బాసర సరస్వతీ ఆలయంలో భారీ చోరీ

TG: నిర్మల్ జిల్లాలోని బాసర జ్ఞానసరస్వతీ ఆలయ పైఅంతస్తులో కొలువై ఉన్న మహంకాళి గుడిలో సోమవారం అర్ధరాత్రి భారీ దొంగతనం జరిగింది. దొంగలు ఆలయ తాళాలు పగులగొట్టి గర్భగుడిలోని అమ్మవారి వెండి కిరీటాన్ని, హుండీని ఎత్తుకెళ్లారు. ఆలయ అధికారుల ఫిర్యాదుతో పోలీసులు డాగ్ స్క్వాడ్‌, క్లూస్ టీమ్స్, CCTV ఫుటేజీల ఆధారంగా దర్యాప్తు ముమ్మరం చేశారు. ఆలయ ప్రాంగణంలో గట్టి నిఘా ఉన్నప్పటికీ చోరీ జరగడం పలు అనుమానాలు వ్యక్తం అవుతున్నాయి. చోరీకి ముందు ఆలయంలోని CC కెమెరాలకు వస్త్రాలు కప్పినట్లు పోలీసులు గుర్తించారు.