మనవడి కోసం పూరీలు చేసిన CM రేవంత్ రెడ్డి!

TG: CM రేవంత్ రెడ్డి, సోషల్ మీడియాలో ఒక వీడియో షేర్ చేశారు. "తాతా.. నువ్వు పూరీలు చేస్తేనే తింటా" అని మనవడు అడగడంతో, ఆయన స్వయంగా మనవడి కోసం పూరీలు చేశారు. చేతిలో పిండి ముద్దతో, నవ్వుతూ గుండ్రంగా లేని పూరీలు చేస్తున్న ఆ అపురూప క్షణాలను రేవంత్ రెడ్డి ట్విట్టర్‌లో పంచుకున్నారు. నిరంతరం ప్రజా జీవితంలో బిజీగా ఉండే తనకు, మనవడితో గడిపిన ఈ కొన్ని క్షణాలు మధుర జ్ఞాపకాలని ఆయన రాసుకొచ్చారు. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది.