ఉపాధ్యాయుడి కుటుంబానికి ఆరులక్షల సాయం

By Dr.Kranthikumar· 2h ago· Munagala, Munagala, Suryapet

సూర్యాపేట జిల్లా మునగాల మండల కేంద్రంలోని తెలంగాణ స్టేట్ మోడల్ స్కూల్‌లో PGT (ఇంగ్లీష్)గా పనిచేసిన తెలంగాణ రాష్ట్ర ఐక్య ఉపాధ్యాయ ఫెడరేషన్ కార్యకర్త కొండేటి సైదులు ఇటీవల అనారోగ్యంతో మృతి చెందారు. ఆయన కుటుంబానికి ఫెడరేషన్ కుటుంబ సంక్షేమ నిధి పథకం కింద 6లక్షల చెక్కును రాష్ట్ర అధ్యక్షుడు చావా రవి అందజేశారు. మునగాల తెలంగాణ మోడల్ స్కూల్‌లో నిర్వహించిన సంతాప కార్యక్రమంలో సైదులు సతీమణి నాగలక్ష్మికి చెక్కును అందించారు.

More in Local

Local· 14m ago

పాలేరు వాగు చెక్ డ్యాంను ప్రారంభించిన మంత్రి

ఖమ్మం జిల్లా కట్టుకాచారం గ్రామంలో పాలేరు వాగుపై 6.65 కోట్ల వ్యయంతో నిర్మించిన నూతన చెక్ డ్యాంను మంత్రి పొంగులేటి శ్రీనివాస రెడ్డి ఇవాళ జిల్లా కలెక్టర్ దివాకర్తో కలిసి ప్రారంభించారు. ఎల్‌నినో పరిస్థితుల తరుణంలో ఈ చెక్ డ్యాం వల్ల కట్టుకాచారం, కొత్తగూడెం పరిసర గ్రామాల్లో భూగర్భ జలాలు పెరిగి సాగునీరు అందుతుంది. వాగులో నీరు నిలవడంతో రైతులు హర్షం వ్యక్తం చేస్తున్నారు.

Local· 30m ago

ఖమ్మంలో రేపటి నుంచి పెసల కొనుగోళ్లు..!

ఖమ్మం జిల్లా కేంద్ర ప్రభుత్వ నిర్ణయం మేరకు మార్కెఫెడ్ ఆధ్వర్యంలో సోమవారం నుంచి ఖమ్మం, వైరా మార్కెట్లలో పెసల కొనుగోళ్లు ప్రారంభం కానున్నాయి. కొనుగోళ్ల బాధ్యతను DCMSకు అప్పగించినట్లు ఆ సంస్థ బిజినెస్ మేనేజర్ సందీప్ తెలిపారు. వ్యవసాయశాఖ ఆన్‌లైన్‌లో పంట వివరాలు నమోదు చేసుకున్న రైతులనుంచి బయోమెట్రిక్ (వేలిముద్రలు) ఆధారంగా ఈ కొనుగోళ్లు జరుపుతామని ఆయన పేర్కొన్నారు.

▶

Local· 41m ago

ఇది రోడ్డే.. మొత్తం బురదమయం

అల్లూరి సీతారామరాజు జిల్లాలోని బూసిపుట్టు–గిన్నెలకోట రహదారి వర్షాలకు బురదమయంగా మారి వాహనాలు కూరుకుపోతున్నాయి. ఈ మార్గంపై సుమారు ఐదు పంచాయతీల ప్రజలు ఆధారపడి ఉన్నారు. వర్షాలు కురిసిన ప్రతిసారీ రహదారి అధ్వానంగా మారడంతో రాకపోకలకు తీవ్ర ఇబ్బందులు ఎదురవుతున్నాయని స్థానికులు తెలిపారు. ముఖ్యంగా అత్యవసర పరిస్థితుల్లో ఆసుపత్రులకు వెళ్లేందుకు నానా అవస్థలు పడుతున్నామని చెప్పారు. వాహనాలు బురదలో కూరుకుపోవడంతో ప్రయాణికులు ఇబ్బందులు ఎదుర్కొంటున్నారు.

Local· 43m ago

బాలికపై లైంగిక వేధింపులు..!

కరీంనగర్ జిల్లా జమ్మికుంటకు చెందిన ఓ బాలికను మాయమాటలతో లోబర్చుకున్న యువకుడిపై శనివారం పోక్సో కేసు నమోదు చేసినట్లు CI ఎస్. రామకృష్ణ తెలిపారు. కొద్దిమాసాలుగా యువకుడు తనను లైంగికంగా వేధిస్తున్నాడని బాలిక ఫిర్యాదు చేసినట్లు చెప్పారు. ఫిర్యాదు ఆధారంగా కేసు నమోదు చేసి దర్యాప్తు చేస్తున్నట్లు సీఐ వెల్లడించారు.