ఫ్లైట్‌లో పైలెట్ల ఫైట్

By Krishna· 18h ago· X

దుబాయి నుంచి టెల్‌అవీవ్‌కు వెళ్తున్న ఫ్లైదుబాయి ఫ్లైట్‌లో పైలట్ల మధ్య తీవ్ర గొడవ జరిగింది. ఒకరు, మరొకరిని కత్తితో పొడవడంతో హైజాక్ సిగ్నల్స్ వెళ్లాయి. ప్లేన్‌ని సౌదీ అరేబియాలోని తబూక్‌లో ఎమర్జెన్సీ ల్యాండింగ్ చేశారు. సుమారు 180 మంది ఇజ్రాయెల్ ప్రయాణికులున్న ఈ బోయింగ్ 737లో.. కాక్‌పిట్‌లో రక్తం కారుతుండగా ప్రయాణికులు, సిబ్బంది కలిసి.. దాడి చేసిన పైలట్‌ను అణచివేశారు. ప్లేన్ ఎత్తు నుంచి ఒక్కసారిగా పడి.. 7700, 7500 కోడ్‌లు వెళ్లడంతో ఇజ్రాయెల్ ఫైటర్‌జెట్లు సిద్ధమయ్యాయి. మొత్తంగా అందరూ సేఫ్‌గా ఉన్నారు.

More in International

International· 6m ago

హైజాక్? టెర్రర్ ఎటాక్?

ఫ్లై దుబాయ్ FZ1073 ప్లేన్‌ ఘటనలో ఒమన్ జాతీయుడిగా చెబుతున్న కో-పైలట్‌ని సౌదీ అధికారులు ప్రశ్నిస్తున్నారు. సెప్టెంబర్ 30న దుబాయ్ నుంచి టెల్ అవీవ్‌కి వెళ్తున్న ప్లేన్‌లో కో-పైలట్ కెప్టెన్<a href="https://www.theclearcutnews.com/n/rQY5k8G"> స్మిత్ మచ్ఛర్‌పై కత్తి</a>తో దాడి చేశాడు. ప్లేన్‌ని 14వేల అడుగుల నుంచి సడెన్‌గా కిందకు దింపాడు. అతను విమానాన్ని కూల్చాలనుకున్నాడా? హైజాక్ ప్లానా? సూసైడ్ అటాక్ ట్రై చేశాడా? ఇందులో టెర్రరిజం యాంగిల్ ఉందా? అనే విషయాలపై దర్యాప్తు జరుగుతోంది. అసలు కారణాన్ని ఇంకా ప్రకటించలేదు.

International· 20m ago

ఆ పైలెట్ గ్రేట్.. భారతీయుడే!

ఫ్లైదుబాయి ప్లేన్ FZ1073లో కాక్‌పిట్‌లో కత్తి దాడి జరిగిన ఘటనలో గాయపడిన పైలట్ భారతీయుడే. ముంబైకి చెందిన కెప్టెన్ స్మిత్ మచ్ఛర్.. స్పైస్‌జెట్‌లో 11 ఏళ్లు పనిచేసి, 2022లో ఫ్లైదుబాయిలో డైరెక్ట్ ఎంట్రీ కెప్టెన్‌గా చేరాడు. బోయింగ్ 737లో 10,000 గంటల ఫ్లైట్ అనుభవం ఉన్న ఈయన.. ఒమన్ జాతీయుడైన కో-పైలట్.. <a href="https://www.theclearcutnews.com/n/nHh2qAn">కత్తితో దాడి</a> చేసి విమానాన్ని క్రాష్ చెయ్యాలని యత్నించినప్పుడు.. తీవ్రంగా గాయపడి కూడా.. తిరిగి పోరాడి, కాక్‌పిట్ తలుపు తెరిచి ప్రయాణికులూ, సిబ్బందిని లోపలికి రానిచ్చాడు. ఇప్పుడు అతని ఆరోగ్యం నిలకడగా ఉంది.

ఉక్రెయిన్‌ ‘జాంబీ కార్లు’.. రష్యాపై దాడి

▶

International· 34m ago

ఉక్రెయిన్‌ ‘జాంబీ కార్లు’.. రష్యాపై దాడి

ఉక్రెయిన్ పాత BTR-6 వార్ మెస్సిన్స్‌ని మనిషి లేకుండా నడిచే వాహనాలుగా మార్చి, రష్యా సైన్యంపై దాడి చేసింది. ఈ దాడి ద్వారా తమ కొన్ని ప్రాంతాల్ని తిరిగి తీసుకున్నామని చెప్పింది. 250 మందికి పైగా రష్యా సైనికుల్ని పట్టుకున్నామనీ.. దాదాపు 2000 మందిని రష్యా కోల్పోయిందని తెలిపింది. ఇదే టైంలో.. పని పేరుతో భారతీయులు రష్యా సైన్యంలో చేరవద్దని కేంద్రం హెచ్చరించింది. ఈ వార్‌లో ఇప్పటివరకు 51 మంది ఇండియన్స్ చనిపోయారు, మిగతా వారిని తేవడానికి భారత్ ప్రయత్నిస్తోంది.

International· 10h ago

ఫ్లైదుబాయ్ ఘటనపై ఉగ్రవాద కోణంలో దర్యాప్తు

<a href="https://www.theclearcutnews.com/n/gPdHcaN">ఫ్లైదుబాయ్ విమాన ఘటన</a>పై ఇజ్రాయెల్ ప్రధాని నెతన్యాహు రియాక్ట్ అయ్యారు. విమానాన్ని కావాలనే కూల్చేందుకు ప్రయత్నం జరిగినట్లు ఆయన చెప్పారు. ఈ ఘటనను ఉగ్రవాద దాడి కోణంలో కూడా దర్యాప్తు చేస్తున్నట్లు తెలిపారు. కెప్టెన్‌పై కత్తితో దాడి చేసిన కోపైలట్‌ను సౌదీ అధికారులు అరెస్ట్ చేశారు. అయితే అతను ఎందుకు ఇలా చేశాడనే విషయం ఇంకా తెలియలేదు. అసలు కారణం ఏంటనేదానిపై విచారణ కొనసాగుతోంది. విమానంలోని ప్రయాణికులంతా సేఫ్‌గా ఉన్నారు.