పోలీస్ ఉద్యోగాలకు ఉచిత శిక్షణ.. సూర్యాపేటలో!

By Yadla Venudhar· 1d ago· Suryapet (Municipality), Suryapet, Suryapet

సూర్యాపేట జిల్లా నిరుద్యోగ యువతకు గుడ్ న్యూస్. SI, పోలీస్ కానిస్టేబుల్ అభ్యర్థులకు ఉచిత శిక్షణ ఇస్తున్నారు. కలెక్టర్ తేజస్ నందలాల్ పవార్, SP కె. నరసింహ ఆధ్వర్యంలో ఈ కార్యక్రమం జరుగుతోంది. 45 రోజుల పాటు ప్రిలిమ్స్ క్రాష్ కోర్సు, ఉచిత శారీరక సామర్థ్య శిక్షణ ఉంటుంది. సూర్యాపేట జిల్లా వాసులు మాత్రమే దరఖాస్తు చేసుకోవాలి. ఆన్‌లైన్ లింక్ suryapet.telangana.gov.in లో ఉంది. నేటి నుంచే దరఖాస్తులు స్వీకరిస్తున్నారు.

More in Local

Local· 1m ago

డ్రంకెన్ డ్రైవ్ కేసులో ఒకరికి జైలు

వరంగల్ ట్రాఫిక్ పోలీస్ స్టేషన్ పరిధిలో డ్రంకెన్ డ్రైవ్ కేసులో పట్టుబడిన 15 మందిని బుధవారం మేజిస్ట్రేట్ అంకేశ్వరపు కమలాకర్ ఎదుట హాజరుపరిచారు. మహబూబాబాద్‌కు చెందిన బానోత్ అనిల్‌కు నాలుగు రోజుల జైలు శిక్ష విధించడంతో పరకాల సబ్ జైలుకు తరలించినట్లు ట్రాఫిక్ సీఐ కే.సుజాత తెలిపారు. మిగతా 14 మందికి 11,600 వేల రూపాయిలు జరిమానా విధించారన్నారు.

Local· 5m ago

జిల్లాలో మెరుగుపడిన విద్యుత్ మౌలిక సదుపాయాలు

జగిత్యాల జిల్లాలో గత రెండున్నరేళ్లలో విద్యుత్ మౌలిక వసతులు బలోపేతం చేసినట్లు విద్యుత్ శాఖ SE బి.సుదర్శనం తెలిపారు. 8 పవర్ ట్రాన్స్‌ఫార్మర్ల సామర్థ్యం పెంపు, 11 అదనపు పవర్ ట్రాన్స్‌ఫార్మర్లు, 1,160 ట్రాన్స్‌ఫార్మర్ల సామర్థ్యం పెంపు, 736 కొత్తవి ఏర్పాటు, అలాగే 2 కొత్త 33/11 కేవీ సబ్‌స్టేషన్లు, 5 కెపాసిటర్ బ్యాంకులు, 49 వీసీబీలు ఏర్పాటు చేశామన్నారు.

Local· 14m ago

రాత్రివేళ డాక్టర్లు లేరు.. ఆసుపత్రిలో రోగుల అవస్థలు

కాకినాడ జిల్లా తుని ఏరియా ఆసుపత్రిలో రాత్రి వేళల్లో వైద్యులు, స్టాఫ్ నర్సులు అందుబాటులో ఉండటంలేదని రోగులు ఆరోపిస్తున్నారు. అత్యవసర చికిత్స కోసం ఆసుపత్రికి వచ్చిన సమయంలో సిబ్బంది కనిపించక తీవ్ర ఇబ్బందులు ఎదుర్కొంటున్నామని వాపోతున్నారు. సిబ్బందిని అడిగితే టీ తాగేందుకు వెళ్లామని చెబుతున్నారని, సమస్యను ప్రశ్నిస్తే సెక్యూరిటీ సిబ్బంది సర్దిచెప్పేందుకు ప్రయత్నిస్తున్నారని పేర్కొంటున్నారు. ఎమర్జెన్సీ వార్డులోనూ సిబ్బంది సకాలంలో స్పందించడం లేదన్నారు.

Local· 20m ago

ఎమ్మెల్సీ ఎన్నికలపై ఆర్డీవో కీలక సూచన

భూపాలపల్లి ఆర్డీవో హరికృష్ణ పట్టభద్రులు ఎమ్మెల్సీ ఎన్నికల కోసం ఓటరుగా నమోదు చేసుకోవాలని సూచించారు. ఎన్నికల కమిషన్ ఆదేశాల మేరకు రాజకీయ పార్టీల ప్రతినిధులతో సమావేశం నిర్వహించి ఓటరు నమోదు, పోలింగ్ కేంద్రాలపై చర్చించారు. 2025 నవంబర్ 11లోగా డిగ్రీ పూర్తి చేసిన అర్హులు ఆన్‌లైన్‌లో దరఖాస్తు చేసుకుని, దాని ప్రతిని సంబంధిత తహసీల్దార్ కార్యాలయంలో అందజేయాలని తెలిపారు. గతంలో ఓటు వేసినవారు కూడా మళ్లీ దరఖాస్తు చేయాలని సూచించారు.