రెండిళ్ల మధ్య కొట్లాట.... డ్రమ్ములతో రోడ్డు బ్లాక్..

By Avula Mahesh· 1h ago· Achampet (Ct), Achampet, Nagarkurnool

నాగర్‌కర్నూల్ జిల్లా అచ్చంపేట మహేంద్ర నగర్ కాలనీలో రెండు కుటుంబాల మధ్య రెండు మూడేళ్లుగా మనస్పర్ధలు ఉన్నాయి. ఈ గొడవల వల్ల డ్రమ్ముల్లో ఇసుక పోసి రోడ్డుకు ఇరువైపులా పెట్టారు. దీంతో వాహనాల రాకపోకలకు తీవ్ర ఇబ్బంది ఏర్పడుతోంది. అడిగిన వారిపై దురుసుగా ప్రవర్తిస్తున్నారని, కొట్టడానికి వెళ్తున్నారని స్థానికులు ఆరోపిస్తున్నారు. ఈ సమస్యను అధికారుల దృష్టికి తీసుకెళ్లాలని కోరుతున్నారు.

రెండిళ్ల మధ్య కొట్లాట.... డ్రమ్ములతో రోడ్డు బ్లాక్..

More in Local

Local· 23m ago

అధైర్య పడొద్దు.. భవిష్యత్ మనదే: రవీందర్

కడప పట్టణంలోని 66వ డివిజన్ కార్పొరేటర్ అభ్యర్థులతో వైసీపీ జిల్లా కార్యాలయంలో సమీక్ష నిర్వహించారు. నామినేషన్ల సందర్భంగా కూటమి నాయకుల దాడులు, అడ్డంకులపై సుప్రీంకోర్టును ఆశ్రయించామని కమలాపురం మాజీ ఎమ్మెల్యే P. రవీంద్రనాథ్ రెడ్డి తెలిపారు. కోర్టు తీర్పు ప్రకారం తదుపరి కార్యాచరణ ఉంటుందని, అభ్యర్థులు అధైర్యపడవద్దని సూచించారు. మేయర్ అభ్యర్థి గెలుపునకు కృషి చేయాలని, ప్రతి అభ్యర్థికి అండగా ఉంటామని హామీ ఇచ్చారు.

Local· 28m ago

శ్రీరాంసాగర్ నుంచి కాలువలకు నీటి విడుదల

నిజామాబాద్ జిల్లా మెండోర మండలం పోచంపాడులోని శ్రీరాంసాగర్ ప్రాజెక్టులో ఈ ఏడాది సూపర్ ఎలినినో ప్రభావంతో తగినన్ని నీటి నిల్వలు లేవు. అయినా ఆయకట్టు పంటను కాపాడేందుకు ముఖ్యమంత్రి, సాగునీటి శాఖ మంత్రి ఆదేశాల మేరకు ఒక తడి కోసం సాగునీరు ఇచ్చారు. కాకతీయ, సరస్వతి, లక్ష్మీ, వరద కాలువలు, అలీ సాగర్ గుత్ప లిఫ్ట్ పథకాల ద్వారా 9 టీఎంసీలు అక్టోబర్ 10 నుంచి 20 ఉదయం 9:30 వరకు విడుదల చేశారు.

Local· 31m ago

ఈత చెట్టు నుంచి పడి గీత కార్మికుడికి గాయాలు

రాజన్న సిరిసిల్ల జిల్లా ఎల్లారెడ్డిపేట మండలం అల్మాస్‌పూర్ గ్రామంలో గీత కార్మికుడు నేరెళ్ల శ్రీనివాస్ ఈత చెట్టు పైనుంచి జారిపడి తీవ్రంగా గాయపడ్డాడు. మంగళవారం ఉదయం కల్లు సేకరిస్తుండగా ఈ ప్రమాదం జరిగింది. తోటి కార్మికులు అతడిని ఆసుపత్రికి తరలించారు. శ్రీనివాస్‌కు భార్య సరోజ, కుమారుడు సాయి, కూతురు సంధ్య ఉన్నారు. శ్రీనివాస్ కుటుంబాన్ని ప్రభుత్వం ఆదుకోవాలని అల్మాస్‌పూర్ గౌడ సంఘం అధ్యక్షుడు కందునూరి శ్రీనివాస్ గౌడ్ కోరారు.

▶

Local· 47m ago

ముత్తోజిపేటలో ఘనంగా దసరా వేడుకలు

వరంగల్ జిల్లా నర్సంపేట మున్సిపాలిటీ పరిధిలోని ముత్తోజిపేటలో గ్రామస్థులు దసరా వేడుకలను సంప్రదాయం ప్రకారం ఘనంగా జరుపుకున్నారు. ముందుగా బొడ్రాయికి కంకణం కట్టి ప్రత్యేక పూజలు చేశారు. గ్రామ ప్రజలందరూ కంకణాలు కట్టుకొని ఆచారాన్ని పాటించారు. తర్వాత ఆనిక్కాయ కొట్టి వేడుకలను కొనసాగించారు. గ్రామస్థులంతా జమ్మి చెట్టు వద్దకు వెళ్లి సంప్రదాయబద్ధంగా జమ్మి ఆకులు తెంపి పంచుకుంటూ శుభాకాంక్షలు తెలిపారు. గ్రామ పెద్దలు పాల్గొని ఆచారాలను కొనసాగించారు.