సీజేపీ నిరసనలకు మద్దతుగా ఇందిరాపార్క్ ధర్నాచౌక్ వద్ద నిరసన
By Mahesh· 23 Jul 2026
TG: దిల్లీలో సీజేపీ ఆధ్వర్యంలో జరుగుతున్న నిరసనలకు మద్దతుగా హైదరాబాద్ నగరం ఇందిరాపార్క్ సమీపంలోని ధర్నాచౌక్ దగ్గర నిరసన కార్యక్రమం చేపట్టారు. కార్యక్రమంలో పాత్రికేయులు, సామాజిక కార్యకర్తలు పాల్గొన్నారు. ఇందులో ఒక విద్యార్థిని తన బాధను వ్యక్తం చేస్తూ కన్నీరు పెట్టుకున్నారు. తాను దళిత వర్గం నుంచి వచ్చానని, డాక్టర్ కావాలనే తన కల నీట్ పేపర్ లీక్ వల్ల ఇబ్బందికరంగా మారిందని తెలిపారు. కేంద్ర ప్రభుత్వానికి అందరం కలిసి బుద్ధి చెప్పాలని అన్నారు. ధర్మేంద్ర ప్రధాన్ రాజీనామా చేయాలని డిమాండ్ చేశారు.
