స్మార్ట్‌ఫోన్లు ప్రియం!
By A.Ajay· 22h ago
కౌంటర్‌పాయింట్‌ రీసెర్చ్‌ నివేదిక ప్రకారం, 2026 తొలి ఆరు నెలల్లో భారత్‌లో స్మార్ట్‌ఫోన్ల సగటు ధరలు 16 శాతం పెరిగాయి. మెమరీ చిప్‌ల ధరలు పెరగడం, రూపాయి విలువ తగ్గడంతో ఫోన్ల తయారీ ఖర్చులు పెరిగాయని తెలిపింది. 10 వేల లోపు ఫోన్ల ధరలు సగటున 32 శాతం పెరగడంతో, ఈ విభాగం అమ్మకాలు 65 శాతం తగ్గాయి. 10 వేల నుంచి 15 వేల ఫోన్ల అమ్మకాలు 20 శాతం తగ్గాయి. మరోవైపు 20 వేలకుపైగా ఉన్న ఫోన్లకు డిమాండ్‌ కొనసాగింది. మొత్తం స్మార్ట్‌ఫోన్‌ మార్కెట్‌ రెండంకెల స్థాయిలో తగ్గే అవకాశం ఉందని ఈ నివేదిక అంచనా వేసింది.
