విశాఖ స్టీల్ ప్లాంట్ లో అగ్ని ప్రమాదం.. 8 మంది మృతి

By AR· 8 Jun 2026

విశాఖ స్టీల్ ప్లాంట్ లో ఘోర ప్రమాదం జరిగింది. SMS-2, STC-3 హీట్ ఎఫ్ జీలో స్టీల్ మెటల్ లిక్విడ్ ల్యాడిల్ పేలడంతో ఉక్కుద్రవం లీకైంది. 1500 డిగ్రీల వేడితో స్టీల్ మెటల్ లిక్విడ్ ల్యాడిల్ ద్వారా ఉక్కు ద్రవాన్ని లిఫ్ట్ చేస్తుంటే అది లీకై మంటలు చెలరేగాయి. ఈ ప్రమాదంలో 8 మంది కార్మికులు మృతి చెందారు. మరో ఇద్దరి పరిస్థితి విషమంగా ఉంది.

More in AP

AP· 2h ago

ఉద్యోగులకు గుడ్ న్యూస్.. PRCపై కీలక నిర్ణయం

AP: సీఎం చంద్రబాబు ఉద్యోగ సంఘాల నేతలతో కీలక మీటింగ్ నిర్వహించారు. ఈ భేటీలో ఉద్యోగుల సమస్యలపై కీలక డెసిషన్స్ తీసుకున్నారు. అక్టోబర్ 1 నుంచి రెండు DAలు పే చేసేందుకు సర్కార్ ఓకే చెప్పింది. జనవరిలో సరెండర్ లీవుల క్యాష్ బెనిఫిట్ పొందే ఛాన్స్ కల్పించింది. PRC కమిషన్ ఏర్పాటు, అడిషనల్ క్వాంటం ఆఫ్ పెన్షన్ రిస్టోరేషన్‌కు కూడా గ్రీన్ సిగ్నల్ ఇచ్చింది. సాలరీ రివిజన్‌ను స్పీడ్ అప్ చేసేందుకు PRC చైర్మన్‌ను వెంటనే అపాయింట్ చేయాలని CM నిర్ణయించారు. ఉద్యోగులకు ప్రభుత్వం అండగా ఉంటుందని చంద్రబాబు భరోసా ఇచ్చారు.

AP· 13h ago

ఆదివాసీ యువతకు ప్రత్యేక ఉద్యోగ చట్టం కావాలి

AP: ఏజెన్సీ ప్రాంత ఆదివాసీ నిరుద్యోగ యువతకు ఉద్యోగాల్లో న్యాయం జరిగేలా ప్రత్యేక షెడ్యూల్డ్ ఏరియా ఉద్యోగ నియామక చట్టాన్ని వెంటనే తీసుకురావాలని ఆదివాసీ సంక్షేమ పరిషత్ జాతీయ అధ్యక్షుడు దాట్ల నాగేశ్వరరావు డిమాండ్ చేశారు. పోలవరం జిల్లా చింతూరు కేంద్రంగా ఆదివాసీ సంక్షేమ పరిషత్ ఆధ్వర్యంలో రిలే నిరాహార దీక్షలు ప్రారంభమయ్యాయి. షెడ్యూల్డ్ ఏరియాల్లో స్థానిక ఆదివాసీ యువతకు ఉద్యోగ అవకాశాలు కల్పించేలా ప్రభుత్వం ప్రత్యేక చట్టం రూపొందించాలని కోరారు. ఆదివాసీ ప్రాంతాల్లో నిరుద్యోగ సమస్య తీవ్రంగా ఉందన్నారు.

AP· 14h ago

పోలీసు క్రీడాకారులకు ఆధునిక సౌకర్యాలు: DGP

AP: పోలీసు క్రీడాకారులను జాతీయస్థాయిలో రాణించేలా తీర్చిదిద్దేందుకు ‘ఏపీ పోలీస్ స్పోర్ట్స్ అకాడమీ’ ఏర్పాటు చేస్తున్నట్లు DGP హరీష్‌కుమార్ గుప్తా ప్రకటించారు. మంగళగిరిలో జరిగిన ఏపీ స్టేట్ పోలీస్ స్పోర్ట్స్ అండ్ గేమ్స్ మీట్-2026 ముగింపు కార్యక్రమంలో ఆయన అకాడమీ లోగోను ఆవిష్కరించారు. క్రీడాకారులకు అత్యుత్తమ శిక్షణ, ఆధునిక పరికరాలు, మౌలిక వసతులు కల్పిస్తామని తెలిపారు. నాలుగు రోజులపాటు జరిగిన పోటీల్లో 1,900 మంది పాల్గొనగా, మహిళలు, పురుషుల విభాగాల్లో విశాఖపట్నం రేంజ్ ఓవరాల్ ఛాంపియన్‌గా నిలిచింది.

AP· 15h ago

ఆంధ్రా పేపర్ మిల్‌పై చర్యలు తీసుకోవాలి: పవన్

AP: రాజమహేంద్రవరం గోదావరి కాలుష్యంపై ఉప ముఖ్యమంత్రి పవన్ కల్యాణ్ తీవ్ర ఆగ్రహం వ్యక్తం చేశారు. గోదావరి కాలుష్యంలో ఆంధ్రా పేపర్ లిమిటెడ్ పరిశ్రమదే సగం ఉందని ఆరోపిస్తూ, వెంటనే సమన్లు జారీ చేసి కఠిన చర్యలు తీసుకోవాలని కాలుష్య నియంత్రణ మండలి అధికారులను ఆదేశించారు. గత మూడు నెలలుగా పరిశ్రమ యాజమాన్యానికి తప్పులు సరిదిద్దుకునే అవకాశం ఇచ్చినా స్పందించలేదన్నారు. పన్నులు చెల్లించడంలోనూ నిర్లక్ష్యం చేస్తున్నారని ఫైరయ్యారు. ఇకపై ఉపేక్షించబోమని ఆయన స్పష్టం చేశారు.