16 ఏళ్ల విద్యార్థి.. టీబీకి కొత్త రక్త పరీక్ష

By E.Nani· 2d ago· Indiatimes

అమెరికాకు చెందిన 16 ఏళ్ల ఆస్టిన్‌ జిన్‌ టీబీ(క్షయవ్యాధి)ని గుర్తించేందుకు కొత్త రక్త పరీక్షను అభివృద్ధి చేశాడు. CRISPR టెక్నాలజీతో రూపొందించిన ఈ టెస్ట్‌తో టీబీతోపాటు మందులకు లొంగని రకాలను కూడా గుర్తించవచ్చని చెబుతున్నారు. M-CATCH పేరుతో తయారు చేసిన ఈ పరీక్షపై జిన్‌ పరిశోధన చేశాడు. అతడి ప్రతిభకు 2026 డేవిడ్సన్‌ ఫెలోషిప్‌తోపాటు 42 లక్షల రూపాయల స్కాలర్‌షిప్‌ లభించింది. ఈ పరీక్ష టీబీని త్వరగా గుర్తించడంలో ఉపయోగపడే అవకాశం ఉంది.

More in Health

Health· 2h ago

పాలలో ఇన్ని రకాలున్నాయా?

మనం తాగే పాలలో 2 ప్రధాన రకాలున్నాయి. అవి 1. యానిమల్ మిల్క్, 2. మొక్కల పాలు. వీటిలో యానిమల్ మిల్క్‌గా చెప్పుకునే ఆవు, గేదె, మేక, గొర్రె, ఒంటె పాలను సాధారణంగా ఎక్కువ మంది తాగుతారు. ఐతే.. ప్లాంట్ బేస్డ్ మిల్క్ చూస్తే.. ఆల్మండ్, సోయా, కోకోనట్, ఓట్, రైస్, కాజూ, హెంప్, పీ నుంచి పాలు లభిస్తున్నాయి. ఇవి శాకాహారులకు, లాక్టోస్ ఇంటాలరెన్స్ ఉన్నవారికి అనుకూలంగా ఉంటాయి. వరల్డ్ వైడ్‌గా 15 నుంచి 20కి పైగా రకాలు ఉన్నా, సాధారణంగా ఆవు, సోయా, బాదం, కొబ్బరి, ఓట్ పాలను ఎక్కువగా వాడుతారు.

Health· 5h ago

ఆల్కహాల్ బదులుగా మందులు..ఏంటిది?

ఆల్కహాల్ బదులు కొందరు యువత ప్రిస్క్రిప్షన్ మందులను ఉపయోగిస్తున్నట్లు బీబీసీ కథనం తెలిపింది. ప్రపంచవ్యాప్తంగా యువతలో ఈ ట్రెండ్ కనిపిస్తోంది. సోషల్ యాంగ్జైటీ తగ్గించుకునేందుకు ప్రెగాబాలిన్, ప్రొప్రనాలోల్ లాంటి మందుల గురించి కొందరు సోషల్ మీడియా ద్వారా తెలుసుకుని వాటిని వాడుతున్నారు. ఆల్కహాల్ వల్ల వచ్చే హ్యాంగోవర్ ఉండదనే కారణంతో వీటివైపు ఆకర్షితులవుతున్నారు. అయితే డాక్టర్ ప్రిస్ర్కిప్షన్ లేకుండా వాడితే ప్రమాదమని నిపుణులు హెచ్చరిస్తున్నారు. లాంగ్ టర్మ్ వాడితే మందులపై ఆధారపడే ప్రమాదం ఉందంటున్నారు.

Health· 5h ago

నెమ్మదిగా తింటే ఎన్నో ప్రయోజనాలు

ఆహారాన్ని నిదానంగా, బాగా నమిలి తినడం ఆరోగ్యానికి మంచిదని Harvard T.H. Chan School of Public Health నిపుణులు సూచిస్తున్నారు. వేగంగా తినడం కంటే నెమ్మదిగా తినడం వల్ల ఆహారం బాగా జీర్ణమయ్యేందుకు సహాయపడుతుంది.<br>కడుపు నిండిన భావనను గుర్తించేందుకు టైం దొరుకుతుంది. అతిగా తినే అవకాశం తగ్గుతుందని అంటున్నారు. కాబట్టి భోజనాన్ని తొందరగా ముగించకుండా, ప్రతి ముద్దనూ బాగా నమిలి తినడం అలవాటు చేసుకోవాలని చెప్పారు. ఇది వెయిట్ లాస్‌కి కూడా ఉపయోగపడుతుందని తెలిపారు .

Health· 23h ago

బ్రెస్ట్ క్యాన్సర్‌కు కొత్త మందు

ఇంగ్లాండ్‌లో క్యూర్ కాని HER2-low బ్రెస్ట్ క్యాన్సర్ రోగులకు ‘Enhertu’ మందు National Health Service (NHS)లో అందుబాటులోకి వచ్చింది. ఈ మందుతో రోగులు సగటున ఏడు నెలలు అదనంగా జీవించే అవకాశం ఉంది. ఏటా సుమారు 1,000 మంది మహిళలకు ప్రయోజనం కలగనుంది. అధిక ధర కారణంగా గతంలో ఈ మందును NHSలో చేర్చలేదు. ఇప్పుడు మందుల ఖర్చు లెక్కల్లో మార్పులతో అనుమతి ఇచ్చారు. స్కాట్లాండ్‌లో ఇది 2023 నుంచే అందుబాటులో ఉంది.