ఘనంగా Teachers Day వేడుకలు

By A VIJAY KUMAR· 1h ago· Warangal

TG: విద్యార్థుల భవిష్యత్తును తీర్చిదిద్దడంలో గురువుల పాత్ర ఎంతో కీలకమని అమీనాబాద్ మోడల్ స్కూల్ హెడ్మాస్ట్రీస్ చిట్టా జ్యోతి అన్నారు. వరంగల్ జిల్లా చెన్నారావుపేట మండలంలోని పాఠశాలలో శనివారం Teachers Day వేడుకలను ఘనంగా నిర్వహించారు. విద్యార్థులు ఉపాధ్యాయులకు శుభాకాంక్షలు తెలిపి సాంస్కృతిక కార్యక్రమాలు నిర్వహించారు. అనంతరం ఉపాధ్యాయులను ఘనంగా సన్మానించారు. ఈ సందర్భంగా చిట్టా జ్యోతి మాట్లాడుతూ, గురువుల సేవలు మరువలేనివని, ఉపాధ్యాయులను గౌరవించడం ప్రతి ఒక్కరి బాధ్యత అని పేర్కొన్నారు.

More in Local

Local· 1m ago

SIR హియరింగ్‌ ప్రక్రియపై ఆకస్మిక తనిఖీ

AP: SIR–2026లో భాగంగా పల్నాడు జిల్లా దాచేపల్లి నగర పంచాయతీ పరిధిలోని పోలింగ్ స్టేషన్లు 87, 88, 89లో నిర్వహించిన హియరింగ్ ప్రక్రియను అధికారులు ఆకస్మికంగా తనిఖీ చేశారు. No Mapping, Logical Discrepancies అంశాలపై BLOలు, AERO, నగర పంచాయతీ కమిషనర్ నుంచి వివరాలు సేకరించారు. హియరింగ్‌కు వచ్చిన ఓటర్లతో మాట్లాడి ఆధార పత్రాలను పరిశీలించారు. 18 ఏళ్లు నిండిన అర్హులైన ప్రతి పౌరుడు Form–6 ద్వారా ఓటరుగా నమోదు చేసుకోవాలని సూచించారు. శని, ఆదివారాల్లో జరిగే Special Campaign Daysను సద్వినియోగం చేసుకోవాలని కోరారు.

Local· 5m ago

జపాన్ పర్యటనకు ఎంపికైన హెచ్‌ఎంకు ఘన సత్కారం

TG: విద్యా పరిశోధనల కోసం తెలంగాణ ప్రభుత్వం తరఫున జపాన్ పర్యటనకు ఎంపికైన నాగర్‌కర్నూల్ ZPHS ప్రధానోపాధ్యాయులు భాస్కర్‌రెడ్డిని శ్రీవెంకటేశ్వర కాలనీ కార్యవర్గం ఘనంగా సత్కరించింది. శనివారం భాస్కర్‌రెడ్డికి శాలువా కప్పి అభినందనలు తెలిపారు. కాలనీ గౌరవాధ్యక్షులు క్రిష్ణయ్య, అధ్యక్షులు లక్ష్మణ్, ప్రధాన కార్యదర్శి దశరథం, కోశాధికారి సతీష్‌తో పాటు కార్యవర్గ సభ్యులు, కాలనీ ప్రతినిధులు పాల్గొన్నారు. జపాన్ పర్యటనకు ఎంపిక కావడం నాగర్‌కర్నూల్‌కు గర్వకారణమని వారు పేర్కొన్నారు.

Local· 31m ago

చనిపోయినా.. వెలుగునిచ్చిన సిరివెన్నెల

TG: కుమార్తెను కోల్పోయిన విషాదంలోనూ వరంగల్ జిల్లా నల్లబెల్లి మండలానికి చెందిన కుటుంబం మానవత్వాన్ని చాటుకుంది. కరెంట్ షాక్‌తో పిట్టల సిరివెన్నెల (14) మృతి చెందగా, ఆమె కోరిక మేరకు కళ్లను LV ప్రసాద్‌ ఐ బ్యాంకుకు దానం చేశారు. ఇంటివద్ద ఉన్న బాలిక విద్యుత్‌ షాక్‌కు గురై అపస్మారక స్థితికి చేరుకుంది. 108 సిబ్బంది సీపీఆర్‌ చేసినా ఫలితం లేకపోయింది. ‘నేను చనిపోతే నా కళ్లను దానం చేయాలి’ అని బాలిక గతంలో చెప్పిన మాటలను తండ్రి గుర్తుచేశారు. కుమార్తె కోరిక నెరవేర్చిన కుటుంబసభ్యులను పలువురు అభినందించారు.

Local· 46m ago

అరకులోయలో టీచర్స్ డే వేడుకలు

AP: అల్లూరి సీతారామరాజు జిల్లా అరకులోయ ప్రభుత్వ డిగ్రీ కళాశాలలో NSS ఆధ్వర్యంలో ఉపాధ్యాయ దినోత్సవ వేడుకలు ఘనంగా నిర్వహించారు. ప్రిన్సిపల్ డా. సి.హెచ్. కేశవరావు, అధ్యాపకులు, భారతరత్న సర్వేపల్లి రాధాకృష్ణన్ చిత్రపటానికి పూలమాలలు వేసి ఘన నివాళులు అర్పించారు. గురువుల సేవలు అమూల్యమైనవని, విద్యార్థులు వారి ఆదర్శాలను పాటించి ఉన్నత స్థాయికి ఎదగాలని ప్రిన్సిపల్ సూచించారు. అనంతరం విద్యార్థులు అధ్యాపకులను ఘనంగా సత్కరించారు. కార్యక్రమంలో కళాశాల సిబ్బంది, NSS వాలంటీర్లు పాల్గొన్నారు.