భగ్గుమన్న గోల్డ్ ప్రైస్

By Krishna· 7h ago

బంగారం ధరలు భారీగా పెరిగాయి. 24 క్యారెట్ల ప్యూర్ గోల్డ్ 10 గ్రాములు.. 1580 రూపాయలు పెరిగి, 1,54,420 రూపాయలుగా ఉంది. అలాగే 22 క్యారెట్ల నగల తయారీ గోల్డ్ 10 గ్రాములు.. 1450 రూపాయలు పెరిగి, 1,41,550 రూపాయలుగా ఉంది. సిల్వర్ ధరలో మార్పులేదు. డాలర్ విలువ తగ్గుతుండటం, జియో పొలిటికల్ టెన్షన్స్ పెరుగుతుండటం, ఫెస్టివల్ సీజన్ వంటివి.. గోల్డ్ ప్రైసెస్ పెరిగేందుకు కారణం అవుతున్నాయి. లోకల్ మార్కెట్లలో నగలపై మేకింగ్ ఛార్జీలు, GST విధిస్తారు. అందువల్ల కొనుక్కునే ముందు.. అన్ని ఛార్జీలనూ పరిశీలించుకోండి.

More in Current Affairs

Current Affairs· 2h ago

జంతువుల మాస్క్‌లతో PETA కార్యకర్తల నిరసన

ఢిల్లీలోని రామ్ లీల మైదానంలో PETA(People for the Ethical Treatment of Animals) ఇండియా కార్యకర్తలు జంతువుల మాస్కులు ధరించి, జంతువుల ఫీలింగ్స్ ప్లకార్డ్స్ చూపిస్తూ నిరసన చేస్తున్నారు. జంతువులపై జరుగుతున్న హింస, వినియోగంపై ప్రజల్లో అవగాహన కల్పించడమే తమ లక్ష్యమని చెప్తున్నారు. జంతువులకు కూడా స్వేచ్ఛగా జీవించే హక్కు కల్పించే ప్రొటెక్షన్ లా తేవాలని డిమాండ్ చేశారు.

Current Affairs· 3h ago

UPI వద్దే వద్దు.. బంకుల్లో మొదలైన నిరసన!

అక్టోబర్ 15 నుంచి పెట్రోల్ లేదా డీజిల్ కొనుగోళ్లలో 2,000 రూపాయలు దాటిన UPI చెల్లింపులపై డీలర్లు 5 రూపాయలు ఫ్లాట్ MDR చెల్లించాల్సి ఉంటుంది. దీన్ని ఏపీ, తెలంగాణ సహా దేశవ్యాప్తంగా పెట్రోల్ డీలర్ల అసోసియేషన్లు తీవ్రంగా వ్యతిరేకిస్తున్నాయి. తమ మార్జిన్లు లీటరుకు 2 రూపాయల 40 పైసల నుంచి 3 రూపాయల 40 పైసలు మాత్రమే ఉంటాయనీ, MDR ఛార్జీ భారంగా మారుతుందని డీలర్లు చెబుతున్నారు. తమకు మినహాయింపు ఇవ్వకపోతే UPIని ఆపేసి, క్యాష్ మాత్రమే తీసుకుంటామని హెచ్చరిస్తున్నారు.

Current Affairs· 7h ago

బ్యాంకులకు MDR పంట!

2,000 రూపాయలు కంటే ఎక్కువ ఉన్న కొన్ని UPI మర్చంట్ పేమెంట్స్‌పై అక్టోబర్ 15 నుంచి 0.4% MDR అమలు కానుంది. ఈ విధానం ద్వారా ఏటా సుమారు 15 వేల కోట్ల రెవెన్యూ పూల్ ఏర్పడే అవకాశం ఉంది. ఈ మొత్తంలో ప్రధాన వాటా బ్యాంకులకూ, మిగతాది UPI యాప్స్, పేమెంట్ సర్వీస్ ప్రొవైడర్స్ లాంటి పేమెంట్ ఎకోసిస్టమ్‌లోని సంస్థలకు దక్కనుంది. ఈ ఛార్జీల నిర్ణయం వల్ల UPI పేమెంట్స్ తగ్గే ప్రమాదం ఉందనే టాక్ వినిపిస్తోంది.

Current Affairs· 9h ago

అల్పపీడనం.. భారీ వర్షాల అలర్ట్

మయన్మార్‌కి దక్షిణంగా, బంగాళాఖాతంలో అల్పపీడనం ఉంది. అందువల్ల కోస్తాంధ్రలో సెప్టెంబర్ 19 నుంచి 21 వరకూ, రాయలసీమలో 23న, తెలంగాణలో 20 నుంచి 23 వరకూ భారీ వర్షాలు కురుస్తాయని IMD తెలిపింది. 18 నుంచి 23 వరకూ ఏపీ, 18, 19న తెలంగాణలో అక్కడక్కడా లైట్ రెయిన్ కురుస్తుంది. 20 నుంచి 23 వరకూ తెలంగాణలోని చాలా ప్రాంతాల్లో మోస్తరు వర్షం కురుస్తుంది. 19 నుంచి 21 వరకూ ఏపీలో, 18 నుంచి 21 వరకూ తెలంగాణలో ఉరుములు, మెరుపులతోపాటూ, గంటకు 50 కిలోమీటర్ల వేగంతో ఈదురుగాలులు వీస్తాయి.