భారీగా నకిలీ మందులు.. 16 లైసెన్సులు రద్దు
By Anusha· 1d ago
కర్ణాటకలో నకిలీ మందుల గుట్టు రట్టైంది. బెంగళూరు - మైసూరు ఎక్స్ప్రెస్ వేపై బిడది పట్టణం సమీపంలోని ఓ ఫామ్హౌస్లో రూ.5.05 కోట్ల విలువైన నకిలీ మందులు అధికారులు గుర్తించారు. తక్కువ ధరకు మందులు కొని, ప్రముఖ కంపెనీల పేర్లతో కొత్త సీసాల్లో ప్యాక్ చేసి విక్రయిస్తున్నట్లు తేలింది. నకిలీ లేబుళ్లు, పనిచేయని QR కోడ్లను కూడా వాడినట్లు అధికారులు తెలిపారు. దీంతో 16 మందుల దుకాణాల లైసెన్సులు రద్దు చేసి, మరో 8 లైసెన్సులను సస్పెండ్ చేశారు. 30 బాక్సుల గడువు ముగిసిన మందులను కూడా స్వాధీనం చేసుకున్నారు.
