నేలకొండపల్లిలో వన్యప్రాణి వారోత్సవాలు

By Srinivasarao· 2h ago· Khammam

ఖమ్మం జిల్లా నేలకొండపల్లి చెరువుమాదారం క్రాస్‌రోడ్డు వద్ద ఫారెస్ట్ సెక్షన్ ఆఫీసర్ డేనియల్ ఆధ్వర్యంలో వన్యప్రాణి వారోత్సవాలు నిర్వహించారు. ప్రకృతి సమతుల్యతకు అడవులు, వన్యప్రాణులు ఎంతో కీలకమని, వాటిని కాపాడుకోవడం అందరి బాధ్యత అని అధికారులు చెప్పారు. అడవుల్లో అక్రమ వేట ఆడకుండా వన్యప్రాణులను సంరక్షించడంలో ప్రజలు ఫారెస్ట్ డిపార్ట్‌మెంట్‌కి సహకరించాలని కోరారు. ఈ కార్యక్రమంలో అటవీ సిబ్బంది, స్థానికులు పాల్గొన్నారు.

More in Local

Local· just now

ఆయుర్వేద వైద్యంతో సంపూర్ణ ఆరోగ్యం: డాక్టర్ శ్రీనివాస్

పల్నాడు జిల్లా జయంతిరామాపురంలో ఆయుష్ శాఖ ఆధ్వర్యంలో సీజనల్ వ్యాధులు, ఆరోగ్య పరిరక్షణపై అవగాహన సదస్సు, ఉచిత వైద్య శిబిరం నిర్వహించారు. ప్రభుత్వ ఆయుష్ వైద్యాధికారి డాక్టర్ శ్రీనివాస్ నాయకత్వంలో పరిసరాల పరిశుభ్రతపై అవగాహన కల్పించారు. బిపి, షుగర్, కీళ్లవాతం, అసిడిటీ వంటి సమస్యలకు వైద్య పరీక్షలు చేసి, సుమారు 95 మందికి ఉచితంగా ఆయుష్ మందులు పంపిణీ చేశారు. ప్రతిరోజూ యోగా, ధ్యానం చేయాలని డాక్టర్ శ్రీనివాస్ సూచించారు.

Local· 1m ago

డాక్టర్ ప్రభాకర్ నాయుడు మృతి.. సంతాపం

శ్రీ పొట్టి శ్రీరాములు నెల్లూరు జిల్లాలోని కావలిలో ప్రజల ఆరోగ్యమే తన ఆనందంగా భావించిన డాక్టర్ ఎన్. ప్రభాకర్ నాయుడు అకాల మరణం పట్ల దగదర్తి మండల టీడీపీ యువ నాయకులు మాలేపాటి లోకేష్ తీవ్ర దిగ్భ్రాంతి వ్యక్తం చేశారు. ఆయన భౌతికకాయాన్ని దర్శించి పూలమాల వేసి నివాళులర్పించారు. రాష్ట్ర సివిల్ సప్లైస్ డైరెక్టర్ మలిశెట్టి వెంకటేశ్వర్లు, జిల్లా రైతు సంఘ నాయకులు బొట్లగుంట శ్రీహరి నాయుడు, కమ్మ సంఘం అధ్యక్షులు మాకినేని మాల్యాద్రి నాయుడు కూడా నివాళులర్పించారు.

Local· 3m ago

తల్లీబిడ్డల ఆరోగ్యానికి ప్రభుత్వ ప్రాధాన్యం

గుంటూరు జిల్లా మంగళగిరిలో గర్భిణీలకు శ్రీమంతం జరిగింది. ఎర్రబాలెం జంగాల కాలనీ అంగన్వాడీ కేంద్రంలో డాక్టర్ రాధా మాధవి, ఆకుల జయసత్య పాల్గొన్నారు. తల్లీబిడ్డల ఆరోగ్యానికి ప్రభుత్వం ప్రత్యేక ప్రాధాన్యం ఇస్తోందని అన్నారు. గర్భిణీలు పౌష్టికాహారం తీసుకోవాలని, వైద్యుల సూచనలు పాటించాలని సూచించారు. అంగన్వాడీ సిబ్బంది సేవలను అభినందించారు. గర్భిణీలు, టీచర్లు, ఆయాలను శాలువాలతో సత్కరించారు.

Local· 6m ago

తాండూరు: ఓగిపూర్ రోడ్డు ఘోరం

తాండూరు దగ్గర్లోని ఓగిపూర్ మెయిన్ రోడ్డు పూర్తిగా గుంతలమయమైంది. ఓవర్ లోడ్‌తో వెళ్లే నాపరాతి లారీలు, టిప్పర్ల వల్లే ఈ రోడ్డు దెబ్బతిందని ఊరివాళ్లు చెప్తున్నారు. వర్షం పడితే చాలు, ఈ గుంతలు చిన్నపాటి చెరువుల్లా మారిపోతున్నాయి. దాంతో బైకర్స్ పడిపోయి గాయాలపాలవుతున్నారు. స్టూడెంట్స్, విలేజర్స్ తీవ్రంగా ఇబ్బంది పడుతున్నారు. హెవీ లోడ్ వెహికల్స్‌ని ఆపి, రోడ్డుకి వెంటనే రిపేర్లు చేయాలని ప్రజలు అధికారులను కోరుతున్నారు.