ఖాన్ సర్ కోచింగ్ పై దాడి... ప్రత్యర్థుల ప్లానేనా ?
By aravinda nyayapati· 3 Jun 2026
పాట్నాలో ఫేమస్ యూట్యూబర్, ఎడ్యుకేటర్ 'ఖాన్ సార్' కోచింగ్ సెంటర్పై కొందరు దుండగులు దాడి చేశారు. ఈ ఘటనలో కోచింగ్ సెంటర్ బోర్డులు, ఆస్తులు ధ్వంసం కావడం తీవ్ర కలకలం రేపింది. మొదట కాల్పులు జరిగాయని వార్తలు వచ్చినా అలాంటిదేం జరగలేదని పోలీసులు స్పష్టం చేశారు. ఇటీవల బీహార్ పోలీస్ నియామకాల్లో ఖాన్ సార్ కోచింగ్ నుంచి వేల మంది ఎంపిక కావడం, తక్కువ ఫీజులతో విద్య అందించడం కొందరికి నచ్చక ప్రత్యర్థి కోచింగ్ సెంటర్లే ఈ దాడి వెనుక ఉండొచ్చని ఖాన్ సర్ ఆరోపించారు. దాడి విషయం తెలుసుకొని పెద్ద ఎత్తున స్టూడెంట్ల్ వచ్చి ఖాన్ సర్ కి మద్దతుగా నినాదాలు చేశారు.
