CC రోడ్ల నిర్మాణ పనులకు MLA భూమిపూజ

By DK· 19h ago

కర్నూలు జిల్లాలోని కల్లూరు అర్బన్ పరిధిలో 37, 41 వార్డుల్లో 1.54 కోట్లతో చేపట్టనున్న CC రోడ్ల నిర్మాణ పనులకు పాణ్యం MLA గౌరు చరితరెడ్డి భూమిపూజ చేశారు. 37వ వార్డులోని శాంతినగర్ కాలనీలో 40లక్షలు, NTRనగర్‌లో 54లక్షలు, 41వ వార్డులోని అపూర్వహోమ్స్‌లో 60లక్షలతో రోడ్ల అభివృద్ధి పనులు చేపట్టనున్నారు. MLA శిలాఫలకాలను ఆవిష్కరించారు. కార్యక్రమంలో AP విశ్వ బ్రాహ్మణ కార్పొరేషన్ చైర్మన్ కే.పార్వతమ్మ, రాఘవేంద్ర, మున్సిపల్, సచివాలయ ఉద్యోగులు పాల్గొన్నారు.

More in Local

Local· 1m ago

డ్రంకెన్ డ్రైవ్ కేసులో ఒకరికి జైలు

వరంగల్ ట్రాఫిక్ పోలీస్ స్టేషన్ పరిధిలో డ్రంకెన్ డ్రైవ్ కేసులో పట్టుబడిన 15 మందిని బుధవారం మేజిస్ట్రేట్ అంకేశ్వరపు కమలాకర్ ఎదుట హాజరుపరిచారు. మహబూబాబాద్‌కు చెందిన బానోత్ అనిల్‌కు నాలుగు రోజుల జైలు శిక్ష విధించడంతో పరకాల సబ్ జైలుకు తరలించినట్లు ట్రాఫిక్ సీఐ కే.సుజాత తెలిపారు. మిగతా 14 మందికి 11,600 వేల రూపాయిలు జరిమానా విధించారన్నారు.

Local· 6m ago

జిల్లాలో మెరుగుపడిన విద్యుత్ మౌలిక సదుపాయాలు

జగిత్యాల జిల్లాలో గత రెండున్నరేళ్లలో విద్యుత్ మౌలిక వసతులు బలోపేతం చేసినట్లు విద్యుత్ శాఖ SE బి.సుదర్శనం తెలిపారు. 8 పవర్ ట్రాన్స్‌ఫార్మర్ల సామర్థ్యం పెంపు, 11 అదనపు పవర్ ట్రాన్స్‌ఫార్మర్లు, 1,160 ట్రాన్స్‌ఫార్మర్ల సామర్థ్యం పెంపు, 736 కొత్తవి ఏర్పాటు, అలాగే 2 కొత్త 33/11 కేవీ సబ్‌స్టేషన్లు, 5 కెపాసిటర్ బ్యాంకులు, 49 వీసీబీలు ఏర్పాటు చేశామన్నారు.

Local· 15m ago

రాత్రివేళ డాక్టర్లు లేరు.. ఆసుపత్రిలో రోగుల అవస్థలు

కాకినాడ జిల్లా తుని ఏరియా ఆసుపత్రిలో రాత్రి వేళల్లో వైద్యులు, స్టాఫ్ నర్సులు అందుబాటులో ఉండటంలేదని రోగులు ఆరోపిస్తున్నారు. అత్యవసర చికిత్స కోసం ఆసుపత్రికి వచ్చిన సమయంలో సిబ్బంది కనిపించక తీవ్ర ఇబ్బందులు ఎదుర్కొంటున్నామని వాపోతున్నారు. సిబ్బందిని అడిగితే టీ తాగేందుకు వెళ్లామని చెబుతున్నారని, సమస్యను ప్రశ్నిస్తే సెక్యూరిటీ సిబ్బంది సర్దిచెప్పేందుకు ప్రయత్నిస్తున్నారని పేర్కొంటున్నారు. ఎమర్జెన్సీ వార్డులోనూ సిబ్బంది సకాలంలో స్పందించడం లేదన్నారు.

Local· 20m ago

ఎమ్మెల్సీ ఎన్నికలపై ఆర్డీవో కీలక సూచన

భూపాలపల్లి ఆర్డీవో హరికృష్ణ పట్టభద్రులు ఎమ్మెల్సీ ఎన్నికల కోసం ఓటరుగా నమోదు చేసుకోవాలని సూచించారు. ఎన్నికల కమిషన్ ఆదేశాల మేరకు రాజకీయ పార్టీల ప్రతినిధులతో సమావేశం నిర్వహించి ఓటరు నమోదు, పోలింగ్ కేంద్రాలపై చర్చించారు. 2025 నవంబర్ 11లోగా డిగ్రీ పూర్తి చేసిన అర్హులు ఆన్‌లైన్‌లో దరఖాస్తు చేసుకుని, దాని ప్రతిని సంబంధిత తహసీల్దార్ కార్యాలయంలో అందజేయాలని తెలిపారు. గతంలో ఓటు వేసినవారు కూడా మళ్లీ దరఖాస్తు చేయాలని సూచించారు.