బిగ్ అలర్ట్.. SIR సర్వేకు ఇక 3 రోజులే

By DK· 12 Jul 2026· అమరావతి

AP: SIR ఇంటింటి సర్వే ప్రక్రియ మరో మూడు రోజుల్లో ముగుస్తుందని, జూన్ 14వ తేదీ అర్ధరాత్రి నుంచి సర్ మ్యాపింగ్ యాప్ పని చేయడం ఆగిపోతుందని రాష్ట్ర ప్రధాన ఎన్నికల అధికారి వివేక్ యాదవ్ తెలిపారు. ఆయన మీడియాతో మాట్లాడుతూ.. గడువు పెంచే ప్రసక్తే లేదని స్పష్టం చేశారు. ఇప్పటి వరకు డిజిటలైజ్డ్ అయిన ఓటర్లలో సుమారు 10 శాతం మంది ఓటర్లలో మరణించిన వాళ్లు, ఒకటి కంటే ఎక్కువ ఓట్లు ఉన్న వారు, దొరకని ఓటర్లు ఉన్నట్లుగా అంచనా వేస్తున్నట్లు తెలిపారు. జూలై 11 సాయంత్రం 4గంటల వరకు మొత్తం 4,16,27,694 మంది ఓటర్లకు గాను 3,61,23,312 ఓటర్ల వివరాలు డిజిటలైజ్డ్ అయ్యాయని పేర్కొన్నారు.

More in AP

AP· 5h ago

ఆదివాసీ యువతకు ప్రత్యేక ఉద్యోగ చట్టం కావాలి

AP: ఏజెన్సీ ప్రాంత ఆదివాసీ నిరుద్యోగ యువతకు ఉద్యోగాల్లో న్యాయం జరిగేలా ప్రత్యేక షెడ్యూల్డ్ ఏరియా ఉద్యోగ నియామక చట్టాన్ని వెంటనే తీసుకురావాలని ఆదివాసీ సంక్షేమ పరిషత్ జాతీయ అధ్యక్షుడు దాట్ల నాగేశ్వరరావు డిమాండ్ చేశారు. పోలవరం జిల్లా చింతూరు కేంద్రంగా ఆదివాసీ సంక్షేమ పరిషత్ ఆధ్వర్యంలో రిలే నిరాహార దీక్షలు ప్రారంభమయ్యాయి. షెడ్యూల్డ్ ఏరియాల్లో స్థానిక ఆదివాసీ యువతకు ఉద్యోగ అవకాశాలు కల్పించేలా ప్రభుత్వం ప్రత్యేక చట్టం రూపొందించాలని కోరారు. ఆదివాసీ ప్రాంతాల్లో నిరుద్యోగ సమస్య తీవ్రంగా ఉందన్నారు.

AP· 7h ago

పోలీసు క్రీడాకారులకు ఆధునిక సౌకర్యాలు: DGP

AP: పోలీసు క్రీడాకారులను జాతీయస్థాయిలో రాణించేలా తీర్చిదిద్దేందుకు ‘ఏపీ పోలీస్ స్పోర్ట్స్ అకాడమీ’ ఏర్పాటు చేస్తున్నట్లు DGP హరీష్‌కుమార్ గుప్తా ప్రకటించారు. మంగళగిరిలో జరిగిన ఏపీ స్టేట్ పోలీస్ స్పోర్ట్స్ అండ్ గేమ్స్ మీట్-2026 ముగింపు కార్యక్రమంలో ఆయన అకాడమీ లోగోను ఆవిష్కరించారు. క్రీడాకారులకు అత్యుత్తమ శిక్షణ, ఆధునిక పరికరాలు, మౌలిక వసతులు కల్పిస్తామని తెలిపారు. నాలుగు రోజులపాటు జరిగిన పోటీల్లో 1,900 మంది పాల్గొనగా, మహిళలు, పురుషుల విభాగాల్లో విశాఖపట్నం రేంజ్ ఓవరాల్ ఛాంపియన్‌గా నిలిచింది.

AP· 8h ago

ఆంధ్రా పేపర్ మిల్‌పై చర్యలు తీసుకోవాలి: పవన్

AP: రాజమహేంద్రవరం గోదావరి కాలుష్యంపై ఉప ముఖ్యమంత్రి పవన్ కల్యాణ్ తీవ్ర ఆగ్రహం వ్యక్తం చేశారు. గోదావరి కాలుష్యంలో ఆంధ్రా పేపర్ లిమిటెడ్ పరిశ్రమదే సగం ఉందని ఆరోపిస్తూ, వెంటనే సమన్లు జారీ చేసి కఠిన చర్యలు తీసుకోవాలని కాలుష్య నియంత్రణ మండలి అధికారులను ఆదేశించారు. గత మూడు నెలలుగా పరిశ్రమ యాజమాన్యానికి తప్పులు సరిదిద్దుకునే అవకాశం ఇచ్చినా స్పందించలేదన్నారు. పన్నులు చెల్లించడంలోనూ నిర్లక్ష్యం చేస్తున్నారని ఫైరయ్యారు. ఇకపై ఉపేక్షించబోమని ఆయన స్పష్టం చేశారు.

AP· 16h ago

గంజాయి దందా గుట్టురట్టు.. ముగ్గురు అరెస్ట్

AP: అనకాపల్లి జిల్లాలో గంజాయి అక్రమ రవాణా గుట్టును పోలీసులు ఛేదించారు. ఒడిశాలో కొనుగోలు చేసిన 600 KGల గంజాయిని తమిళనాడుకు తరలించేందుకు ప్రయత్నించగా పోలీసులు పట్టుకున్నారు. విశాఖ జైలులో పరిచయమైన పశ్చిమగోదావరి జిల్లాకు చెందిన మస్తాన్‌వలి, నర్సీపట్నానికి చెందిన మరోవ్యక్తి కలిసి అక్రమ రవాణాకు ప్లాన్ వేశారు. మల్కాన్‌గిరి నుంచి గంజాయిని చింతపల్లి వరకు తరలించి, తుని మీదుగా వ్యాన్‌లో తమిళనాడుకు తీసుకెళ్లాలని నిర్ణయించగా పోలీసులు పట్టుకున్నారు. మస్తాన్‌వలి, మదీనా, పాంగి రత్నాలను అరెస్ట్ చేశారు.