రెండో రోజుకు చేరిన సచివాలయ ఉద్యోగుల దీక్ష

By mahesh nani· 2h ago· Ntr జిల్లా

AP: గ్రామ, వార్డు సచివాలయ ఉద్యోగుల సమస్యల పరిష్కారం కోసం విజయవాడ గాంధీ బొమ్మ సెంటర్‌లో చేపట్టిన మూడు రోజుల నిరాహార దీక్ష రెండో రోజుకు చేరుకుంది. AAS, నోషనల్ ఇంక్రిమెంట్లు, పెండింగ్ బకాయిల చెల్లింపు, పదోన్నతులు, ఇతర సేవా సమస్యలను పరిష్కరించాలని ఉద్యోగులు డిమాండ్ చేస్తున్నారు. రెండో రోజు కూడా ఉద్యోగులు పెద్ద సంఖ్యలో పాల్గొని ఆందోళన కొనసాగించారు. సర్వీసులో చేరిన కాలానికి సంబంధించిన నోషనల్ ఇంక్రిమెంట్లు, AAS ప్రయోజనాలు, పెండింగ్ ఆర్థిక బకాయిలపై ప్రభుత్వం స్పష్టమైన నిర్ణయం తీసుకోవాలని కోరారు.

More in Local

Local· 4m ago

వెంకటాపురంలో ఘనంగా Teachers Day

TG: వరంగల్ జిల్లా దుగ్గొండి మండలం వెంకటాపురం గ్రామంలోని ప్రాథమిక పాఠశాలలో Teachers Day వేడుకలు ఘనంగా నిర్వహించారు. విద్యార్థినీ విద్యార్థులు ఉపాధ్యాయులను శాలువాలతో సత్కరించి, పుష్పగుచ్ఛాలు అందజేసి శుభాకాంక్షలు తెలిపారు. ఈ సందర్భంగా హెడ్‌మాస్టర్ సుభాషిణి మాట్లాడుతూ, విద్యార్థుల భవిష్యత్తును తీర్చిదిద్దడంలో ఉపాధ్యాయుల పాత్ర ఎంతో కీలకమన్నారు. విద్యార్థులు క్రమశిక్షణతో విద్యనభ్యసించి ఉన్నత స్థాయికి ఎదగాలని ఆకాంక్షించారు. అనంతరం విద్యార్థులు సాంస్కృతిక కార్యక్రమాలు నిర్వహించి అలరించారు.

Local· 10m ago

ఘనంగా Teachers Day వేడుకలు

TG: విద్యార్థుల భవిష్యత్తును తీర్చిదిద్దడంలో గురువుల పాత్ర ఎంతో కీలకమని అమీనాబాద్ మోడల్ స్కూల్ హెడ్మాస్టర్ చిట్టా జ్యోతి అన్నారు. వరంగల్ జిల్లా చెన్నారావుపేట మండలంలోని పాఠశాలలో శనివారం Teachers Day వేడుకలను ఘనంగా నిర్వహించారు. విద్యార్థులు ఉపాధ్యాయులకు శుభాకాంక్షలు తెలిపి సాంస్కృతిక కార్యక్రమాలు నిర్వహించారు. అనంతరం ఉపాధ్యాయులను ఘనంగా సన్మానించారు. ఈ సందర్భంగా చిట్టా జ్యోతి మాట్లాడుతూ, గురువుల సేవలు మరువలేనివని, ఉపాధ్యాయులను గౌరవించడం ప్రతి ఒక్కరి బాధ్యత అని పేర్కొన్నారు.

Local· 12m ago

ముగిసిన గోదా రంగనాథ స్వామి పవిత్రోత్సవాలు

TG: రంగారెడ్డి జిల్లా ఫరూక్‌నగర్ మండలం రంగధాములలోని గోదా రంగనాథ స్వామి ఆలయంలో మూడు రోజులుగా నిర్వహించిన పవిత్రోత్సవాలు శనివారంతో ఘనంగా ముగిశాయి. పవిత్రోత్సవాల సందర్భంగా ఆలయంలో శ్రీకృష్ణ జన్మాష్టమి వేడుకలను కూడా వైభవంగా నిర్వహించారు. ఆలయ వ్యవస్థాపక ప్రధాన అర్చకులు ఎస్.టి.ఎస్. కేశవ చార్యుల ఆధ్వర్యంలో జరిగిన కార్యక్రమాల్లో భక్తులు పెద్ద సంఖ్యలో పాల్గొన్నారు. ఈ సందర్భంగా స్వామివారికి ప్రత్యేక పూజలు, అభిషేకాలు నిర్వహించి భక్తులు తీర్థప్రసాదాలు స్వీకరించారు.

Local· 15m ago

గంజాయి సేవించిన ఏడుగురు యువకుల అరెస్ట్

TG: గంజాయి వినియోగం, అక్రమ రవాణాపై నిఘాలో భాగంగా టాస్క్‌ఫోర్స్, పెద్దపల్లి జిల్లా ఎలిగేడ్ పోలీసులు సంయుక్తంగా తనిఖీలు నిర్వహించారు. ఎలిగేడ్ మండల కేంద్రంలో అనుమానాస్పదంగా సంచరిస్తున్న ఏడుగురు యువకులను పోలీసులు అదుపులోకి తీసుకున్నారు. విచారణలో వారు గంజాయి సేవించినట్లు వెల్లడైందని పోలీసులు తెలిపారు. అనంతరం యువకులను గోదావరిఖని ప్రభుత్వ జనరల్ ఆసుపత్రికి తరలించి వైద్య పరీక్షలు నిర్వహించారు. జిల్లాలో గంజాయి వినియోగం, అక్రమ రవాణాపై నిఘా కొనసాగుతుందని సీపీ అంబర్ కిషోర్ ఝా తెలిపారు.