పేదలందరికీ స్మార్ట్ రేషన్ కార్డులు: ఎమ్మెల్యే

By A Srisailam· 2h ago· Farooqnagar (Ct), Farooqnagar, Ranga Reddy

TG: అర్హత కలిగిన ప్రతి పేద కుటుంబానికి రేషన్ కార్డు అందించడమే ప్రజా ప్రభుత్వ లక్ష్యమని రంగారెడ్డి జిల్లా షాద్‌నగర్ ఎమ్మెల్యే వీర్లపల్లి శంకర్ అన్నారు. షాద్‌నగర్ మున్సిపల్ కార్యాలయంలో నిర్వహించిన స్మార్ట్ రేషన్ కార్డుల పంపిణీ కార్యక్రమంలో ఆయన పాల్గొని లబ్ధిదారులకు కార్డులు అందజేశారు. రేషన్ కార్డు కోసం ఏ పార్టీ నాయకుడి సిఫారసు అవసరం లేదన్నారు. అర్హులు మీ సేవ కేంద్రాల్లో దరఖాస్తు చేసుకుంటే అధికారుల పరిశీలన అనంతరం నిబంధనల ప్రకారం కార్డులు మంజూరవుతాయని తెలిపారు.

More in Local

Local· 39m ago

కొబ్బరి చెట్టుపై పిడుగు.. స్థానికుల ఉలిక్కిపాటు

AP: గుంటూరు జిల్లా ప్రత్తిపాడులో పిడుగు ఘటనతో స్థానికులు ఒక్కసారిగా ఉలిక్కిపడ్డారు. విశ్రాంత రవాణా శాఖ ఉద్యోగి ఎం. చిన్నారావు ఇంటి సమీపంలోని కొబ్బరి చెట్టుపై ఆదివారం సాయంత్రం పిడుగు పడింది. పిడుగు ప్రభావంతో కొబ్బరి చెట్టు దెబ్బతిన్నది. భారీ శబ్దంతో ఘటన చోటుచేసుకోవడంతో చుట్టుపక్కల ప్రజలు ఆందోళనకు గురయ్యారు. అయితే పిడుగు పడిన సమయంలో చెట్టు సమీపంలో ఎవరూ లేకపోవడంతో పెను ప్రమాదం తప్పింది. ప్రాణనష్టం జరగకపోవడంతో స్థానికులు ఊపిరి పీల్చుకున్నారు.

Local· 42m ago

పోలింగ్ కేంద్రాలను పరిశీలించిన RDO

TG: కరీంనగర్ జిల్లా జమ్మికుంటలో SIR స్పెషల్ క్యాంపెయిన్ డే సందర్భంగా హుజూరాబాద్ RDO జల కుమారి ప్రభుత్వ డిగ్రీ కళాశాల, ప్రభుత్వ బాలికల పాఠశాలలోని పోలింగ్ కేంద్రాలను పరిశీలించారు. ఈ సందర్భంగా BLOల పనితీరు, ఓటర్లకు అందుతున్న సేవలను పరిశీలించి తగిన సూచనలు, సలహాలు అందించారు. SIR ప్రక్రియను నిబంధనల ప్రకారం సమర్థవంతంగా నిర్వహించాలని సూచించారు. కార్యక్రమంలో తహసీల్దార్ జి. సుధాకర్, డిప్యూటీ తహసీల్దార్ శంకర్, గిర్ధావర్ సత్యనారాయణ, GPOలు శ్రావణ్, రాజ్ కిరణ్, హరీష్, వివేక్ తదితరులు పాల్గొన్నారు.

Local· 45m ago

ఉప్పునూతలలో మరోసారి గుప్తనిధుల కలకలం

TG: నాగర్‌కర్నూల్ జిల్లా ఉప్పునూతలలో మరోసారి గుప్తనిధుల తవ్వకాల ఘటన కలకలం రేపింది. గతరాత్రి మండల కేంద్రానికి 2 KM దూరంలోని రంగంపేట రహదారి పక్కన గుర్తుతెలియని వ్యక్తులు తవ్వకాలు చేపట్టారు. గమనించిన స్థానికులు పోలీసులకు సమాచారం అందించారు. పోలీసులు అక్కడికి చేరుకునేలోపే నిందితులు జేసీబీ, రెండు బైకులను వదిలి పరారయ్యారు. వాహనాలను పోలీసులు స్టేషన్‌కు తరలించారు. తవ్వకాలు ఎవరు చేపట్టారు, గుప్తనిధుల కోసమేనా అనే కోణాల్లో పోలీసులు దర్యాప్తు చేస్తున్నారు. జూలైలోనూ గుప్తనిధుల తవ్వకాల ఘటన చోటుచేసుకుంది.

Local· 1h ago

మొత్తం కంకర.. ఇదీ రోడ్డు దుస్థితి

TG: జోగులాంబ గద్వాల జిల్లా మాన్‌దొడ్డి–తుమ్మిళ్ల రహదారి నాలుగేళ్లుగా కంకర రోడ్డుగానే ఉండటంతో ప్రజలు తీవ్ర ఇబ్బందులు పడుతున్నారు. మాన్‌దొడ్డి, నసనూరు, చిన్నధన్వాడ, పెద్దధన్వాడ గ్రామాల ప్రజలు మండల కేంద్రానికి చేరుకునేందుకు ఇదే సమీప మార్గం. రోడ్డుపై గుంతలు, కంకర కారణంగా తరచూ ప్రమాదాలు జరుగుతున్నాయని స్థానికులు ఆవేదన వ్యక్తం చేస్తున్నారు. వాహనదారులు, ప్రయాణికులు తీవ్ర ఇబ్బందులు ఎదుర్కొంటున్నారని తెలిపారు. అధికారులు, ప్రజాప్రతినిధులు వెంటనే స్పందించి రోడ్డు నిర్మాణాన్ని పూర్తి చేయాలని కోరారు.