బలంగా వాయుగుండం.. భారీ వర్షాల అలర్ట్

By Krishna· 1d ago· Gov

బంగాళాఖాతంలో వాయుగుండం సుడి గాలులు గంటకు 60 కిలోమీటర్ల వేగంతో తిరుగుతున్నాయి. ఇది సెప్టెంబర్ 22న ఉత్తరాంధ్ర, ఒడిశా దగ్గర తీరం దాటేలా కనిపిస్తోంది. ఏపీ, తెలంగాణలో 21, 22 తేదీల్లో భారీ వర్షాలు కురుస్తాయి అని భారత వాతావరణ శాఖ అంచనా వేసింది. ఉరుములు, మెరుపులు, పిడుగులు పడే ప్రమాదం కూడా ఉంది. అందువల్ల వర్షం పడే సమయంలో చెట్ల కిందకు వెళ్లకూడదు. కరెంటు స్తంభాలకు దగ్గరగా ఉండకూడదు. సెప్టెంబర్ 24 వరకూ బంగాళాఖాతంలో చేపల వేటకు వెళ్లొద్దని IMD సూచించింది.

More in Current Affairs

Current Affairs· 6h ago

వందేమాతరం పాడకపోతే శిక్షా?: టి.ఎం.కృష్ణ

వందేమాతరం పాట మొత్తం పాడకపోతే శిక్ష విధించే చట్టానికి వ్యతిరేకంగా కర్నాటక సంగీత విద్వాంసుడు టి.ఎం.కృష్ణ సుప్రీంకోర్టులో పిటిషన్ వేశారు. దీనిపై విచారణ చేసిన సుప్రీంకోర్టు కేంద్రం నుంచి సమాధానం కోరింది. జాతీయ గీతం ఏమిటో నిర్ణయించడం కోర్టు పని కాదని, అది ప్రజాస్వామ్య దేశం చెప్పాల్సిన విషయమని సుప్రీం క్లారిటీ ఇచ్చింది. వందేమాతరం జాతీయ గీతం అని, అయితే రాజ్యాంగం 25, 26 ఆర్టికల్స్ కింద ఇచ్చిన మత హక్కులపరంగా ఈ శిక్షలు ఉండకుండా పరిశీలిస్తామని తెలిపింది.

Current Affairs· 8h ago

అక్టోబర్ 6 నుంచి ఏపీలో CJP పర్యటన

అక్టోబర్ 6 నుంచి 8వ తేదీ వరకు CJP దక్షిణ భారత ఇన్‌ఛార్జి విజయ్ మల్లంగి ఏపీలో పర్యటించనున్నారు. సెప్టెంబర్, అక్టోబర్ నెలల్లో దేశవ్యాప్తంగా అవుట్‌రీచ్, రాష్ట్రాల పర్యటన షెడ్యూల్‌ను CJP తన ఇన్‌స్టా అకౌంట్ ద్వారా అనౌన్స్ చేసింది. “మీరు కూడా మాతో చేరండి” అని పేర్కొంది. CJP ఫౌండర్ అభిజీత్ దీప్కే అక్టోబర్ 10న తెలంగాణకు రానున్నారు. పార్టీ మరిన్ని నగరాల్లో సమావేశాలు నిర్వహించి, చర్చించి, ప్రజల ఒపీనియన్స్ తీసుకోనుంది.

Current Affairs· 8h ago

అక్టోబర్ 10న తెలంగాణకు రానున్న అభిజీత్ దీప్కే

కాక్రోచ్ జనతా పార్టీ(CJP) ఫౌండర్ అభిజీత్ దీప్కే అక్టోబర్ 10న తెలంగాణకు రానున్నారు. CJP దక్షిణ భారత ఇన్‌ఛార్జి విజయ్ మల్లంగి, అశుతోష్ రాన్కాలతో కలిసి 10, 11వ తేదీల్లో స్థానికంగా పర్యటించనున్నారు. సెప్టెంబర్, అక్టోబర్‌లలో అవుట్‌రీచ్, రాష్ట్రాల పర్యటన షెడ్యూల్‌ను CJP తన ఇన్‌స్టా అకౌంట్ ద్వారా అనౌన్స్ చేసింది. “మీరు కూడా మాతో చేరండి” అని పేర్కొంది. రేపు, ఎల్లుండి తెలంగాణలో విజయ్ మల్లంగి పర్యటిస్తుండగా, 26వ తేదీ సౌరవ్ దాస్ తెలంగాణలో పర్యటించనున్నారు.

Current Affairs· 8h ago

హైదరాబాద్‌లో భారీ వర్షం

బంగాళాఖాతంలో వాయుగుండం గట్టిగానే వర్షాలు కురిపిస్తోంది. ఇది సరిగ్గా మన ఏపీ, తెలంగాణ వైపే వస్తోంది. 23వ తేదీ మధ్యాహ్నం 3 గంటలకు శ్రీకాకుళం దగ్గర తీరం దాటొచ్చని జూమ్ ఎర్త్ సూచిస్తోంది. దీని వల్ల ఇప్పటికే ఏపీ, తెలంగాణలో మోస్తరు వర్షాలు పడుతున్నాయి. కొన్నిచోట్ల భారీ వర్షాలు కురుస్తున్నాయి. హైదరాబాద్‌లో కూడా ఉరుములు, మెరుపులతో భారీ వర్షం కురుస్తోంది. వాతావరణ శాఖ అలర్ట్ జారీ చేసింది. ఈ వర్షం 2 రోజులపాటూ ఇంకా ఇంకా పెరిగే అవకాశాలే ఎక్కువ.