ఇంటింటికీ త్రాగునీరు.. ‘అమరజీవి జలధార’కు శ్రీకారం

By Prashanth· 2h ago· Andhra Pradesh

AP: రాష్ట్రంలో జల్ జీవన్ మిషన్–అమరజీవి జలధార కింద 30,000 వేల కోట్ల విలువైన పనులకు CM చంద్రబాబు, డిప్యూటీ CM పవన్ ఈరోజు ఉదయం 11 గంటలకు YSR కడప జిల్లా ప్రొద్దుటూరు మండలం కొత్తపల్లిలో శ్రీకారం చుట్టనున్నారు. ఈ ప్రాజెక్టులతో 27 లక్షల 36 వేల కుటుంబాలకు తాగునీటి సౌకర్యం కల్పించనున్నారు. 24,601 నివాస ప్రాంతాల్లో నీటి సరఫరా విస్తరణ, 13,075 వాటర్ ట్యాంకులు, కొత్త పైప్‌లైన్ నెట్‌వర్క్ నిర్మించనున్నారు. మొత్తంగా 3 కోట్ల 27 లక్షల మంది ప్రయోజనం పొందనున్నారు.

More in AP

AP· 12m ago

వినుకొండలో రోడ్డు ప్రమాదం

AP : పల్నాడు జిల్లా వినుకొండ శివారులోని లయోలా స్కూల్ దగ్గర ఇవాళ ఉదయాన్నే రోడ్డు ప్రమాదం జరిగింది. రాయచూర్ నుంచి బంగ్లాదేశ్ బోర్డర్‌కి కాటన్ లోడ్‌తో వెళ్తున్న లారీ, ఎదురుగా వస్తున్న వెహికల్‌ని తప్పించబోయి అదుపుతప్పి బోల్తా పడింది. ఈ యాక్సిడెంట్‌లో నందికొట్కూరుకు చెందిన మల్లి అనే వ్యక్తికి తీవ్ర గాయాలయ్యాయి. లోకల్స్ వెంటనే రెస్క్యూ చేసి అతన్ని హాస్పిటల్‌కి షిఫ్ట్ చేశారు. ఘటనపై మరిన్ని డిటైల్స్ రావాల్సి ఉంది.

AP· 2h ago

అలిపిరి మార్గంలో చిరుత

AP: తిరుమల.. అలిపిరి కాలి నడక మార్గంలో చిరుతపులి తిరుగుతోందనే విషయం భక్తుల్లో ఆందోళన కలిగిస్తోంది. మోకాలి మిట్ట ప్రాంతంలో మెట్ల పక్కన చిరుత కనిపించింది. వేకువ జామున 2 గంటల టైంలో చిరుత వచ్చినట్లు CCTV కెమెరాల్లో రికార్డైంది. ఆ టైంలో భక్తులు లేకపోవడంతో ఏ సమస్యా రాలేదు. ఈ విషయం తెలుసుకున్న TTD అధికారులు ఆ చిరుత ఎటు వెళ్లిందో తెలుసుకునేందుకు ప్రయత్నిస్తున్నారు. నడక మార్గంలో భక్తులు అలర్టుగా ఉండాలనీ, గుంపులుగా వెళ్లాలని సూచించారు.

AP· 3h ago

దళితులకు ఆలయ ప్రవేశం నిరాకరణ

AP : కడప జిల్లా ఎర్రగుడిపాడు శ్రీ చెన్నకేశవ స్వామి టెంపుల్‌‌లోకి SC సామాజిక వర్గానికి చెందిన చంద్ర, తన పిల్లలతో కలిసి వెళ్లగా మాజీ సర్పంచ్ ఏనుగు బ్రహ్మానంద రెడ్డి అడ్డుకున్నారు. దళితులు గుడిలోకి వస్తే అపవిత్రం అవుతుందని పరుష పదజాలంతో దూషించారు. ఆయనతో పాటు గుడికి తాళాలు వేసిన వారిపై ఎస్సీ, ఎస్టీ అట్రాసిటీ కేసు బుక్ చేసి లీగల్ యాక్షన్ తీసుకోవాలని అఖిలభారత అంబేద్కర్ సేన డిమాండ్ చేసింది. దళితుల హక్కులను కాపాడాలని కోరుతుంది.

AP· 3h ago

APలో BC Reservations.. నేడు SC ముందుకు

AP: రాష్ట్రంలో లోకల్ బాడీస్ BC Reservations అంశం ఈ రోజు సుప్రీం కోర్టు ముందుకు వచ్చే అవకాశం ఉన్నట్లు తెలుస్తోంది. లోకల్ బాడీస్‌లో BCలకు 34% రిజర్వేషన్లు కల్పిస్తూ.. గవర్నమెంట్ ఇచ్చిన రెండు GOలను హైకోర్టు కొట్టివేయడాన్ని సవాల్ చేస్తూ ఏపీ ప్రభుత్వం ఇప్పటికే సుప్రీంకోర్టును ఆశ్రయించింది. ఈ పిటిషన్‌ను అత్యవసరంగా విచారించాలని CJI జస్టిస్ సూర్యకాంత్ బెంచ్ ముందు గవర్నమెంట్ తరఫు న్యాయవాదులు మెన్షన్ చేసే అవకాశం ఉంది.