చింతూరు రోడ్డుపై బస్సు ప్రమాదం

By ALI· 2h ago· Polavaram

మారేడుమల్లి–చింతూరు ఘాట్‌ రోడ్డులో రాజమండ్రికి చెందిన 42 మంది స్టూడెంట్స్‌తో వెళ్తున్న ప్రైవేట్ బస్సు అదుపుతప్పి లోయలోకి దూసుకెళ్లింది. అయితే బస్సు చైనా వాల్‌ను ఢీకొని అక్కడే ఆగిపోవడంతో ప్రమాదం తప్పింది. ఈ ఇన్సిడెంట్‌లో స్టూడెంట్స్ ఎవరికీ ఎలాంటి గాయాలు కాకపోవడంతో అందరూ ఊపిరి పీల్చుకున్నారు.

More in Local

Local· just now

డాక్టర్ ప్రభాకర్ నాయుడు మృతిపై MLA దిగ్భ్రాంతి

కావలి మాజీ మున్సిపల్ చైర్మన్, ప్రజా వైద్యులు డాక్టర్ ప్రభాకర్ నాయుడు మృతి తీవ్ర దిగ్భ్రాంతిని, బాధను కలిగించిందని ఎమ్మెల్యే దగుమాటి వెంకటక్రిష్ణారెడ్డి అన్నారు. వైద్య రంగంలో ఆయన అందించిన సేవలు, ప్రజల పట్ల చూపిన ఆత్మీయత, మానవత్వం ఎప్పటికీ గుర్తుండిపోతాయని కొనియాడారు. ఆయన ఆత్మకు శాంతి చేకూరాలని, కుటుంబ సభ్యులకు మనోధైర్యాన్ని ప్రసాదించాలని భగవంతుడిని కోరారు.

Local· 8m ago

MHPSకి కొత్త అధ్యక్షుడు

మహబూబాబాద్ జిల్లా మాదిగ హక్కుల, సామాజిక న్యాయ పోరాట సమితి (MHPS) జిల్లా అధ్యక్షునిగా బైగల్ల వీరబాబు ఎన్నికయ్యారు. ఈ సందర్భంగా సంస్థ వ్యవస్థాపక అధ్యక్షులు మైస ఉపేందర్ ఆయనకు నియామక పత్రాన్ని అందించి అభినందించారు. జిల్లాలోని మాదిగల సమస్యలను ప్రభుత్వ దృష్టికి తీసుకెళ్తూ, వారి విద్య, ఉపాధి, సంక్షేమ అభివృద్ధి కోసం నిరంతరం కృషి చేయాలని ఈ సందర్భంగా సూచించారు.

Local· 12m ago

కొత్త కంప్యూటర్లు.. AI కోర్సుల్లో శిక్షణ

రాష్ట్రవ్యాప్తంగా 36 ఉర్దూ కంప్యూటర్ కేంద్రాల్లో కొత్త కంప్యూటర్ల ఏర్పాటుతో పాటు నంద్యాల, కర్నూలు సహా రాయలసీమలోని 5 సెంటర్లకు ప్రత్యేక ప్రాధాన్యత ఇస్తున్నట్లు అధికారులు తెలిపారు. మైనార్టీ యువతకు AI, లేటెస్ట్ టెక్నాలజీపై ట్రైనింగ్ ఇచ్చి నేషనల్, ఇంటర్నేషనల్ లెవెల్‌లో జాబ్స్ సాధించేలా మంత్రి ఎన్‌ఎండి ఫరూక్, చైర్మన్ ఫరూక్ సుబ్లి ఆధ్వర్యంలో ఈ మోడర్న్ ల్యాబ్‌లను సిద్ధం చేస్తున్నారు.

Local· 18m ago

దళిత మహిళపై దాడి.. నిందితులను శిక్షించాలి

రంగారెడ్డి జిల్లా నోముల గ్రామంలో మూఢనమ్మకాల పేరుతో దళిత మహిళ పలాటి వెంకటమ్మ పై 17 మంది దాడి చేసిన ఘటనను 'కుల అసమానతల నిర్మూలన పోరాట సమితి' నాయకులు పరిశీలించారు. బాధితురాలిని ఇంట్లో నుంచి లాక్కొచ్చి కొడుతూ, వేపచెట్టుకు కట్టేసి దాడి చేశారని ఆవేదన వ్యక్తం చేశారు. చేతబడి పేరుతో దళితులపై దాడులు చేయడం దారుణమని, నిందితులను కఠినంగా శిక్షించాలని డిమాండ్ చేశారు.