జడ్జికే సుప్రీంకోర్టు షాక్..

By Sahani· 1h ago· X

తనను అక్రమంగా ఉద్యోగం నుంచి తొలగించారంటూ అలహాబాద్ హైకోర్టును ఆశ్రయించిన ఒక మాజీ డిస్ట్రిక్ట్ జడ్జికి సుప్రీంకోర్టులో నిరాశ ఎదురైంది. కేసు లేట్ అవుతోందన్న రీజన్‌తో అతనికి స్పెషల్ ట్రీట్‌మెంట్ ఇవ్వలేమని జస్టిస్ జోయ్‌మాల్య బాగ్చీ స్పష్టం చేశారు. బస్ కండక్టర్ అయినా, స్టేట్ ప్రిన్సిపల్ సెక్రటరీ అయినా అందరికీ న్యాయం పొందే సమాన హక్కు ఉందని కోర్టు తేల్చిచెప్పింది. రాజ్యాంగం అందించిన సమానత్వంలో వ్యక్తులను బట్టి స్పెషల్ రూల్స్ పెట్టలేమని జడ్జి పిటిషన్‌ను ధర్మాసనం పక్కనపెట్టింది.

More in Current Affairs

Current Affairs· 42m ago

బెనర్జీకి సుప్రీం బిగ్ షాక్!

తృణమూల్ కాంగ్రెస్‌కి సుప్రీంకోర్టులో ఊహించని షాక్ తగిలింది. తమ పార్టీకి చెందిన నాలుగు బ్యాంక్ అకౌంట్లను వెస్ట్ బెంగాల్ CID పోలీసులు ఫ్రీజ్ చేయడాన్ని సవాల్ చేస్తూ TMC దాఖలు చేసిన పిటిషన్‌ను సుప్రీంకోర్టు కొట్టివేసింది. MBA గ్రాడ్యుయేట్ అయిన MLA విశ్వనాథ్ దాస్‌ ఇచ్చిన సైబర్ క్రైమ్ కంప్లైంట్ ఆధారంగానే బ్యాంక్ ఖాతాలను నిలిపివేశారు. హైకోర్టును ఆశ్రయించకుండా డైరెక్ట్‌గా సుప్రీంకోర్టుకు రావడంపై ధర్మాసనం అసంతృప్తి వ్యక్తం చేసింది. ఎలాంటి స్పెషల్ రెలీఫ్ ఇవ్వలేమని స్పష్టం చేసింది.

Current Affairs· 3h ago

భగ్గుమనే ఎండలు!

ఆంధ్రప్రదేశ్, తెలంగాణలో అక్టోబర్ 1న హై టెంపరేచర్స్ ఉంటాయి. తెలంగాణలో 34 డిగ్రీల సెల్సియస్, APలో 37 డిగ్రీల సెల్సియస్ ఉష్ణోగ్రతలు ఉంటాయి. గాలి వేగం గంటకు 20 నుంచి 25 కిలోమీటర్లుగా ఉంటుంది. IMD ప్రకారం.. రెండు రాష్ట్రాల్లో అక్టోబర్ 3 వరకూ అక్కడక్కడా జల్లులు పడతాయి. మొత్తంగా వేడి, ఉక్కపోత ఎక్కువగా ఉంటాయి. బంగాళాఖాతంలో ద్రోణి తరహా వాతావరణం ఉన్నా.. దాని ప్రభావం AP, తెలంగాణపై ప్రస్తుతానికి లేదు. అందువల్ల వర్షాలు పడే ఛాన్స్ చాలా తక్కువ.

Current Affairs· 4h ago

ఏప్రిల్‌ 1 నుంచి కొత్త రూల్స్‌.. కార్లపై ఎఫెక్ట్‌!

ఏప్రిల్‌ 1 నుంచి CAFE-3 రూల్స్ అమల్లోకి రానున్నాయి. 2032 మార్చి 31 వరకు ఇవి కొనసాగుతాయి. ఐదేళ్లలో ప్యాసింజర్‌ వెహికిల్స్ ఫ్యూయల్ వాడకాన్ని 16.7% తగ్గించాలని కేంద్రం లక్ష్యంగా పెట్టుకుంది. దీంతో కార్ల కంపెనీలు.. EVలు, హైబ్రిడ్‌ వెహికిల్స్, ప్యూయల్‌ను సేవ్ చేసే టెక్నాలజీలపై దృష్టి పెట్టాలి. కొత్త రూల్స్‌తో చిన్న, చౌక EVలు మార్కెట్లోకి వచ్చే ఛాన్స్ ఉంది. ఈ రూల్స్ ప్రభావం అధిక ప్యూయల్‌ వాడే SUVలు, పెట్రోల్‌, డీజిల్‌ కార్లపై ఎక్కువగా ఉంటుంది.

Current Affairs· 5h ago

LPG షాక్‌.. సిలిండర్‌ ధరలు పెంపు!

దసరా పండుగ వస్తున్న టైంలో కమర్షియల్‌ LPG సిలిండర్‌ ధరలు పెరిగాయి. అక్టోబర్‌ 1 నుంచి 19 కేజీల సిలిండర్‌పై 71 రూపాయల 50 పైసలు పెంచడంతో ఢిల్లీలో ధర 2,810 రూపాయలకి చేరింది. దీంతో హోటళ్లు, రెస్టారెంట్లు, క్యాటరింగ్‌ వ్యాపారాలపై అదనపు భారం పడనుంది. అయితే 14.2 KGల డొమెస్టిక్‌ LPG ధరల్లో మార్పు లేదు. ఢిల్లీలో 942 రూపాయలు, ముంబైలో 941 రూపాయల 50 పైసలు, చెన్నైలో 957రూపాయల 50పైసలు, కోల్‌కతాలో 968 రూపాయలు, హైదరాబాద్‌లో 994 రూపాయలుగా కొనసాగుతున్నాయి.