మోహన్‌ భగవత్‌కి అభిజీత్ దీప్కే స్ట్రాంగ్ కౌంటర్

By Krishna· 2h ago· X

విదేశాల్లో జరిగినట్లుగా ఇండియాలో కూడా ప్రభుత్వ మార్పుకి కుట్ర జరుగుతోందన్న <a href="https://www.theclearcutnews.com/n/yjh8vrR">RSS ఛీఫ్ మోహన్ భగవత్</a> కామెంట్స్‌కి స్ట్రాంగ్ కౌంటర్ ఇచ్చారు CJP ఫౌండర్ అభిజీత్ దీప్కే. తామంతా హింసకు పాల్పడకుండా, శాంతి మార్గంలో ప్రొటెస్టులు చేస్తూ, జైళ్లకు వెళ్తున్నామని అన్నారు. <a href="https://www.theclearcutnews.com/n/xS2CgDS">జైళ్లకు పంపినా ఉద్యమం</a> ఆగదనీ, గాంధీ మార్గంలో పోరాటం కొనసాగుతుందని స్పష్టం చేశారు. పండుగల సందర్భంగా ప్రొటెస్టర్లు కొన్ని రోజులు తమ ఫ్యామిలీలతో గడపాలని దీప్కే సూచించారు.

More in National

National· 3m ago

భారత్‌లో అరాచకం వద్దంటూ లేఖ

భారత్‌లో ప్రజాస్వామ్యంపై ఆందోళన వ్యక్తం చేస్తూ 27 దేశాలకు చెందిన 400 మందికి పైగా భారత సంతతి విద్యార్థులు, పరిశోధకులు, విద్యావేత్తలు ఓ ప్రకటన విడుదల చేశారు. ఎన్నికల ఫలితాలు, కోర్టు తీర్పులపై వివాదాలను ప్రస్తావిస్తూ రాజకీయ విభేదాలను నిరసనల ద్వారా కాకుండా చర్చలతో పరిష్కరించుకోవాలని కోరారు. డాక్టర్ బీఆర్ అంబేడ్కర్ చూపిన రాజ్యాంగ మార్గంలోనే ముందుకు వెళ్లాలని లేఖలో చెప్పుకొచ్చారు.

National· 15m ago

కర్ణాటక ఓటర్ల లిస్టులో వింతలు

కర్ణాటక ఓటర్ల లిస్టు నుంచి తమ పేర్లను తొలగించాలని కోరుతూ 37 మంది అప్లై చేసుకున్నట్టు సమాచారం. తాము మరణించామని పేర్కొంటూ వాళ్లే ఈ అప్లికేషన్లు ఇచ్చారు. అభ్యంతరాన్ని వ్యక్తం చేసిన వ్యక్తి పేరు, తొలగించాల్సిన పేరు ఒకటేనని, వారి ఇంటి పేర్లు ఒకటేనని తెలుస్తోంది. దీంతోపాటు 334 జంటలకు చెందిన వ్యక్తులు ఒకరినొకరు మరణించినట్టు ప్రకటించుకున్నారు. ఒక వ్యక్తి అవతలి వ్యక్తి మరణించాడని ‘ఫామ్‌-7’ ఇవ్వగా, రెండో వ్యక్తి కూడా ‘ఫామ్‌-7’ ఇవ్వడం విశేషం.

National· 30m ago

మణిపూర్‌లో ఉద్రిక్తత.. INDIA కూటమి సమావేశం

మణిపూర్‌లో జరిగిన పౌరుల హత్యలు, హింసాకాండపై 'ఇండియా' కూటమి ఆందోళన వ్యక్తం చేసింది. ఇంఫాల్ ఈస్ట్, కుకీ ఆధిపత్య కాంగ్పోక్పి జిల్లాల సరిహద్దు ప్రాంతంలో కట్టెల కోసం వెళ్లిన ముగ్గురు మహిళలు దారుణంగా హత్యకు గురయ్యారు. దీనిపై చర్చించేందుకు అఖిలపక్ష సమావేశాన్ని ఏర్పాటు చేయాలని కోరుతూ ఆ రాష్ట్ర ప్రతినిధి బృందం అధికారులను డిమాండ్ చేసింది. మణిపూర్ మాజీ సీఎం, కాంగ్రెస్ నాయకుడు ఓక్రమ్ ఇబోబి సింగ్ నేతృత్వంలోని కూటమి ప్రతినిధి బృందం ఈ సమావేశాన్ని నిర్వహించింది.

National· 36m ago

35 ఏళ్ల నాటి ‘ఫేక్ ఎన్‌కౌంటర్’ కేసు..రిటైర్డ్ పోలీసులపై FIR

ఉత్తరప్రదేశ్‌లోని కాన్పూర్‌లో 35 సంవత్సరాల క్రితం జరిగిన ఒక నకిలీ ఎన్‌కౌంటర్, అక్రమ కేసుల వ్యవహారంలో 12 మంది రిటైర్డ్ పోలీసు అధికారులపై కేసు నమోదైంది. 1991లో కాన్పూర్‌లోని శ్యామ్‌నగర్ వద్ద ప్లాట్లు అమ్మే వ్యాపారం చేస్తున్న దేవ్ ప్రసాద్ పాఠక్‌ను 400 చదరపు గజాల ప్లాట్‌ను ఉచితంగా ఇవ్వాలని అప్పటి మహారాజ్‌పూర్ SHO విద్యాసాగర్ త్రిపాఠి డిమాండ్ చేశారు. అందుకు నిరాకరించడంతో పోలీసులు దొంగ కథ అల్లి కేసు పెట్టారు. 35 ఏళ్ల తర్వాత అసలు నిజం బయటపడింది.