యువత కోసం గ్రౌండ్.. సర్పంచుల కీలక నిర్ణయం

By rajinikanth nagilla· 2h ago· Bheemadevarpalle, Bheemadevarpalli, Hanumakonda

TG: హనుమకొండ జిల్లా భీమదేవరపల్లి మండలంలోని కొత్తకొండ, చంటయ్యపల్లి గ్రామాల పోలీస్ ఉద్యోగార్థులకు సర్పంచులు అండగా నిలిచారు. కొత్తకొండ సర్పంచ్ సిద్ధమల్ల రమా రమేష్, చంటయ్యపల్లి సర్పంచ్ భూక్య సునీత మణికంఠ గ్రామీణ యువతకు ఫిజికల్‌ శిక్షణ అందించేందుకు అవసరమైన వసతులు కల్పిస్తామని హామీ ఇచ్చారు. స్థానికంగా ప్రత్యేకంగా గ్రౌండ్ ఏర్పాటుచేసి పోలీస్ ఉద్యోగాలకు సిద్ధమవుతున్న యువతకు శిక్షణకు అనుకూల వాతావరణం కల్పిస్తామని తెలిపారు. గ్రామీణ యువత పోలీస్‌ ఉద్యోగాల్లో రాణించేందుకు సహకారం అందిస్తామని పేర్కొన్నారు.

More in Local

Local· 4m ago

నిబంధనలు ఉల్లంఘిస్తే చర్యలు తప్పవు

AP: పశ్చిమగోదావరి జిల్లా తణుకు పట్టణంలో నిబంధనలు ఉల్లంఘించే వాహనదారులపై కఠిన చర్యలు తప్పవని పట్టణ ఎస్ఐ సత్యనారాయణ హెచ్చరించారు. ఆదివారం పోలీసులు నిర్వహించిన వాహన తనిఖీల్లో పత్రాలు సరిగా లేని 15 మంది వాహనదారులపై కేసులు నమోదు చేసి ఫైన్ విధించారు. ద్విచక్ర వాహనదారులు తప్పనిసరిగా డ్రైవింగ్ లైసెన్స్ కలిగి ఉండాలని సూచించారు. వాహనాలకు నంబర్ ప్లేట్లు నిబంధనల ప్రకారం ఏర్పాటు చేసుకోవాలని స్పష్టం చేశారు. వాహనదారులు ట్రాఫిక్ నిబంధనలు పాటించి పోలీసులకు సహకరించాలని ఎస్ఐ కోరారు.

Local· 8m ago

పటాన్‌చెరు సమస్యలపై కేసీఆర్‌కు ఎమ్మెల్యే వివరణ

TG: సంగారెడ్డి జిల్లా పటాన్‌చెరు ఎమ్మెల్యే గూడెం మహిపాల్‌రెడ్డి (జీఎంఆర్) బీఆర్‌ఎస్ అధినేత కేసీఆర్‌తో ప్రత్యేకంగా సమావేశమయ్యారు. ఆదివారం ఎర్రవల్లిలో జరిగిన బీఆర్‌ఎస్ శాసనసభాపక్ష సమావేశం అనంతరం కేసీఆర్‌తో నియోజకవర్గ అభివృద్ధి, 22ఏ నిషేధిత భూముల అంశంపై చర్చించారు. బీఆర్‌ఎస్ ప్రభుత్వ హయాంలో పటాన్‌చెరును అభివృద్ధికి ప్రతీకగా తీర్చిదిద్దామని జీఎంఆర్ తెలిపారు. కాంగ్రెస్ ప్రభుత్వం గత రెండున్నరేళ్లుగా తగినన్ని నిధులు కేటాయించకపోవడంతో అభివృద్ధి పనులు మందగించాయని వివరించారు.

Local· 12m ago

కృష్ణ బృందావన్ కాలనీలో ప్రవీణ్‌రెడ్డి ప్యానెల్ జయకేతనం

TG: సంగారెడ్డి జిల్లా అమీన్‌పూర్ డివిజన్ పరిధిలోని కృష్ణ బృందావన్ కాలనీ అసోసియేషన్ ఎన్నికల్లో ప్రవీణ్‌రెడ్డి ప్యానెల్ ఘన విజయం సాధించింది. మొత్తం 307 ఓట్లు పోలవగా, ప్రవీణ్‌రెడ్డి ప్యానెల్‌కు 180 ఓట్లు లభించాయి. ప్రత్యర్థి ప్యానెల్‌పై 53 ఓట్ల మెజారిటీతో విజయం సాధించారు. అధ్యక్షుడిగా ప్రవీణ్‌రెడ్డి, ప్రధాన కార్యదర్శిగా ఉదయ్‌రెడ్డి, ఉపాధ్యక్షుడిగా శరత్, కోశాధికారిగా త్రినాథ్‌బాబు, జాయింట్ సెక్రటరీగా యోగేందర్‌రెడ్డి, ఆర్గనైజింగ్ సెక్రటరీగా రేవంత్ ఎన్నికయ్యారు.

Local· 15m ago

పేకాటరాయుళ్లకు పోలీసుల కౌన్సెలింగ్

TG: ఖమ్మం జిల్లా వేంసూరు మండల కేంద్రంలో పేకాట ఆడుతూ పోలీసులకు పట్టుబడిన పలువురికి ఎస్సై పల్లెల ప్రదీప్ ఆదివారం పోలీస్‌స్టేషన్‌లో కౌన్సెలింగ్ నిర్వహించారు. పేకాట, జూదం వల్ల కుటుంబాలు, సమాజంపై తీవ్ర ప్రభావం పడుతుందని వివరించారు. ఇకపై చట్టవ్యతిరేక కార్యకలాపాలకు దూరంగా ఉండాలని సూచించారు. మళ్లీ ఇలాంటి చర్యలకు పాల్పడితే కఠిన చర్యలు తప్పవని హెచ్చరించారు. గ్రామాల్లో జూదం జరుగుతున్నట్లు తెలిసిన వెంటనే పోలీసులకు సమాచారం అందించాలని ప్రజలను కోరారు.