LBనగర్ ఆరంజ్ హాస్పిటల్లో మహిళ వీరంగం
By DK· 28 Jun 2026· హైదరాబాద్
TG: హైదరాబాద్ LBనగర్లో ఉన్న శ్రేష్ఠ ఆరెంజ్ హాస్పిటల్కు లలిత కరీర అనే మహిళ కడుపునొప్పి ఉందంటూ అర్ధరాత్రి అత్యవసర విభాగానికి వచ్చింది. విధుల్లో ఉన్న డాక్టర్స్ ఆమెకు ప్రాథమిక చికిత్స అందించి పరీక్షలు నిర్వహించగా, ఎలాంటి అనారోగ్య సమస్య లేదని నిర్ధారించారు. అనంతరం మహిళ ఒక్కసారిగా ఆగ్రహానికి లోనై వైద్యులు, నర్సులను అసభ్య పదజాలంతో దూషిస్తూ దాడి చేసింది. దీంతో అక్కడ ఉద్రిక్తత వాతావరణం నెలకుంది. ఎమర్జెన్సీ వార్డులో ఉన్న రోగులు, వారి బంధువులు టెన్షన్ పడ్డారు. పోలీసులు ఘటనా స్థలానికి చేరుకుని వివరాలు సేకరించి దర్యాప్తు చేపట్టారు.
