ఇది రోడ్డే.. మొత్తం బురదమయం

By SINDERI KAMESH· 2h ago· Munchingiputtu, Munchingi Puttu, Alluri Sitharama Raju

అల్లూరి సీతారామరాజు జిల్లాలోని బూసిపుట్టు–గిన్నెలకోట రహదారి వర్షాలకు బురదమయంగా మారి వాహనాలు కూరుకుపోతున్నాయి. ఈ మార్గంపై సుమారు ఐదు పంచాయతీల ప్రజలు ఆధారపడి ఉన్నారు. వర్షాలు కురిసిన ప్రతిసారీ రహదారి అధ్వానంగా మారడంతో రాకపోకలకు తీవ్ర ఇబ్బందులు ఎదురవుతున్నాయని స్థానికులు తెలిపారు. ముఖ్యంగా అత్యవసర పరిస్థితుల్లో ఆసుపత్రులకు వెళ్లేందుకు నానా అవస్థలు పడుతున్నామని చెప్పారు. వాహనాలు బురదలో కూరుకుపోవడంతో ప్రయాణికులు ఇబ్బందులు ఎదుర్కొంటున్నారు.

More in Local

Local· 6m ago

గ్రంథాలయాల తనిఖీ

నెల్లూరు జిల్లా గ్రంథాలయ సంస్థ ఛైర్‌పర్సన్ మేకపాటి శాంతికుమారి కొండాపురం మండల కేంద్రంలోని లైబ్రరీని తనిఖీ చేశారు. గ్రంథాలయాలను అభివృద్ధి చేసేందుకు కూటమి ప్రభుత్వం కట్టుబడి ఉందని, తడ గ్రేడ్-3 లైబ్రరీలో మెరుగైన వసతులు కల్పిస్తామని ఆమె తెలిపారు. సమస్యలను తెలుసుకునేందుకు ఉమ్మడి నెల్లూరు జిల్లా వ్యాప్తంగా పర్యటిస్తున్నట్లు చెప్పారు.

Local· 10m ago

నిజామాబాద్ రూరల్ కొత్త SHO

నిజామాబాద్ రూరల్ పోలీస్ స్టేషన్ SHOగా శ్రీధర్‌రెడ్డి బాధ్యతలు చేపట్టారు. ఇప్పటివరకు ఇక్కడ పనిచేసిన శ్రీనివాస్ నార్త్ CIగా బదిలీ కాగా, ఎస్‌బీలో ఉన్న శ్రీధర్‌రెడ్డిని IG రూరల్ SHOగా నియమించారు. శాంతిభద్రతల పరిరక్షణ, నేరాల నియంత్రణకే తన మొదటి ప్రాధాన్యమని బాధ్యతలు స్వీకరించిన అనంతరం శ్రీధర్‌రెడ్డి స్పష్టం చేశారు.

Local· 14m ago

మాజీ హోంమంత్రి జయంతి వేడుకలు

తాండూర్ మండలం కోటబాస్పల్లిలో మాజీ హోంమంత్రి ఇంద్రారెడ్డి 72వ జయంతి వేడుకలు జరిగాయి. ఇంద్రారెడ్డి చారిటబుల్ ట్రస్ట్ చైర్మన్ గొట్టిగ నరసింహారెడ్డి ఆయన విగ్రహానికి పూలమాల వేసి నివాళులర్పించారు. కార్మికుల హక్కుల కోసం ఇంద్రారెడ్డి చేసిన సేవలను గుర్తు చేస్తూ, యువత ఆయన నిజాయితీని ఆదర్శంగా తీసుకోవాలని బాబన్న పిలుపునిచ్చారు. ఈ కార్యక్రమంలో ట్రస్ట్ సభ్యులు, గ్రామ పెద్దలు పాల్గొన్నారు.

Local· 16m ago

అభివృద్ధి పనులకు శంకుస్థాపన చేసిన భట్టి

ఖమ్మం జిల్లా ఎర్రుపాలెం మండలంలో Dy.cm మల్లు భట్టి విక్రమార్క ఇవాళ పర్యటించారు. ఎర్రుపాలెంలో 5 కోట్లతో నిర్మించనున్న బీటీ రోడ్డుతో పాటు రామాపురం-కొత్తపాలెం రహదారి పనులకు శంకుస్థాపన చేశారు. రెమిడిచర్లలో 71 లక్షలతో చేపట్టనున్న సిమెంట్ రోడ్ల పనులను ప్రారంభించారు. ఎన్టీఆర్ కాలనీకి సిమెంట్ రహదారులు, తాగునీటి సౌకర్యం కల్పించాలని స్థానికులు డిప్యూటీ సీఎంను కోరారు. అధికారులూ, ప్రజాప్రతినిధులు పాల్గొన్నారు.