డిజిటల్ డీటాక్స్‌కు కొత్త ఛాలెంజ్.. ‘Monk Mode’!

By Anusha· 12h ago

ఫోన్ వాడకాన్ని తగ్గించి, డిజిటల్ డీటాక్స్ చేయాలనుకునేవారి కోసం ‘Monk Mode’ ఛాలెంజ్‌ ట్రెండ్ అవుతోంది. వారం పాటు వాట్సాప్, ఇన్‌స్టాగ్రామ్, ఫేస్‌బుక్‌కు దూరంగా ఉండాలి. పోస్టులు, స్టేటస్‌లు పెట్టకూడదు. ఉదయం లేవగానే ఫోన్ చూడకుండా, రాత్రి త్వరగా నిద్రపోవాలి. జంక్‌ఫుడ్, సినిమాలు, వెబ్‌సిరీస్‌లు, గేమ్స్‌కు దూరంగా ఉండాలి. అత్యవసరమైతే తప్ప ఫోన్ వాడకూడదు. రోజూ 45–60 నిమిషాలు వ్యాయామం చేయాలి. దీనివల్ల ఏకాగ్రత, సెల్ఫ్ కంట్రోల్ పెరిగి ఒత్తిడి తగ్గవచ్చని నిపుణులు చెబుతున్నారు.

More in Technology

Technology· 7h ago

సరికొత్త ఆవిష్కరణ.. వాయిస్ ప్రింటర్ ‘రుద్ర’

AP: ఏలూరు జిల్లాకు చెందిన లింగంపల్లి హిమజ అనే బీటెక్ స్టూడెంట్ ‘రుద్ర’ అనే బ్రెయిలీ లిపి ప్రింటర్‌ను తయారు చేసింది. ముందుగా ఆరు బటన్లతో బ్రెయిలీ లిపిని తయారు చేసి, తర్వాత వాయిస్ కమాండ్‌తో పనిచేసే ప్రింటర్, ఫోటో టైపును తయారు చేసింది. బ్రెయిలీ లిపిని టైప్ చేయడం, చేత్తో రాయడం కష్టం. కానీ ఈ ప్రింటర్ ద్వారా మాటలను నేరుగా బ్రెయిలీ అక్షరాలుగా మార్చి పేపర్‌పై ప్రింట్ చేయవచ్చు. దీంతో హిమజకు ప్రపంచవ్యాప్త గుర్తింపు వచ్చింది. ఆమె జేమ్స్ డైసన్ అవార్డుకు ఎంపికైంది. అంధులకు ఈ ప్రింటర్ చాలా ఉపయోగపడుతుంది.

Technology· 7h ago

శాంసంగ్ S26 యూజర్లకు షాక్

గెలాక్సీ S26 సిరీస్ ఫోన్ల ధరలు పెంచేందుకు శాంసంగ్ సిద్ధమైంది. గెలాక్సీ ఎస్26 ధర రూ.12వేల వరకు పెరగనుంది. సెప్టెంబర్ 20 నుంచి కొత్త ధరలు అమల్లోకి రానున్నట్లు సమాచారం. మెమొరీ చిప్‌ల ధరలు పెరగడంతో ఈ డెసిషన్ తీసుకున్నట్లు తెలుస్తోంది. S26 12GB+256GB ధర రూ.87,999 నుంచి రూ.99,999కు, 12GB+512GB ధర రూ.1,07,999 నుంచి రూ.1,19,999కు పెరగనుంది. S26 Ultra ధర కూడా రూ.20 వేల వరకు పెరిగే అవకాశం ఉంది. ఈ సిరీస్‌ను శాంసంగ్ ఈ ఏడాది ఫిబ్రవరిలో విడుదల చేసింది.

Technology· 11h ago

పీరియడ్స్ పెయిన్‌కు..కొత్త టెక్ సొల్యూషన్

మహిళలకు పీరియడ్స్ టైంలో వచ్చే నొప్పి, అసౌకర్యాన్ని తగ్గించేందుకు ‘Curapod-M’ అనే డ్రగ్-ఫ్రీ పరికరాన్ని ప్రముఖ హెల్త్‌టెక్ స్టార్టప్ కంపెనీ ‘లైట్‌మెడ్ ఇండియా’ రూపొందించింది. మందులు తీసుకోకుండా వాడగలిగే ఈ పరికరాన్ని హైదరాబాద్‌లో ఆవిష్కరించారు. ఫొటోబయోమాడ్యులేషన్ (Photobiomodulation - PBM) అనే సైన్స్ ఆధారంగా ఈ పరికరం పనిచేస్తుంది. ఇందులో ఉండే ప్రత్యేక Red light, Near-infrared light కిరణాలు నొప్పి ఉన్న చోట కణాల లోపలికి వెళ్లి పనిచేస్తాయి.

Technology· 12h ago

ఈవీలపై పెరుగుతున్న ఆసక్తి

పెట్రోల్, డీజిల్ ధరలు పెరుగుతుండటంతో చాలామంది ఎలక్ట్రిక్ వాహనాల (EV) వైపు మొగ్గు చూపుతున్నారు. ఈవీల కొనుగోళ్లను పెంచేందుకు కేంద్ర, రాష్ట్ర ప్రభుత్వాలు వివిధ పథకాలు అమలు చేస్తున్నాయి. కొత్త మోడళ్లలో అనేక రకాల ఎలక్ట్రిక్ వాహనాలు అందుబాటులోకి వస్తున్నాయి. దీంతో దేశంలో ఈవీల అమ్మకాలు కూడా పెరుగుతున్నాయి. CEEW సెంటర్ ఫర్ ఎనర్జీ ఫైనాన్స్ రిపోర్ట్స్ ప్రకారం దేశంలో 2014-15లో 2 వేలుగా ఉన్న ఎలక్ట్రిక్ వాహనాల సంఖ్య 2025-26 నాటికి 25.35 లక్షలకు చేరింది.