మాజీ భార్య ఇంటి వద్ద కానిస్టేబుల్ హల్చల్
By DK· 18 Jul 2026· మంచిర్యాల జిల్లా
TG: మంచిర్యాల జిల్లాలో హాజీపూర్ PSకు చెందిన కానిస్టేబుల్ కార్తీక్పై మాజీ భార్య ప్రవీణ తీవ్ర ఆరోపణలు చేశారు. విడాకుల అనంతరం ఆస్తి పత్రాల కోసం తనను వేధిస్తున్నాడని, ఇవ్వకపోతే చంపేస్తానని బెదిరిస్తూ మద్యం మత్తులో కత్తులతో ఇంటికి వచ్చాడని ఆరోపించారు. అతడితో పాటు వచ్చిన ఇద్దరు మహిళలు కూడా తనపై దాడి చేశారని తెలిపారు. ఎక్కడికి వెళ్లినా తనపై నిఘా పెట్టిస్తున్నాడని, పోలీస్ స్టేషన్లలో ఫిర్యాదు చేసినా న్యాయం జరగడం లేదని ఆవేదన వ్యక్తం చేశారు. కానిస్టేబుల్ను వెంటనే అరెస్ట్ చేసి తమకు రక్షణ కల్పించాలని బాధితురాలు అధికారులను కోరారు.
