RTCలో ఎలక్షన్‌ బజ్‌.. 8 ఏళ్ల తర్వాత ఓటింగ్‌!

By Mahesh· 7h ago· TG

TG: ఆర్టీసీ (TGSRTC)లో 8 ఏళ్లుగా వెయిట్‌ చేస్తున్న గుర్తింపు సంఘం ఎన్నికలకు ఫైనల్‌గా షెడ్యూల్‌ వచ్చింది. ఈ నెల 21 నుంచి ఎలక్షన్‌ ప్రాసెస్‌ స్టార్ట్‌ కానుంది. అక్టోబర్‌ 9న పోలింగ్‌ కండక్ట్‌ చేసి, 17న రిజల్ట్స్‌ ప్రకటించనున్నారు. 2016 జులై 19 తర్వాత మళ్లీ ఇప్పుడు ఎన్నికలు జరగనున్నాయి. గెలిచిన సంఘానికి కార్మికుల వేతనాలు, బోనస్‌, DA, సర్వీస్‌ రూల్స్‌ వంటి అంశాలపై మేనేజ్‌మెంట్‌, ప్రభుత్వంతో చర్చించే హక్కు ఉంటుంది. రీజియన్‌, రాష్ట్రస్థాయిలో వేర్వేరు బ్యాలెట్‌ పేపర్లతో ఎలక్షన్స్ జరుగుతాయి.

More in TG

TG· 8h ago

ప్రభుత్వ స్కూల్‌లో TPF పర్యటన.. విద్యార్థులతో మాటామంతీ

TG: విద్యా బస్సుయాత్రలో భాగంగా TPF బృందం కరీంనగర్‌లోని ప్రభుత్వ పాఠశాలను సందర్శించింది. విద్యార్థులు, తల్లిదండ్రులతో మాట్లాడి స్కూల్‌లో ఎదురవుతున్న సమస్యలను అడిగి తెలుసుకున్నారు. పాఠశాలలో వసతులు, విద్యార్థులకు అందుతున్న సౌకర్యాలపై వివరాలు సేకరించారు. ప్రభుత్వ బడుల్లో క్వాలిటీ ఎడ్యుకేషన్ కోసం అవసరమైన చర్యలు తీసుకోవాలని బృందం సూచించింది. ప్రభుత్వ విద్యను బలోపేతం చేయడం, ప్రైవేట్ స్కూల్ ఫీజుల నియంత్రణ కోసం TPF ఆధ్వర్యంలో 27వ తేదీ వరకు విద్యా బస్సుయాత్ర కొనసాగుతోంది.

TG· 8h ago

కోర్టు తీర్పు తర్వాత దానం రియాక్షన్‌.. ఏమన్నారంటే?

TG: హైకోర్టు తీర్పును స్వాగతిస్తున్నానని ఖైరతాబాద్‌ MLA దానం నాగేందర్‌ అన్నారు. తీర్పుపై రియాక్ట్‌ అయిన ఆయన.. 'పోరాటం నాకు కొత్త కాదు. ఎన్నికలు ఎప్పుడు వచ్చినా పోరాడతా.. విజయం సాధిస్తా. యుద్ధం నాకు కొత్త కాదు' అని కాన్ఫిడెన్స్‌తో చెప్పారు. బైఎలక్షన్‌ వస్తే పోటీకి సిద్ధంగా ఉన్నానని చెప్పారు. హైకోర్టు తీర్పుపై సుప్రీంకోర్టుకు వెళ్లే అంశాన్ని ఇంకా ఆలోచించలేదని దానం తెలిపారు.

TG· 11h ago

దానం నాగేందర్‌పై కోర్టు తీర్పు.. KTR హాట్‌ రియాక్షన్‌!

TG: BRS వర్కింగ్‌ ప్రెసిడెంట్‌ కేటీఆర్‌ తన ‘X’లో దానం నాగేందర్‌పై హైకోర్టు తీర్పు గురించి పోస్ట్ చేశారు. ‘సత్యమేవ జయతే’ అంటూ, కాంగ్రెస్‌లో చేరిన బీఆర్‌ఎస్‌ MLA దానం నాగేందర్‌ అనర్హతకు గురయ్యారని అన్నారు. మిగతా పార్టీ ఫిరాయింపు MLAలకు కూడా త్వరలో ఇదే పరిస్థితి ఎదురవుతుందని KTR కామెంట్‌ చేశారు. దీంతో రాష్ట్ర రాజకీయాల్లో ఈ అంశం హాట్‌టాపిక్‌గా మారింది.

TG· 11h ago

సుప్రీంకోర్టుకు దానం నాగేందర్?

ఖైరతాబాద్ ఎమ్మెల్యేగా దానం నాగేందర్ ఎన్నిక చెల్లదు అని తెలంగాణ హైకోర్టు ఇవాళ ఇచ్చిన తీర్పు హాట్ టాపిక్ అయ్యింది. ఈ తీర్పును సవాలు చేస్తూ.. దానం రేపు సుప్రీంకోర్టులో పిటిషన్ వేస్తారని తెలుస్తోంది. హైకోర్టు తీర్పుపై ఆయన న్యాయ నిపుణులతో చర్చిస్తున్నారు. ఒకవేళ సుప్రీంకోర్టుకు వెళ్తే.. హైకోర్టు తీర్పుపై స్టే ఆర్డర్ తెచ్చుకుంటారా అనేది తేలాల్సిన అంశం. స్టే ఆర్డర్ వస్తే, సుప్రీంకోర్టు తీర్పు వచ్చే వరకూ ఖైరతాబాద్ ఎమ్మెల్యేగా కొనసాగే ఛాన్స్ ఉంటుంది. 2028లో తెలంగాణ అసెంబ్లీ ఎన్నికలు రానున్నాయి.