స్పెషల్ ఎడ్యుకేటర్ పోస్ట్‌కు దరఖాస్తుల ఆహ్వానం

By Bejjanki· 2h ago· Bejjanki, Bejjanki, Siddipet

సిద్దిపేట జిల్లా బెజ్జంకి PM SHRI ఆదర్శ పాఠశాల, జూనియర్ కళాశాలలో గెస్ట్ స్పెషల్ ఎడ్యుకేటర్ పోస్టు భర్తీకి దరఖాస్తులు ఆహ్వానిస్తున్నట్లు ప్రిన్సిపాల్ ఖలీదా శిరీన్ తెలిపారు. B.Edతోపాటు స్పెషల్ ఎడ్యుకేషన్‌లో డిప్లొమా చేసిన అభ్యర్థులు ఈ పోస్టుకు అర్హులని పేర్కొన్నారు. ఎంపికైన వారికి నవంబర్ 2026నుంచి ఏప్రిల్ 2027వరకు తాత్కాలిక ప్రాతిపదికన నెలకు 16,500 వేతనం చెల్లించనున్నట్లు తెలిపారు. అక్టోబర్ 5నుంచి 9వరకు పాఠశాలలో దరఖాస్తులు అందజేయాలన్నారు.

More in Local

Local· 3m ago

లాయర్స్ అసోసియేషన్ కొత్త టీమ్‌

ఖమ్మం ఆల్ ఇండియా లాయర్స్ అసోసియేషన్ కొత్త అధ్యక్ష, కార్యదర్శులను TJAC జిల్లా చైర్మన్ మందడి ఇజ్రాయిల్ శాలువాతో సత్కరించి అభినందించారు. సమాజంలో లాయర్ల పాత్ర కీలకమని, ముఖ్యంగా పేదలు, బలహీన వర్గాలకు న్యాయం అందేలా చూడాలని ఆయన సూచించారు. ప్రజా సమస్యలు, హక్కులపై అవగాహన కల్పిస్తూ నూతన టీమ్ ప్రజలకు అండగా నిలవాలని కోరారు.

Local· 15m ago

గొంతులో బిస్కెట్ ఇర్రుకోని చిన్నారి మృతి

మహబూబ్ నగర్ జిల్లా మూసాపేట మండలం సుర్తి తండాలో నిన్న రాత్రి ఆడుకుంటున్న ఏడాది చిన్నారి బిస్కెట్ గొంతులో ఇరుక్కోవడంతో మృతి చెందింది. తల్లి మౌనిక ఇంటి ముందు ఆడుకుంటున్న పిల్లలకు బిస్కెట్లు ఇచ్చి వంట చేసేందుకు ఇంట్లోకి వెళ్ళింది. బిస్కెట్ గొంతులో ఇరుక్కుని శ్వాస ఆడక చిన్నారి కుప్పకూలిపోయాడు. కుటుంబ సభ్యులు వెంటనే జిల్లా కేంద్రంలోని ఎస్వీఎస్ ఆసుపత్రికి తరలించగా, అప్పటికే మృతి చెందినట్లు వైద్యులు తెలిపారు.

▶

Local· 24m ago

చేతికొచ్చిన పంటను నాశనం చేసిన దుండగులు

జగిత్యాల జిల్లా వెల్గటూర్ మండలం జగదేవ్‌పేటలో దారుణం జరిగింది. రైతు మాధవరెడ్డికి చెందిన 16 గుంటల వరి పంటపై ముగ్గురు గుర్తుతెలియని వ్యక్తులు గడ్డి మందు పిచికారీ చేశారు. ఈ దృశ్యాలు CC కెమెరాల్లో రికార్డయ్యాయి. పంట ఎండిపోవడంతో 50 వేల రూపాయల నష్టం జరిగిందని, గతంలోనూ తనను వేధించారని రైతు తెలిపారు. దీనిపై పోలీసులకు కంప్లైంట్ చేసి న్యాయం చేయాలని కోరుతున్నాడు.

Local· 29m ago

రేపు జిల్లాలో ప్రజావాణి కార్యక్రమం రద్దు

ఆదిలాబాద్‌ కలెక్టరేట్‌లో సోమవారం జరగలిసిన ప్రజావాణి కార్యక్రమాన్ని రద్దు చేసినట్లు కలెక్టర్‌ రాజర్షి షా తెలిపారు. నిర్మల్‌ జిల్లాలో మంత్రి పొంగులేటి శ్రీనివాస్‌రెడ్డి నిర్వహించే సమావేశానికి జిల్లా అధికారులు హాజరుకావాల్సి ఉండటంతో ఈ నిర్ణయం తీసుకున్నట్లు పేర్కొన్నారు. అయితే మండల స్థాయిలో జరిగే ప్రజావాణి కార్యక్రమాలు యథావిధిగా కొనసాగుతాయని తెలిపారు. ప్రజలు తమ సమస్యలను మండల కేంద్రాల్లో పరిష్కరించుకోవచ్చని సూచించారు.