ట్రక్‌ బోల్తా.. బాటిళ్లు మాయం

By Lokesh· 2h ago

బీహార్‌లోని అరరియా జిల్లాలో మద్యం లోడ్‌తో వెళ్తున్న మినీ ట్రక్‌ ఆక్సిడెంట్‌కు గురైంది. రాణిగంజ్‌ ప్రాంతంలోని ఖర్హట్‌ టోల్‌ ప్లాజా దగ్గర ట్రక్‌ డివైడర్‌ను ఢీకొట్టింది. ప్రమాదం తర్వాత డ్రైవర్‌, క్లీనర్‌ పారిపోయారు. ట్రక్‌లో మద్యం ఉందని తెలియడంతో అక్కడికి చేరుకున్న కొందరు బాటిళ్లు, కార్టన్లు ఎత్తుకెళ్లారు. ఈ ఇన్సిడెంట్‌ వీడియో సోషల్‌ మీడియాలో వైరల్‌గా మారింది. పోలీసులు ట్రక్‌ను స్వాధీనం చేసుకుని, వీడియోల ఆధారంగా మద్యం ఎత్తుకెళ్లిన వారిని గుర్తిస్తున్నారు.

More in National

National· 17m ago

ప్రియదర్శిని టీ ఎస్టేట్‌..స్పెషల్ అట్రాక్షన్

కేరళ లోని వయనాడ్‌లో ప్రియదర్శిని టీ ఎస్టేట్‌ టీ ఉత్పత్తితో పాటు విజిటర్స్ ను ఆకర్షిస్తుంది. దాదాపు 1,000 ఎకరాల్లో ఉన్న ఈ ఎస్టేట్‌లో కొంత భూమిని టీ సాగుకు ఉపయోగిస్తున్నారు. మిగిలిన ప్రాంతం ప్రకృతిసిద్ధంగా ఉంటుంది. ఎస్టేట్ ద్వారా సుమారు 300 కుటుంబాలు జీవనోపాధి పొందుతున్నాయి. పిల్లలకు చదువు, కుటుంబాలకు ఇళ్లు, ఉద్యోగ అవకాశాలు కూడా లభిస్తున్నాయి. వయనాడ్‌కు వచ్చే పర్యాటకులు ప్రియదర్శిని టీ ఎస్టేట్‌ స్పెషల్ అట్రాక్షన్.

CNG ఫిల్లింగ్‌ టైంలో పేలుడు..ముక్కలైన కారు

▶

National· 41m ago

CNG ఫిల్లింగ్‌ టైంలో పేలుడు..ముక్కలైన కారు

గుజరాత్‌లోని వడోదర జిల్లా కర్జణ్ దగ్గరలోని NH-48పై కార్ లో CNG నింపుతుండగా గ్యాస్ ట్యాంక్ ఒక్కసారిగా పేలింది. ఈ ఘటనలో కారు వెనుక భాగం తీవ్రంగా ధ్వంసమై, లోహం, అద్దాల ముక్కలు పలుమీటర్ల దూరం ఎగిరాయి. దగ్గరలోని మరో రెండు వాహనాలు కూడా డ్యామేజ్ అయ్యాయి. పేలుడు సమయంలో కారులో ఎవరూ లేకపోవడంతో ప్రాణనష్టం తప్పింది. ఘటనపై పోలీసులు, ఫైర్ సిబ్బంది చర్యలు చేపట్టి, కారణాలపై ఎంక్వయిరీ చేస్తున్నారు.

▶

National· 57m ago

ఇండియా (INDIA) కూటమిలోకి TVK

నటుడు విజయ్ నేతృత్వంలోని TVK పార్టీ 'ఇండియా' (INDIA) కూటమిలో చేరిందని తమిళనాడు కాంగ్రెస్ కమిటీ అధ్యక్షుడు మాణికం ఠాగూర్ తెలిపారు. TVK రాకతో తమిళనాడులో 'ఇండియా' కూటమి మరింత బలోపేతమైందని, ఇది ఒక చారిత్రాత్మక రోజని అన్నారు. RSS, బీజేపీలతో పాటు మోదీ, అమిత్ షాల పాలనకు వ్యతిరేకంగా తమిళనాడులో పోరాటం మరింత ఆసక్తికరంగా మారనుందని చెప్పారు. జ్ఞానేష్ కుమార్ రాజీనామాను డిమాండ్ చేస్తూ జిల్లా కేంద్రాల్లో నిరసన ప్రదర్శనలు చేపట్టాలని నిర్ణయించారు.

చిన్నారిని ఈడ్చుకెళ్లిన మహిళ.. వీడియో వైరల్

▶

National· 1h ago

చిన్నారిని ఈడ్చుకెళ్లిన మహిళ.. వీడియో వైరల్

పంజాబ్‌లోని అమృతసర్‌లో ఐదేళ్ల చిన్నారిపై ఓ మహిళ దాడి చేసిన వీడియో సోషల్ మీడియాలో వైరల్‌గా మారింది. పక్కింటి చిన్నారిని ఆ మహిళ కొట్టడంతో పాటు ఈడ్చుకెళ్లిన దృశ్యాలు సీసీటీవీలో రికార్డయ్యాయి. చిన్నారి తల్లి అడ్డుకునేందుకు ట్రై చేయగా, ఆమెపైనా మహిళ దాడి చేసినట్లు సమాచారం. బాలికపై దాడికి కారణాలు పై పోలీసులు కేసు నమోదు చేసి ఎంక్వయిరీ చేస్తున్నారు.