అదే మా అన్న నాకిచ్చే అతిపెద్ద సపోర్ట్: సుప్రియ

రాఖీ పండుగ సందర్భంగా హీరో సుమంత్ చెల్లెలు సుప్రియ అన్నతో తన బాండింగ్‌ని పంచుకున్నారు. "చిన్నప్పుడు సుమంత్ చాలా సైలెంట్‌గా ఉంటే, నేను మాత్రం బాగా అల్లరి చేసేదాన్ని. స్కూల్ రోజుల్లో విడివిడిగానే ఉన్నా, పెద్దయ్యే కొద్దీ మా మధ్య బాండింగ్ బాగా పెరిగింది" అని సుప్రియ తెలిపారు. తనకు పెద్ద పెద్ద గిఫ్ట్‌లు ఇచ్చే అలవాటు లేదని, రాఖీ కట్టి ఒక్కరికొక్కరు తోడుగా ఉన్నామని చెప్పుకోవడమే అసలైన పండుగ అని సుప్రియ అన్నారు. సుమంత్ తప్పొప్పులను సూటిగా చెబుతాడని, ఏ కష్టం వచ్చినా అండగా ఉంటాడని ఆమె చెప్పింది.