జిల్లా బెస్ట్ టీచర్‌గా సాతూరి ప్రసాద్

By rajinikanth nagilla· 1h ago· Hanumakonda

TG హన్మకొండ జిల్లా ఉత్తమ ఉపాధ్యాయుడిగా సాతూరి ప్రసాద్ ఎంపికయ్యారు. భీమదేవరపల్లి మండలం కొత్తకొండ జిల్లా పరిషత్ ఉన్నత పాఠశాలలో విధులు నిర్వహిస్తున్న సాతూరి ప్రసాద్‌ను తెలంగాణ ప్రభుత్వం హన్మకొండ జిల్లా ఉత్తమ ఉపాధ్యాయుడిగా ఎంపిక చేసింది. ఉపాధ్యాయ దినోత్సవం సందర్భంగా ప్రకటించిన జిల్లా ఉత్తమ ఉపాధ్యాయుల జాబితాలో ఆయనకు చోటు దక్కింది. జిల్లాలో నిర్వహించనున్న గురుపూజోత్సవ కార్యక్రమంలో సాతూరి ప్రసాద్ అవార్డును అందుకోనున్నారు. పాఠశాల సిబ్బంది, విద్యార్థులు, పలువురు ఆయనకు శుభాకాంక్షలు తెలిపారు.

More in Local

▶

Local· 16m ago

చిన్నహ్యాట కొండల్లో యథేచ్ఛగా తవ్వకాలు

AP: కర్నూలు జిల్లా హొలగుంద మండలం చిన్నహ్యాట గ్రామ కొండల నుంచి ఎర్రమట్టిని పెద్ద ఎత్తున తరలిస్తుండటంపై స్థానికులు ఆందోళన వ్యక్తం చేస్తున్నారు. విండ్ పవర్, రోడ్డు పనుల పేరుతో నెలలుగా భారీ వాహనాలతో ఎర్రమట్టిని తరలిస్తున్నారని గ్రామస్తులు ఆరోపిస్తున్నారు. ప్రస్తుతం సర్వే నంబర్ 194 పరిసర కొండల్లో తవ్వకాలు జరుగుతున్నా అనుమతులు ఉన్నాయో లేదో అధికారులు స్పష్టం చేయడం లేదని తెలిపారు. పచ్చని కొండలు కనుమరుగయ్యే ప్రమాదం ఉందని, ఉన్నతాధికారులు వెంటనే స్పందించి ఎర్రమట్టి తవ్వకాలను అడ్డుకోవాలని కోరుతున్నారు.

Local· 28m ago

లక్ష విగ్రహాలు ఫ్రీ.. ఆఫీసర్ల జేబుల్లోకి లక్షలు!

పర్యావరణ పరిరక్షణ కోసం GHMC హైదరాబాద్‌లో లక్ష మట్టి గణపతి విగ్రహాలను ఫ్రీగా డిస్ట్రిబ్యూట్ చేయడానికి రెడీ అయింది. దీనికోసం టెండర్ ప్రాసెస్ కంప్లీట్ చేసి, విగ్రహాల సైజును బట్టి రూ.32.18 నుండి రూ.220 వరకు ప్రైస్ ఫిక్స్ చేశారు. అయితే ఏటా రూ.కోటి వరకు బడ్జెట్ కేటాయిస్తున్నా, ఎంతమందికి డిస్ట్రిబ్యూట్ చేశారనే దానిపై ప్రాపర్ రికార్డ్స్ లేవు. కొంతమంది ఆఫీసర్లు, ఎంప్లాయీస్ ఈ ప్రాజెక్ట్ పేరుతో లక్షల్లో కరప్షన్‌కి పాల్పడుతున్నారని సప్లై చేసిన ఏజెన్సీలతో పాటు సిటీ ప్రజల నుండి తీవ్రమైన ఆరోపణలు వస్తున్నాయి.

Local· 31m ago

ప్రమాదకరంగా కరెంట్ తీగలు.. రైతుల ఆందోళన

TG సిద్దిపేట జిల్లా చేర్యాల మండలం ఆకునూరు ఐకేపీ ధాన్యం కొనుగోలు కేంద్రంలో విద్యుత్ తీగలు కిందకు వేలాడుతూ ప్రమాదకరంగా మారాయని రైతులు ఆవేదన వ్యక్తం చేస్తున్నారు. చేతికందే ఎత్తులో తీగలు ఉండటంతో ఎప్పుడు ప్రమాదం జరుగుతుందోనని ఆందోళన చెందుతున్నారు. కొనుగోలు కేంద్రానికి నిత్యం ట్రాక్టర్లు, లారీలు వస్తుండటంతో ప్రమాదం మరింత పొంచి ఉందని రైతు కంతుల నర్సయ్య తెలిపారు. విద్యుత్ తీగలను సురక్షితంగా పైకి మార్చి, మధ్యలో విద్యుత్ స్తంభం ఏర్పాటు చేయాలని స్థానిక రైతులు అధికారులను కోరుతున్నారు.

Local· 37m ago

కాంగ్రెస్ 1000 రోజుల పాలనపై BRS నిరసన

TG: కాంగ్రెస్ ప్రభుత్వం 1000 రోజుల పాలన పూర్తి చేసుకున్న సందర్భంగా వరంగల్ జిల్లా పర్వతగిరిలో BRS ఆధ్వర్యంలో నిరసన చేపట్టారు. మండల అధ్యక్షుడు ఎర్రబెల్లి రాజేశ్వర్‌రావు నేతృత్వంలో ర్యాలీ, రాస్తారోకో, వంటా వార్పు కార్యక్రమాలు నిర్వహించారు. ఆరు గ్యారంటీలు, ఎన్నికల హామీల అమలులో కాంగ్రెస్ ప్రభుత్వం విఫలమైందని రాజేశ్వర్‌రావు విమర్శించారు. ప్రభుత్వంపై ప్రజల్లో వ్యతిరేకత పెరుగుతోందని, రాబోయే ఎన్నికల్లో BRS విజయం సాధిస్తుందని ధీమా వ్యక్తం చేశారు.