ఇండియాపై జెఫ్రీ సాచ్స్ బిగ్ ప్రిడిక్షన్

By Bala· 18 Sept 2026

రాబోయే 25 ఏళ్లలో భారత్ ప్రపంచంలో 2వ అతిపెద్ద ఆర్థిక వ్యవస్థగా ఎదిగే అవకాశం ఉందని అమెరికన్ ఆర్థికవేత్త జెఫ్రీ సాచ్స్ అన్నారు. వరల్డ్ ఆర్థిక వ్యవస్థ కేంద్రం ఆసియా వైపు మారుతోందని తెలిపారు. ఇండియా, చైనా ప్రపంచంలో రెండు అతిపెద్ద ఆర్థిక వ్యవస్థలుగా నిలిచే అవకాశం ఉందని, ఆ సమయంలో అమెరికా 3వ స్థానానికి వెళ్లొచ్చని చెప్పారు. ఈ శతాబ్దంలో భారత్ వరల్డ్‌లోనే అతిపెద్ద ఆర్థిక వ్యవస్థగా మారొచ్చన్నారు.

More in International

International· just now

పాకిస్థాన్‌లో ఆలయం కూల్చివేతను అడ్డుకున్న స్థానికులు

పాకిస్థాన్‌లో 200 సంవత్సరాల నాటి హిందూ దేవాలయాన్ని కూల్చివేసే ప్రయత్నాన్ని స్థానిక అధికారులు అడ్డుకున్నారు. ఖైబర్ పఖ్తుంఖ్వా ప్రావిన్స్‌లోని డేరా ఇస్మాయిల్ ఖాన్ నగరం రహీమ్ బజార్‌లో ఉన్న రామ్ లీలా ఆలయం పురాతత్వ శాఖ గుర్తించిన సాంస్కృతిక వారసత్వ ప్రదేశాలలో ఒకటి. దాన్ని కూల్చేసి ప్లాజాగా మార్చడానికి ₹2.5 కోట్ల ఒప్పందం చేసుకున్నట్లు సమాచారం. హిందూ సమాజం ప్రతినిధులు కూల్చివేతను అడ్డుకున్నారు. నిరసనలు పెరగడంతో అసిస్టెంట్ కమిషనర్ ఆలయాన్ని సీల్ చేశారు.

International· 4h ago

హౌతీ ఎఫెక్ట్.. వెనక్కి తగ్గిన సౌదీ!

యెమెన్ మిలిటెంట్లైన హౌతీలు.. పక్కన దేశమైన సౌదీ అరేబియాకి సవాళ్లు విసురుతూనే ఉన్నారు. మిస్సైల్, డ్రోన్ దాడులు చేస్తున్నారు. దాంతో రియాద్‌లో అక్టోబర్ 26-29 మధ్య జరపాలనుకున్న ఫ్యూచర్ ఇన్వెస్ట్‌మెంట్ ఇనిషియేటివ్ (FII) సమ్మిట్‌ని, సౌదీ పాలకులు 2027కి వాయిదా వేశారు. ఇటీవల రియాద్ కింగ్ ఖలీద్ ఎయిర్‌పోర్టుపై హౌతీలు చేసిన దాడిలో 13 మంది మరణించారు. దాంతో సౌదీకి వచ్చే వారు టెన్షన్ పడుతున్నారు. హౌతీలకు ఇరాన్ సపోర్ట్ ఇస్తోంది.

International· 5h ago

METAకు కేంద్రం కీలక సూచనలు

FACEBOOK, INSTAGRAMలో తప్పుడు వార్తలు, హింసను ప్రేరేపించే పోస్టులను గుర్తించి అడ్డుకోవాలని కేంద్ర ప్రభుత్వం META సంస్థకు సూచించింది. పాత వీడియోలను కొత్త ఘటనలుగా చూపించే పోస్టులపై జాగ్రత్తగా ఉండాలని తెలిపింది. ప్రభుత్వ సంస్థలతో కలిసి పనిచేయాలని, అడిగిన సమాచారాన్ని సకాలంలో ఇవ్వాలని ఆదేశించింది. అయితే, ఈ సూచనలు ప్రజల భావప్రకటన స్వేచ్ఛను దెబ్బతీస్తాయని డిజిటల్ రైట్స్ సంఘాలు విమర్శిస్తున్నారు. ఈ అడ్వైజరీకి చట్టంలో సరైన ఆధారం లేదని పేర్కొంటూ, దానిని వెనక్కి తీసుకోవాలని డిమాండ్ చేస్తున్నారు.

International· 5h ago

సౌదీలో ఫొటోలు తీయొద్దు: భారత ఎంబసీ

సౌదీ అరేబియాలో ఉద్రిక్త పరిస్థితుల నేపథ్యంలో అక్కడి భారతీయులు అప్రమత్తంగా ఉండాలని భారత ఎంబసీ సూచించింది. వైమానిక దాడులు జరిగితే సురక్షిత ప్రాంతాలకు వెళ్లాలని, గదుల్లో ఉంటే కిటికీలకు దూరంగా ఉండాలని తెలిపింది. దాడులకు సంబంధించిన ఫొటోలు, వీడియోలు తీయొద్దని, సోషల్ మీడియాలో షేర్ చేయొద్దని హెచ్చరించింది. ఎయిర్ ఇండియా, ఇండిగో సర్వీసులు అక్టోబర్ 24 వరకు, నిలిపివేశారు. అత్యవసర ప్రయాణానికి ముందు విమానాల తాజా సమాచారం తెలుసుకోవాలని సూచించింది.