ఎంవీఎస్ జూనియర్ కాలేజీకి మేకోవర్

By Surender· 1d ago· Mahbubnagar (R) (Og), Mahabubnagar Urban, Mahabubnagar

మహబూబ్‌నగర్ పట్టణంలోని ఎంవీఎస్ ప్రభుత్వ జూనియర్ కళాశాలకు మేకోవర్. రూ.7.95 కోట్లతో 6 ఎకరాల్లో ఆధునిక భవనం నిర్మిస్తారు. విశాలమైన తరగతి గదులు, ఫిజిక్స్, కెమిస్ట్రీ, బయాలజీ హైటెక్ ల్యాబ్‌లు, డిజిటల్ క్లాస్‌రూమ్‌లు, లైబ్రరీ, తాగునీరు, క్రీడా మైదానం రెడీ అవుతాయి. ప్రభుత్వ విప్, ఎమ్మెల్యే యెన్నం శ్రీనివాస్ రెడ్డి త్వరలో భూమిపూజ చేయనున్నారు.

More in Local

Local· 28m ago

VROపై కత్తితో దాడి.. ఇద్దరు నిందితుల అరెస్ట్

కర్నూలు జిల్లా సి.బెళగల్ మండలంలో VRO గోపాల్‌పై దాడి చేసిన కేసులో ఇద్దరు నిందితులను పోలీసులు అరెస్టు చేసి రిమాండ్‌కు తరలించారు. బోయ తిరుమలేష్, బోయ దస్తగిరిని అరెస్టు చేసిన పోలీసులు వారి వద్ద నుంచి దాడికి ఉపయోగించిన కత్తిని స్వాధీనం చేసుకున్నారు. VRO గోపాల్, నిందితుల మధ్య ఉన్న వ్యక్తిగత కక్షల కారణంగానే దాడి జరిగినట్లు సి.బెళగల్ SI వేణుగోపాల్ రాజు తెలిపారు. హెడ్ కానిస్టేబుల్ ప్రసాద్ సింగ్, కానిస్టేబుల్స్ కిషోర్, శ్రీరాములును SI అభినందించారు.

Local· 32m ago

ఖానాపూర్‌లో గంజాయి పట్టివేత

నిజామాబాద్ జిల్లా ఖానాపూర్ శివారులోని ఓ మిల్లులో పనిచేస్తున్న బిహార్‌కు చెందిన కార్మికుడి వద్ద గంజాయి ఉన్నట్లు సమాచారం రావడంతో రూరల్ పోలీసులు తనిఖీలు నిర్వహించినట్లు తెలిసింది. ఈ తనిఖీల్లో గంజాయి స్వాధీనం చేసుకున్నట్లు సమాచారం. గంజాయి ఎక్కడి నుంచి వచ్చింది, ఎక్కడికి తరలిస్తున్నారనే కోణంలో పోలీసులు విచారణ చేపట్టారు. కేసు దర్యాప్తులో ఉందని, త్వరలో పూర్తి వివరాలు వెల్లడిస్తామని పోలీసులు తెలిపారు.

Local· 42m ago

రోడ్డు ప్రమాదంలో వ్యక్తి మృతి

ఖమ్మం జిల్లా చండ్రుగొండ మండలం అయ్యన్నపాలెం వద్ద బుధవారం రాత్రి జరిగిన రోడ్డు ప్రమాదంలో ఓ వ్యక్తి మృతి చెందాడు. స్థానికుల కథనం ప్రకారం.. ద్విచక్ర వాహనాన్ని లారీ ఢీకొనడంతో బైక్ పై ఉన్న వ్యక్తికి తీవ్ర గాయాలు అవ్వడంతో అక్కడికక్కడే మృతి చెందాడని తెలిపారు. సంఘటన స్థలానికి చేరుకున్న పోలీసులు ప్రమాదంపై వివరాలు సేకరిస్తున్నారు. పూర్తి వివరాలు తెలియాల్సి ఉంది.

Local· 45m ago

డ్రంకెన్ డ్రైవ్ కేసులో ఒకరికి జైలు

వరంగల్ ట్రాఫిక్ పోలీస్ స్టేషన్ పరిధిలో డ్రంకెన్ డ్రైవ్ కేసులో పట్టుబడిన 15 మందిని బుధవారం మేజిస్ట్రేట్ అంకేశ్వరపు కమలాకర్ ఎదుట హాజరుపరిచారు. మహబూబాబాద్‌కు చెందిన బానోత్ అనిల్‌కు నాలుగు రోజుల జైలు శిక్ష విధించడంతో పరకాల సబ్ జైలుకు తరలించినట్లు ట్రాఫిక్ సీఐ కే.సుజాత తెలిపారు. మిగతా 14 మందికి 11,600 వేల రూపాయిలు జరిమానా విధించారన్నారు.