కొత్త CAFE-3 రూల్స్

By A.Ajay· 2h ago

కేంద్ర విద్యుత్‌ మంత్రిత్వ శాఖ కొత్త Corporate Average Fuel Economy (CAFE-3) రూల్స్ ప్రకటించింది. 2027 ఏప్రిల్‌ 1 నుంచి 2032 మార్చి 31 వరకు అమల్లో ఉంటాయి. భారత్‌లో తయారు చేసే లేదా దిగుమతి చేసుకుని అమ్మే కొత్త ప్యాసింజర్‌ వాహనాలకు ఈ రూల్స్ వర్తిస్తాయి. కార్ల కంపెనీలు అమ్మే వాహనాల సగటు ఇంధన వినియోగాన్ని క్రమంగా తగ్గించాలి. 2027-28లో 100 కిలోమీటర్లకు 3.996 లీటర్లుగా ఉన్న లక్ష్యం 2031-32 నాటికి 3.3273 లీటర్లకు తగ్గనుంది. అంటే ఐదేళ్లలో ఇంధన సామర్థ్యం 16.7% మెరుగుపడేలా లక్ష్యంగా పెట్టుకున్నారు.

More in National

National· 9m ago

ఇన్‌స్టాలో ప్రేమ పేరుతో మోసం.. ఇండియా వచ్చిన ఇటలీ డిజైనర్

ఇటలీకి చెందిన 50 ఏళ్ల జ్యువెలరీ డిజైనర్ పావోలా బెర్టోలిని సైబర్ వలలో చిక్కుకున్నారు. ఇన్‌స్టాగ్రామ్‌లో గురుగ్రామ్‌కు చెందిన ఓ వ్యక్తి తనను తాను ఫ్యాషన్ డిజైనర్‌గా పరిచయం చేసుకున్నాడు. పెళ్లి చేసుకుంటానని నమ్మించాడు. గురుగ్రామ్‌లో బొటిక్ వ్యాపారం పెడదామని చెప్పి, ఆమె నుంచి సుమారు లక్ష రూపాయలకు పైగా తీసుకున్నాడు. ఆ తర్వాత ఫోన్లకు ఆన్సర్ చేయకపోవడంతో తను మోసపోయానని గ్రహించి, సెప్టెంబర్ 28న ఇటలీ నుంచి విమానంలో ఢిల్లీకి చేరుకుని కంప్లైంట్ చేశారు.

▶

National· 47m ago

CJP ప్లాన్ ఇదే! (Video)

CJP చీఫ్ అభిజీత్ దీప్కేకి సంబంధించిన ఓ వీడియో వైరల్ అవుతోంది. అందులో అక్టోబర్ 2న ముంబైలో చెయ్యబోయే "ఛలో ముంబై" ఆందోళనకి సంబంధించిన చర్చ జరుగుతోంది. కొంతమంది సపోర్టర్లు.. అట్టముక్కలను దీప్కేకి చూపిస్తున్నారు. ప్రొటెస్టులో పాల్గొన్నప్పుడు వాటిని ఎలా ప్రదర్శిస్తారో, వాటిపై ఎలాంటి స్లోగన్స్ రాస్తారో చెబుతున్నారు. దీప్కే కూడా తన సూచనల్ని ఇస్తున్నారు. ఇలా ఛలో ముంబై ఆందోళనకు ప్రిపరేషన్ జరుగుతోందని ఈ వీడియో చెబుతోంది.

▶

National· 59m ago

"ఛలో జంతర్ మంతర్": AAP

ఇదివరకు సొంత పోరాటాలతో ప్రజలను ఆకర్షించిన ఆమ్ ఆద్మీ పార్టీ.. ఇప్పుడు Gen Z రూట్‌ని ఫాలో అవుతోంది. అక్టోబర్ 2న జంతర్ మంతర్ దగ్గర ఆందోళనకు విద్యార్థి నాయకురాలు నేహా బోరా పిలుపు ఇవ్వడంతో.. ఆ ఆందోళనకు 'ఆప్' సపోర్ట్ ఇస్తోంది. "ఓటు హక్కును కాపాడుకోవాలంటే.. తప్పనిసరిగా జంతర్ మంతర్ 2.0 ఆందోళనకు వెళ్లాలి" అని ఆప్ నేత అతిషి పిలుపునిచ్చారు. పోలీసులు పర్మిషన్ ఇవ్వకపోయినా, ఈ ఆందోళనలో పెద్ద సంఖ్యలో పాల్గొనేందుకు యూత్ రెడీ అవుతున్నారు.

National· 1h ago

ఎన్నికల అధికారికి కర్ణాటక CM D.K.శివకుమార్ లేఖ

రాష్ట్ర ఎన్నికల అధికారికి కర్ణాటక CM D.K.శివకుమార్ లేఖ రాశారు. ఫామ్ 7 అభ్యంతరాలపై వెంటనే విచారణ చేయాలని కోరారు. ముదిగెరెలో 6,259, బెలగావి నార్త్‌లో సుమారు 3,000, భల్కీలో 2,285, బబళేశ్వర్‌లో 1,373, నరసింహ రాజ్‌లో 1,200 అభ్యంతరాలు వచ్చాయని ఆయన తెలిపారు. సెప్టెంబర్ 22, 23, 24 తేదీల్లో ఎక్కువ సంఖ్యలో వచ్చాయన్నారు. తొలగించాలని ప్రతిపాదించిన ఓటర్లలో చాలా మంది మైనారిటీలు, ఎస్సీ, ఎస్టీ, ఓబీసీ వర్గాలకు చెందినవారనే రిపోర్టులున్నాయని తెలిపారు.