నోఖా మున్సిపాలిటీపై ఎర్రజెండా

రాజస్థాన్ రాష్ట్రం బికనీర్ జిల్లాలోని నోఖా మున్సిపల్ ఎన్నికల్లో CPI(M) విజయం సాధించింది. మొత్తం 45 వార్డుల్లో 29 వార్డుల్లో గెలిచింది. BJPకి 13 సీట్లు, ఇండిపెండెంట్ అభ్యర్థులకు 3 సీట్లు వచ్చాయి. కాంగ్రెస్ ఒక్క సీటు కూడా గెలవలేకపోయింది. CPI(M) స్పష్టమైన మెజారిటీతో నోఖా మున్సిపాలిటీలో అధికారం చేపట్టనుంది. రాష్ట్రవ్యాప్తంగా సీపీఐ(ఎం) 38 మున్సిపల్ వార్డులను గెలుచుకుంది. బీజేపీపై ప్రజల అసంతృప్తితోపాటు సమస్యలపై తమ పార్టీ చేపట్టిన ప్రచారం తమను గెలిపించిందని రాష్ట్ర కార్యదర్శి కిషన్ పరీఖ్ చెప్పారు.