సీఈసీ రాజీనామా కోరుతూ కాంగ్రెస్ నిరసన

By నిమ్మనగంటి అనిల్ బాబు· 2h ago· Mahabubabad (Ct), Mahabubabad, Mahabubabad

మహబూబాబాద్ జిల్లా కలెక్టరేట్ ఎదుట కాంగ్రెస్ శ్రేణులు నిరసన చేపట్టాయి. ప్రభుత్వ విప్, డోర్నకల్ ఎమ్మెల్యే డాక్టర్ జాటోత్ రామచంద్రనాయక్ సీఈసీ జ్ఞానేష్ కుమార్ రాజీనామా చేయాలని డిమాండ్ చేశారు. ఓటర్ల జాబితాల్లో నిష్పక్షపాతంగా వ్యవహరించాలని కోరారు. అర్హులైన ఓటర్లు ఎవరూ హక్కు కోల్పోకూడదని స్పష్టం చేశారు. నిరసనలో సీఈసీ దిష్టిబొమ్మను దహనం చేశారు. కార్యక్రమంలో డీసీసీ అధ్యక్షుడు భూక్య ఉమా మురళి నాయక్, ప్రజాప్రతినిధులు, కాంగ్రెస్ కార్యకర్తలు పాల్గొన్నారు.

More in Local

Local· 1h ago

15 కి.మీ రహదారికి తారు రోడ్డు కావాలి..!

అల్లూరి సీతారామరాజు జిల్లాలోని పెదబయలు మండలంలోని గుత్తులపుట్టు–కిముడుపల్లి మధ్య 15 కి.మీ రహదారి అధ్వానంగా మారింది. 15 ఏళ్ల క్రితం నిర్మించిన ఈ రోడ్డు గుంతలమయంగా ఉంది. విద్యార్థులు, రైతులు, ప్రజలు రాకపోకలకు ఇబ్బందులు పడుతున్నారు. తక్షణమే నూతన తారు రోడ్డు మంజూరు చేయాలని బీజేపీ నాయకులు కలెక్టర్‌కు వినతిపత్రం అందజేశారు. బీజేపీ జిల్లా అధ్యక్షురాలు మఠం శాంతికుమారి, నాయకులు లకే భాస్కరరావు పాల్గొన్నారు.

Local· 1h ago

టికెట్లలో పైరవీలేదు.. అరకు ఎమ్మెల్యే ప్రకటన

అల్లూరి సీతారామరాజు జిల్లా అరకులోయ మండలంలోని మాదల, లోతేరు, గన్నెల, ఇరగాయి పంచాయతీల్లో YCP సమావేశాలు జరిగాయి. ఎమ్మెల్యే రేగం మత్స్యలింగం మాట్లాడారు. టికెట్లలో పైరవీలకు తావులేదని స్పష్టం చేశారు. కార్యకర్తలే అభ్యర్థులను సూచించాలని, పార్టీ బీ-ఫామ్ ఇస్తుందని అన్నారు. నందివలస స్కూల్‌ను సందర్శించారు. ఈ కార్యక్రమంలో స్వాభి రామ్మూర్తి, కమ్మిడి అశోక్, కిల్లో రామన్న, విజయ్‌కుమార్, పాంగి నగేష్, కొర్ర అర్జున్‌రావు పాల్గొన్నారు.

Local· 1h ago

జాషువా జయంతి.. సామాజిక చైతన్య స్ఫూర్తి

అల్లూరి సీతారామరాజు జిల్లా అరకులోయ ప్రభుత్వ మహిళా డిగ్రీ కళాశాలలో గుర్రం జాషువా 131వ జయంతి జరిగింది. తెలుగు విభాగం నిర్వహించింది. ప్రిన్సిపాల్ డా. ఆర్. కుసుమ కుమారి జాషువా చిత్రపటానికి పూలమాల వేసి నివాళులర్పించారు. జాషువా తెలుగు సాహిత్యంలో సామాజిక చైతన్యాన్ని తెచ్చారని ఆమె అన్నారు. కుల, మత, సామాజిక వివక్షను ప్రశ్నిస్తూ సమానత్వం, మానవత్వం, సామాజిక న్యాయం విలువలను రచనల ద్వారా ప్రజల్లోకి తీసుకెళ్లారని వైస్ ప్రిన్సిపాల్ పి. చలపతి రావు తెలిపారు.

Local· 2h ago

అంధ క్రికెటర్లకు లోకేష్ సపోర్ట్!

గుంటూరు జిల్లా ఉండవల్లిలో మంత్రి నారా లోకేష్‌ను కలిశారు అజయ్ కుమార్ రెడ్డి. ఆయన భారత అంధుల క్రికెట్ జట్టు మాజీ కెప్టెన్, అర్జున అవార్డు గ్రహీత. సోమవారం జరిగిన ఈ భేటీలో అంధ క్రికెటర్లకు ప్రోత్సాహకాలు, ప్రత్యేక క్రీడా మైదానం కావాలని కోరారు. లోకేష్ సానుకూలంగా స్పందించారు. రాష్ట్రం తరఫున ఆడిన అంధ క్రికెటర్లకు తగిన ప్రోత్సాహం ఇస్తామన్నారు. అవసరమైన సహకారం అందించడంలో తాను వ్యక్తిగతంగా చొరవ చూపుతానని హామీ ఇచ్చారు.