మొదలైన పని ఇప్పుడు చిన్న బిజినెస్‌గా మారింది. జాబ్ పోయినా కొత్తగా ఏదైనా మొదలుపెట్టొచ్చని ఆమె కథ చూపిస్తోంది.

Motivational· 5d ago

“నేను బాగున్నా”.. నిజంగా బాగున్నామా?

మనసులో ఏదో బాధగా ఉంటుంది.. కానీ ఎవరైనా “ఏమైంది?” అని అడిగితే మాత్రం వెంటనే “ఏం లేదు.. నేను బాగున్నా” అని చెప్పేస్తాం. అసలు ఎందుకు? మన బాధను బయటపెడితే ఎదుటివాళ్లు మనల్ని బలహీనంగా చూస్తారేమో, ఎక్కువగా ప్రశ్నిస్తారేమో అనే ఆలోచన మనల్ని ఆపొచ్చు. కొన్నిసార్లు మన సమస్యను ఎలా చెప్పాలో తెలియక కూడా మౌనంగా ఉండిపోతాం. కానీ ఇలా బాధను ఎప్పుడూ మనలోనే దాచుకోవడం వల్ల ఒత్తిడి, ఒంటరితనం మరింత పెరగొచ్చు. అందుకే “నేను బాగున్నా” అనేది కొన్నిసార్లు నిజమైన సమాధానం కాదు.. మనసు దాచుకున్న మాట కావచ్చు.

Motivational· 5d ago

సంపాదన పెరిగింది.. సమయం ఎక్కడికి పోయింది?

జీతం పెరిగితే జీవితం మరింత సౌకర్యంగా ఉంటుందని అనుకుంటాం. కానీ ఆదాయం పెరిగే కొద్దీ ఖర్చులు, బాధ్యతలు, పని ఒత్తిడి కూడా పెరుగుతుంటాయి. మంచి ఇల్లు, కారు, ఖరీదైన జీవనశైలి కోసం ఖర్చులు పెంచుకుంటాం. ఆ జీవనశైలిని కొనసాగించేందుకు ఇంకా ఎక్కువ సమయం పని చేయాల్సి వస్తుంది. పైగా ఇతరులతో పోల్చుకోవడం కూడా ఈ పరుగును పెంచుతుంది. చివరికి డబ్బు పెరిగినా.. మన కోసం మిగిలే సమయం తగ్గిపోవచ్చు. అందుకే మంచి జీవితం అంటే ఎక్కువ సంపాదించడమేనా? లేక సంపాదించిన డబ్బుతో ప్రశాంతంగా జీవించే సమయం ఉండటమా?

Motivational· 27 Aug 2026

ఆటో డ్రైవర్ చేసిన సాయం!

బెంగళూరులో ఓ మహిళ స్కూటీ మధ్యలోనే ఆగిపోయింది.. ఏం చేయాలో తెలియక రోడ్డుపై ఇబ్బంది పడుతుండగా, పక్కనే వెళ్తున్న ఆటో డ్రైవర్ తంజీమ్ ఆమెకు సాయం చేయడానికి ఆగాడు. తన ఆటోతో పాటు స్కూటీని నెమ్మదిగా ముందుకు నెట్టుకుంటూ దాదాపు 10 నుంచి 15 నిమిషాలు ఆమెకు తోడుగా వెళ్లాడు. ఈ దృశ్యాన్ని ఓ ప్రయాణికురాలు వీడియో తీసి సోషల్ మీడియాలో పెట్టడంతో అది వైరల్ అయింది. డబ్బులు తీసుకోకుండా ఓ అపరిచితురాలికి ఇలా సాయం చేసిన తంజీమ్‌ను చూసి నెటిజన్లు.. “ఇంకా మనుషుల్లో మంచితనం ఉంది” అంటూ ప్రశంసిస్తున్నారు.

Motivational· 25 Aug 2026

“రేపు చేద్దాం”.. అంటూ టైమ్ పోతుందా?

“ఇది రేపు చేద్దాంలే” అని మనం రోజూ ఎన్నిసార్లు అనుకుంటామో లెక్కే ఉండదు. చిన్న పని కాబట్టి పర్లేదనిపిస్తుంది. కానీ ఇలా ఒక్కో పని వాయిదా పడుతూ పోతే.. మన టైమ్ మాత్రమే కాదు, మన అవకాశాలు కూడా జారిపోవచ్చు. చదువు కావచ్చు, కొత్త పని మొదలుపెట్టడం కావచ్చు, ఎవరికైనా మనసులో మాట చెప్పడం కావచ్చు.. “తర్వాత” అనే మాటతో మనమే మనల్ని ఆపుకుంటుంటాం. అసలు సమస్య పని చేయలేకపోవడం కాదు.. మొదలుపెట్టే క్షణాన్ని ప్రతిసారీ రేపటికి నెట్టేయడమే. “తర్వాత” కోసం ఎదురుచూస్తూ ఉంటే, ఒకరోజు “ఇప్పుడైనా?” అని మనమే మనల్ని అడగాల్సి రావచ్చు.

Motivational· 24 Aug 2026

నీకు నచ్చిందనుకుంటున్నావ్.. కానీ ఆ ఛాయిస్ నీదేనా?

“నాకు నచ్చింది కాబట్టే ఈ వీడియో చూస్తున్నా” అనుకుంటాం.. కానీ ఆ వీడియో మనకు ఎందుకు కనిపించిందో ఎప్పుడైనా ఆలోచించారా? Social Mediaలో మనం ఏ పోస్టు దగ్గర ఆగాం, ఏ వీడియోను ఎక్కువసేపు చూశాం, దేనికి స్పందించాం.. ఇవన్నీ గమనించే అల్గారిథమ్స్ తర్వాత మనకు ఇలాంటి కంటెంట్‌నే ఎక్కువగా చూపిస్తాయి. క్రమంగా మనకు నచ్చే బ్రాండ్లు, కొనాలనిపించే వస్తువులు, చివరికి కొన్ని అభిప్రాయాలు కూడా ప్రభావితం కావచ్చు. అంటే మనం నిర్ణయం తీసుకుంటున్నట్టు అనిపించినా, ఆ నిర్ణయానికి ముందే మన స్క్రీన్ మనల్ని ఒక దిశలో నడిపిస్తుండొచ్చు.

Motivational· 24 Aug 2026

అందరికీ “Yes” చెబుతూ.. మనకే “No” ఎందుకు?

ఎవరైనా సహాయం అడిగితే కాదనలేం.. ఫ్రెండ్ పిలిస్తే వెళ్లక తప్పదు.. పని మీద ఆసక్తి లేకపోయినా “సరే” అనేస్తాం. 👀 ఇలా ప్రతి విషయంలోనూ “No” చెప్పలేకపోవడం మొదట మంచితనంలా అనిపిస్తుంది. కానీ క్రమంగా మన సమయం, శక్తి, మనశ్శాంతి అన్నీ ఇతరుల కోసం ఖర్చవుతాయి. పైగా మనకు ఇష్టం లేని పనులకు ఓకే చెప్పి, తర్వాత మనమే ఇబ్బంది పడతాం. “No” అనడం అంటే ఎదుటివారిని అవమానించడం కాదు.. మన హద్దులు మనమే నిర్ణయించుకోవడం. అందరినీ సంతోషపెట్టాలని ప్రయత్నిస్తే.. చివరికి మనమే సంతోషంగా ఉండలేకపోవచ్చు.

▶

Motivational· 24 Aug 2026

ఫార్చూనర్లో వచ్చి రోడ్లు ఊడ్చుతున్న కార్మికుడు

కర్ణాటక దక్షిణకన్నడ జిల్లా బంట్వాళకు చెందిన శేషప్పణ్ణ అనే పారిశుధ్య కార్మికుడు రోజూ లగ్జరీ ఫార్చూనర్ కారులో వచ్చి రోడ్లు ఊడ్చడం వైరల్ అవుతోంది. 1996లో రూ.50 కూలీగా చేరి పర్మినెంట్‌ ఉద్యోగి అయిన ఆయన, ఆఫ్టర్‌నూన్ పశువుల పెంపకం ద్వారా నెలకు రూ.40వేలు సంపాదిస్తున్నారు. ఈ హార్డ్‌వర్క్‌తో ఆల్టో, స్కోర్పియోల నుంచి ఫార్చూనర్ కార్ దాకా కొనుగోలు చేశారు. గతంలో మద్యానికి బానిసనై ఎన్నో కోల్పోయానని, ఏ పని చేస్తున్నామనేది కాదని, గౌరవమే ముఖ్యమని శేషప్పణ్ణ చెప్తున్నారు.

Motivational· 23 Aug 2026

💭 మీ చిన్ననాటి కల గుర్తుందా?

చిన్నప్పుడు “పెద్దయ్యాక ఇది అవుతా” అని ఎంత నమ్మకంగా చెప్పేవాళ్లం.. కానీ పెద్దయ్యేసరికి ఆ కలే ఎందుకు మారిపోతుంది? వయసు పెరిగేకొద్దీ మనకు ఎదురయ్యే అనుభవాలు, కుటుంబ పరిస్థితులు, చదువు, డబ్బు, సమాజం పెట్టే అంచనాలు మన ఆలోచనలను నెమ్మదిగా మార్చేస్తాయి. చిన్నప్పుడు మనకు నచ్చింది ముఖ్యమైతే.. పెద్దయ్యాక స్థిరమైన జీవితం, ఉద్యోగం, బాధ్యతలు కూడా నిర్ణయాల్లో భాగమవుతాయి. అందుకే చిన్ననాటి కల మారిపోవడం అంటే మనం ఓడిపోయినట్టు కాదు.. మన గురించి అవగాహన మారిందని అర్థం. కొన్నిసార్లు పాత కల కొత్త రూపంలో తిరిగి రావచ్చు.

Motivational· 22 Aug 2026

ఒక్క నిర్ణయం.. మీ జీవితాన్నే మార్చగలదా? 👀

జీవితంలో కొన్ని నిర్ణయాలు చిన్నవిగానే అనిపిస్తాయి.. కానీ అవే మన Futureను ఊహించని విధంగా మార్చొచ్చు. ఏ Career ఎంచుకోవాలి, ఎక్కడ ఉండాలి, ఎవరితో కలిసి ముందుకు వెళ్లాలి, ఒక అవకాశాన్ని తీసుకోవాలా వద్దా వంటి నిర్ణయాలు తర్వాతి ఎన్నో సంవత్సరాలపై ప్రభావం చూపుతాయి. ముఖ్యంగా మనం తీసుకోకుండా వదిలేసిన అవకాశాలు కూడా మన జీవిత దిశను మార్చగలవు. అందుకే ప్రతి నిర్ణయానికి వెంటనే సరైన సమాధానం ఉండకపోయినా.. సమాచారం తెలుసుకుని, ఫలితాలను ఆలోచించి తీసుకున్న నిర్ణయాలు భవిష్యత్తుపై మన నియంత్రణను పెంచుతాయి.