CM రిలీఫ్ ఫండ్ చెక్కును అందజేసిన MLA

By Chandrashekhar· 2h ago· Hyderabad

సికింద్రాబాద్ అడ్డగుట్టకి చెందిన ఆర్యన్ అనారోగ్యంతో బాధపడుతుండటంతో ఎమ్మెల్యే పద్మారావు సాయంగా నిలిచారు. CM రిలీఫ్ ఫండ్ ద్వారా మంజూరైన 6 లక్షల రూపాయల ఎల్ఓసి పేపర్‌ను సీతాఫల్‌మండిలో ఆయన అందజేశారు. హెల్త్ ప్రాబ్లెమ్స్‌తో ఇబ్బందిపడే ప్రతి ఒక్కరికీ అండగా ఉంటామని ఎమ్మెల్యే చెప్పారు. ఇప్పటికే నియోజకవర్గంలో చాలామందికి సాయం అందించామన్నారు.

More in Local

Local· 17m ago

గాంధీజీ సిద్ధాంతాలే స్ఫూర్తి

నిజామాబాద్ పోలీస్ కమిషనరేట్‌లో జరిగిన గాంధీ జయంతి ఈవెంట్‌లో ఆయన ఫోటోకి పూలమాల వేసి నివాళులర్పించారు. గాంధీజీ చెప్పిన అహింస, సత్యాగ్రహం ఇప్పటికీ అందరికీ స్ఫూర్తిదాయకమని అదనపు DCP శుభం ప్రకాష్ అన్నారు. అందరూ సమానమేనని గాంధీజీ చెప్పారని, ఆయన కలలుగన్న గ్రామ స్వరాజ్యంతోనే దేశం డెవలప్ అవుతుందని ఈ సందర్భంగా చెప్పారు.

Local· 19m ago

డ్రగ్స్‌కు 'నో' చెప్పండి!

ఏపీ ఈగల్ చీఫ్ ఐజీపీ ఏకే. రవికృష్ణ మాట్లాడారు. యువత మాదకద్రవ్యాలకు దూరంగా ఉండాలన్నారు. స్నేహితుల ఒత్తిడికి లొంగకుండా డ్రగ్స్‌కు ధైర్యంగా 'నో' చెప్పాలని సూచించారు. గాంధీ జయంతి సందర్భంగా చలపతి యూనివర్సిటీ 'Walk for Peace – Stand Against Drugs' నినాదంతో వాకథాన్ నిర్వహించింది. చలపతి యూనివర్సిటీ నుంచి అమరావతి ధ్యాన బుద్ధ విగ్రహం వరకు 15 కిలోమీటర్లు సాగింది. 1,500 మందికి పైగా విద్యార్థులు, అధ్యాపకులు, యువత పాల్గొన్నారు. డ్రగ్స్ సమాచారం ఉంటే ఏపీ ఈగల్ హెల్ప్‌లైన్ 1972కు తెలియజేయాలని ఐజీపీ కోరారు.

Local· 23m ago

చిరు వ్యాపారులకు టిఫిన్ బండ్లు!

గుంటూరు జిల్లా మంగళగిరిలో నిరుపేద కుటుంబాలకు స్వయం ఉపాధి దారి చూపే కార్యక్రమం జరిగింది. మంత్రి, మంగళగిరి ఎమ్మెల్యే నారా లోకేష్ సొంత నిధులతో ఈ సహాయ కార్యక్రమాలు కొనసాగుతున్నాయని టీడీపీ మండల అధ్యక్షులు పల్లబోతుల శ్రీనివాసరావు తెలిపారు. నిడమర్రు బీసీ కాలనీకి చెందిన దూపాటి వెంకటరమణకు టిఫిన్ బండి, నవులూరు ఉడా కాలనీకి చెందిన పఠాన్ జైనాబీకి తోపుడు బండి అందజేశారు. చిరు వ్యాపారాల ద్వారా ఆదాయం సమకూర్చుకోవాలనే ఉద్దేశంతో ఈ సహాయం చేసినట్లు తెలిపారు.

Local· 28m ago

శనివారం విద్యుత్ కట్.. తాడేపల్లి, ప్రాతూరు అలర్ట్!

తాడేపల్లి, ప్రాతూరు పరిధిలో శనివారం (అక్టోబర్ 3) విద్యుత్ సరఫరాకు అంతరాయం ఏర్పడనుంది. లైన్ల నిర్మాణ పనుల కారణంగా ఉదయం 9:30 నుంచి 11 గంటల వరకు కరెంట్ ఉండదు. విద్యుత్ శాఖ డిప్యూటీ ఎగ్జిక్యూటివ్ ఇంజనీర్ కే. అనిల్‌బాబు ప్రకటనలో ఈ విషయం తెలిపారు. వినియోగదారులు గమనించి సిబ్బందికి సహకరించాలని కోరారు. నిర్ణీత సమయం తర్వాత సరఫరా పునరుద్ధరిస్తామని తెలిపారు.