జడ్చర్లలో రావణ దహనానికి సీఎం రేవంత్ రెడ్డి

By Surender Panuganti· 1h ago· Mahbubnagar

మహబూబ్‌నగర్ జిల్లా జడ్చర్ల మున్సిపాలిటీలో ఎమ్మెల్యే జనంపల్లి అనిరుధ్ రెడ్డి ఆధ్వర్యంలో దసరా ఉత్సవాలు జరుగుతున్నాయి. ఈ వేడుకలకు ముఖ్యమంత్రి రేవంత్ రెడ్డి నేడు రాత్రి 7 గంటలకు ముఖ్య అతిథిగా హాజరుకానున్నారు. B.R. డిగ్రీ కళాశాల మైదానంలో రావణ దహనం, డ్రోన్ షో కార్యక్రమాలు నిర్వహిస్తున్నారు. ఈ ఉత్సవాలకు నియోజకవర్గ ప్రజలు కుటుంబ సమేతంగా పెద్ద సంఖ్యలో తరలివచ్చి విజయవంతం చేయాలని నిర్వాహకులు కోరారు.

More in Local

Local· 9m ago

విశాఖ GVMC ఎన్నికలు.. 1,641 నామినేషన్లకు ఆమోదం

విశాఖపట్నంలో నగరపాలక సంస్థ (GVMC) ఎన్నికల్లో మేయర్ పదవికి దాఖలైన 29 నామినేషన్లలో 21 ఆమోదం పొందగా, 8 తిరస్కరణకు గురయ్యాయి. ప్రతిపాదకుల సంతకాలు లేకపోవడం, వార్డు నంబర్లు, అభ్యర్థుల వివరాల్లో తప్పులు ఉండటంతో వీటిని తిరస్కరించారు. ఇక కార్పొరేటర్ స్థానాలకు వచ్చిన 1,672 నామినేషన్లలో 1,641 ఆమోదం పొందాయి. పరిశీలనలో 31 నామినేషన్లను అధికారులు తిరస్కరించారు. నామినేషన్ల పరిశీలనతో ఎన్నికల ప్రక్రియలో కీలకమైన దశ పూర్తయింది.

▶

Local· 20m ago

BR షఫీ రాజకీయ అరంగేట్రం.. MLC పోటీ

ప్రముఖ మోటివేషనల్ స్పీకర్ BR షఫీ రాజకీయ జీవితం ప్రారంభించారు. వరంగల్, నల్గొండ, ఖమ్మం పట్టభద్రుల MLC ఎన్నికల్లో స్వతంత్ర అభ్యర్థిగా పోటీ చేస్తున్నట్లు 18 అక్టోబర్‌న హైదరాబాద్ ప్రెస్ క్లబ్‌లో ప్రకటించారు. నిరుద్యోగుల కోసం గళం విప్పుతాను, పోరాడతానని హామీ ఇచ్చారు. ప్రతి జనవరిలో ప్రభుత్వ శాఖల ఖాళీలను చట్టబద్ధంగా భర్తీ చేసేలా పోరాడతానని కోరారు. తెలంగాణకు విద్యా శాఖ మంత్రి ఎందుకు లేడు, ఐదు శాఖలు సీఎం ఒక్కడే నిర్వహిస్తాడా అని ప్రశ్నించారు.

▶

Local· 21m ago

మిన్నంటిన దసరా సంబరాలు

నిర్మల్ జిల్లా ముదోలు మండలం ఆష్ఠ గ్రామంలో దసరా సంబరాలు మిన్నంటాయి. సాయంత్రం దివ్య జ్యోతి వెలిగించి, డప్పుల సన్నిధిలో ఆచారం ప్రకారం కాగడా ఊరేగింపు నిర్వహించారు. అనంతరం జమ్మి చెట్టుకు పూజలు చేశారు. జమ్మి ఆకులను బంగారంగా భావించి తెంపుకొని అందరూ పంచుకున్నారు. కులమత బేధాలు లేకుండా ఊరివారంతా ఆలైబలై చేసుకోవడం గ్రామ విశిష్టత. ఈ కార్యక్రమంలో గ్రామ సర్పంచ్, వీడిసి పెద్దలు, గ్రామ పెద్దలు, యువకులు పాల్గొన్నారు.

Local· 23m ago

ఆదివాసీ హక్కుల కోసం ఎన్నికల బరిలో పరిషత్

ఆదివాసీ హక్కుల పరిరక్షణే లక్ష్యంగా ఆదివాసీ సంక్షేమ పరిషత్ స్థానిక సంస్థల ఎన్నికల్లో పోటీకి సిద్ధమైంది. ఓట్ల కోసం ఆదివాసీలను మభ్యపెట్టే రాజకీయ పార్టీలకు గుణపాఠం చెప్పాలని పరిషత్ నాయకులు చెబుతున్నారు. పెసా చట్టం, 1/70 భూ బదలాయింపు నియంత్రణ చట్టం, గిరిజనుల ప్రత్యేక ఉద్యోగ నియామక నిబంధనలను పార్టీలు నిర్లక్ష్యం చేస్తున్నాయని విమర్శించారు. ఎన్నికల సమయంలో హామీలు ఇచ్చి, అధికారంలోకి వచ్చాక హక్కుల పరిరక్షణలో విఫలమవుతున్నాయని ఆరోపించారు.