ఆరు నెలల ముందే బయటపడిన ఆలయం

By Krishna· 2h ago· Nagarkurnool

TG : శ్రీశైలం ప్రాజెక్టు బ్యాక్ వాటర్ తగ్గడంతో సోమశిల దగ్గర్లోని కృష్ణా నదిలో ఉన్న హిస్టారికల్ సంగమేశ్వర ఆలయం బయటపడింది. సాధారణంగా ఉగాది తర్వాత కనిపించే ఈ టెంపుల్, వర్షాలు తగ్గడం వల్ల ఆరు నెలల ముందే బయటపడటం విశేషం. సుమారు 25 ఏళ్ల తర్వాత ఇలా జరగడంతో దసరా పండుగ సందర్భంగా ఆలయంలో పూజలు నిర్వహించేందుకు రెడీ అవుతున్నారు.

More in Local

Local· 1h ago

అబ్దుల్లాపూర్‌లో సద్దుల బతుకమ్మ సంబరాలు

రంగారెడ్డి జిల్లా అబ్దుల్లాపూర్ మెట్ గ్రామం 4వ వార్డులో వార్డు మెంబర్ మొగుళ్ళ జీవన్ రెడ్డి ఆధ్వర్యంలో సద్దుల బతుకమ్మ వేడుకలు గ్రాండ్‌గా జరిగాయి. పెద్ద సంఖ్యలో చిన్నపెద్ద, మహిళలందరూ ఉత్సాహంగా పాల్గొన్నారు. ఈ సందర్భంగా అందరికీ సద్దుల బతుకమ్మ, దసరా శుభాకాంక్షలు తెలిపిన జీవన్ రెడ్డి.. ప్రజలందరూ హ్యాపీగా ఉండాలని కోరుకున్నారు.

అడుగడుగునా గుంతలే.. పట్టించుకోని అధికారులు?

▶

Local· 1h ago

అడుగడుగునా గుంతలే.. పట్టించుకోని అధికారులు?

వికారాబాద్ జిల్లాలోని మేకవనంపల్లి నుంచి మర్పల్లి వెళ్లే రోడ్డు పాడైపోవడంతో ఆ రూట్లో వెళ్లేవాళ్లు ఇబ్బంది పడుతున్నారు. రోడ్డంతా పెద్ద పెద్ద గుంతలు ఉండడంతో జర్నీ చేయడం కష్టంగా మారిందని స్థానికులు ఆవేదన వ్యక్తం చేస్తున్నారు. ఈ రోడ్డు పరిస్థితిపై అధికారులు వెంటనే స్పందించి, రిపేర్ చేయించాలని ప్రజలు కోరుతున్నారు.

Local· 1h ago

బీరోలు గ్రామపంచాయతీలో ఘనంగా బతుకమ్మ

ఖమ్మం జిల్లా తిరుమలాయపాలెం మండలం బీరోలు గ్రామంలో గ్రామపంచాయతీ ఆధ్వర్యంలో బతుకమ్మ వేడుకలు ఘనంగా ప్రారంభమయ్యాయి. సర్పంచ్ గుమ్మడి దేవబిక్షం, పాలకమండలి సభ్యులు ఈ కార్యక్రమంలో పాల్గొన్నారు. మహిళలు, గ్రామ పెద్దలు, యువతీ యువకులు, చిన్నారులు రంగురంగుల పూలతో బతుకమ్మలను పేర్చి ఉత్సాహంగా సంబరాలు జరుపుకున్నారు. తెలంగాణ సంస్కృతి, సంప్రదాయాలకు ప్రతీకగా నిలిచే ఈ వేడుకలతో గ్రామంలో పండుగ వాతావరణం నెలకొంది.

పర్యాటకులకు అరకు పైనరీలో సరికొత్త ఆకర్షణలు!

▶

Local· 1h ago

పర్యాటకులకు అరకు పైనరీలో సరికొత్త ఆకర్షణలు!

అల్లూరి సీతారామరాజు జిల్లా అరకు పైనరీలో పర్యాటకుల కోసం అటవీ శాఖ ప్రత్యేక సదుపాయాలు అందుబాటులోకి తెచ్చింది. పైన్ చెట్ల మధ్య విలువిద్య (ఆర్చరీ), మట్టి కుండల తయారీ (పోటరీ) శిక్షణను ఆదివారం ప్రారంభించింది. ప్రకృతి ఒడిలో వినోదంతో పాటు కొత్త నైపుణ్యాలను నేర్చుకునే అవకాశం కల్పిస్తున్నట్లు FRO బొర్రా కోటేశ్వరరావు, పైనరీ ఇన్‌చార్జి శేఖర్ తెలిపారు. ఈ సదుపాయాలు ఉదయం 9 నుంచి సాయంత్రం 5 గంటల వరకు అందుబాటులో ఉంటాయని పేర్కొన్నారు.