క్లియర్‌కట్ న్యూస్ ఎఫెక్ట్.. సొంతూరిలోనే అవకాశం

By Madhu Krishna KR· 21h ago· Mooduchintalaphally, Muduchinthalapally, Medchal Malkajgiri

మేడ్చల్ జిల్లా మూడుచింతలపల్లి మున్సిపాలిటీలోని లక్ష్మాపురంలో నిర్వహించిన వినాయక ఉత్సవాల్లో చిన్నారులు కూచిపూడి, భరతనాట్యం ప్రదర్శించి ఆకట్టుకున్నారు. చిన్నారుల ప్రతిభను మున్సిపల్ చైర్మన్, ప్రజాప్రతినిధులు అభినందించారు. ద క్లియర్‌కట్ న్యూస్‌లో వచ్చిన <a href="https://www.theclearcutnews.com/n/JS6P4k3">కథనానికి</a> స్పందించిన మహిళలు చిన్నారులకు గ్రామంలోనే వేదిక కల్పించేందుకు చొరవ తీసుకున్నారు. సొంత గ్రామంలోనే పిల్లలకు నృత్య ప్రదర్శనకు అవకాశం కల్పించిన మహిళల చొరవపై గ్రామస్తులు హర్షం వ్యక్తం చేశారు.

More in Local

Local· 2m ago

డ్రంకెన్ డ్రైవ్ కేసులో ఒకరికి జైలు

వరంగల్ ట్రాఫిక్ పోలీస్ స్టేషన్ పరిధిలో డ్రంకెన్ డ్రైవ్ కేసులో పట్టుబడిన 15 మందిని బుధవారం మేజిస్ట్రేట్ అంకేశ్వరపు కమలాకర్ ఎదుట హాజరుపరిచారు. మహబూబాబాద్‌కు చెందిన బానోత్ అనిల్‌కు నాలుగు రోజుల జైలు శిక్ష విధించడంతో పరకాల సబ్ జైలుకు తరలించినట్లు ట్రాఫిక్ సీఐ కే.సుజాత తెలిపారు. మిగతా 14 మందికి 11,600 వేల రూపాయిలు జరిమానా విధించారన్నారు.

Local· 7m ago

జిల్లాలో మెరుగుపడిన విద్యుత్ మౌలిక సదుపాయాలు

జగిత్యాల జిల్లాలో గత రెండున్నరేళ్లలో విద్యుత్ మౌలిక వసతులు బలోపేతం చేసినట్లు విద్యుత్ శాఖ SE బి.సుదర్శనం తెలిపారు. 8 పవర్ ట్రాన్స్‌ఫార్మర్ల సామర్థ్యం పెంపు, 11 అదనపు పవర్ ట్రాన్స్‌ఫార్మర్లు, 1,160 ట్రాన్స్‌ఫార్మర్ల సామర్థ్యం పెంపు, 736 కొత్తవి ఏర్పాటు, అలాగే 2 కొత్త 33/11 కేవీ సబ్‌స్టేషన్లు, 5 కెపాసిటర్ బ్యాంకులు, 49 వీసీబీలు ఏర్పాటు చేశామన్నారు.

Local· 15m ago

రాత్రివేళ డాక్టర్లు లేరు.. ఆసుపత్రిలో రోగుల అవస్థలు

కాకినాడ జిల్లా తుని ఏరియా ఆసుపత్రిలో రాత్రి వేళల్లో వైద్యులు, స్టాఫ్ నర్సులు అందుబాటులో ఉండటంలేదని రోగులు ఆరోపిస్తున్నారు. అత్యవసర చికిత్స కోసం ఆసుపత్రికి వచ్చిన సమయంలో సిబ్బంది కనిపించక తీవ్ర ఇబ్బందులు ఎదుర్కొంటున్నామని వాపోతున్నారు. సిబ్బందిని అడిగితే టీ తాగేందుకు వెళ్లామని చెబుతున్నారని, సమస్యను ప్రశ్నిస్తే సెక్యూరిటీ సిబ్బంది సర్దిచెప్పేందుకు ప్రయత్నిస్తున్నారని పేర్కొంటున్నారు. ఎమర్జెన్సీ వార్డులోనూ సిబ్బంది సకాలంలో స్పందించడం లేదన్నారు.

Local· 21m ago

ఎమ్మెల్సీ ఎన్నికలపై ఆర్డీవో కీలక సూచన

భూపాలపల్లి ఆర్డీవో హరికృష్ణ పట్టభద్రులు ఎమ్మెల్సీ ఎన్నికల కోసం ఓటరుగా నమోదు చేసుకోవాలని సూచించారు. ఎన్నికల కమిషన్ ఆదేశాల మేరకు రాజకీయ పార్టీల ప్రతినిధులతో సమావేశం నిర్వహించి ఓటరు నమోదు, పోలింగ్ కేంద్రాలపై చర్చించారు. 2025 నవంబర్ 11లోగా డిగ్రీ పూర్తి చేసిన అర్హులు ఆన్‌లైన్‌లో దరఖాస్తు చేసుకుని, దాని ప్రతిని సంబంధిత తహసీల్దార్ కార్యాలయంలో అందజేయాలని తెలిపారు. గతంలో ఓటు వేసినవారు కూడా మళ్లీ దరఖాస్తు చేయాలని సూచించారు.