సమ్మె బాట పట్టిన VRAలు

By Saraswathi· 2h ago· Razole, Razole, Dr. B.R. Ambedkar Konaseema

కోనసీమ జిల్లా రాజోలులో గ్రామ రెవెన్యూ సహాయకులు సమ్మె చేపట్టారు. బుధవారం తహశీల్దార్ కార్యాలయం ఎదుట టెంట్ వేసి ఆందోళన చేస్తున్నారు. వీఆర్ఏ జాయింట్ యాక్షన్ కమిటీ పిలుపుతో ఈ సమ్మె జరుగుతోంది. సమస్యలు పరిష్కరించాలని డిమాండ్ చేశారు. గ్రామస్థాయిలో ప్రభుత్వానికి, ప్రజలకు మధ్య వారధిగా పనిచేస్తున్నామని చెప్పారు. ఎండ, వాన, పగలు, రాత్రి అనే తేడా లేకుండా విధులు నిర్వర్తిస్తున్నామన్నారు. కానీ కుటుంబానికి సరిపడే వేతనం అందడం లేదని ఆవేదన వ్యక్తం చేశారు. CM, Dy CM తమ సమస్యలను పరిశీలించి న్యాయం చేయాలన్నారు.

More in Local

Local· 9m ago

స్కీమ్ వర్కర్ల దీక్షలు.. నిరంకుశత్వానికి నిరసన!

ఖమ్మం జిల్లాలో స్కీమ్ వర్కర్ల ఆందోళన కొనసాగుతోంది. హైదరాబాద్‌లో నిరసనలను పోలీసులు అరెస్టులతో అడ్డుకున్నారు. ఇది ప్రజాస్వామ్యం కాదని సీఐటీయూ జిల్లా అధ్యక్ష కార్యదర్శులు కళ్యాణం వెంకటేశ్వరరావు, తుమ్మా విష్ణువర్ధన్ అన్నారు. నిరసనగా ఖమ్మం నూతన కార్పొరేషన్ కార్యాలయం ఎదుట సామూహిక దీక్షలు చేపట్టారు. తెలంగాణ రైతుసంఘం జిల్లా అధ్యక్షుడు మాదినేని రమేష్ దీక్షలను ప్రారంభించారు. హామీల అమలుకు ఈ నెల 18 తర్వాత మరిన్ని పోరాటాలు చేపడతామని నాయకులు తెలిపారు.

Local· 11m ago

కందుకూరులో ఫామ్ పాండ్స్‌పై ఆకస్మిక తనిఖీ..!

ఖమ్మం జిల్లా వేంసూరు మండలం కందుకూరులో VB-G RAM G పథకం కింద చేపట్టిన ఫామ్ పాండ్స్ పనులను DRDO కొండపల్లి శ్రీరామ్ బుధవారం ఆకస్మికంగా తనిఖీ చేశారు. పనుల తీరుపై సంతృప్తి వ్యక్తం చేశారు. అనంతరం వేంసూరు మండల పరిషత్ కార్యాలయంలో అధికారులతో సమీక్ష నిర్వహించారు. పనుల పురోగతి, అమలు తీరుపై వివరాలు అడిగి తెలుసుకున్నారు. సమావేశంలో APD చలపతి, MPDO కావ్య, APO విజయబాబు తదితరులు పాల్గొన్నారు.

Local· 15m ago

పర్యాటక అవార్డులకు దరఖాస్తులు..!

అల్లూరి సీతారామరాజు జిల్లా పాడేరులో పర్యాటక విశిష్టతా అవార్డుల ప్రకటన వచ్చింది. జిల్లా పర్యాటక అధికారి పట్టాసి చలపతిరావు ఈ వివరాలు తెలిపారు. ప్రపంచ పర్యాటక దినోత్సవం సందర్భంగా రాష్ట్ర వార్షిక పర్యాటక విశిష్టత పురస్కారాలు-2025-26కు దరఖాస్తులు ఆహ్వానిస్తున్నారు. 38 విభాగాల్లో మొత్తం 46 పురస్కారాలు అందిస్తారు. ఆసక్తి ఉన్నవారు సెప్టెంబర్ 18లోగా దరఖాస్తు చేయాలి. పురస్కారాలు సెప్టెంబర్ 27న ప్రదానం చేస్తారు. పూర్తి వివరాలకు అధికారిక వెబ్‌సైట్ సందర్శించండి.

Local· 19m ago

చిన్న వినాయకులకు చిన్న పాండ్స్,.!

మహబూబ్ నగర్ జిల్లా జడ్చర్ల మున్సిపాలిటీలో చిన్న వినాయకుల నిమజ్జనం కోసం తాత్కాలిక పాండ్స్ ఏర్పాటు చేశారు. మున్సిపల్ కార్యాలయం, హౌసింగ్ బోర్డు, బీసీ హాస్టల్ వెనుక కల్వకుర్తి రోడ్ పార్కులో ఈ పాండ్స్ ఉన్నాయి. కమిషనర్ గిరీష్ వీటిని ప్రారంభించారు. టీపీఓ లక్ష్మీపతి, మేనేజర్ లక్ష్మన్న, ఏఈ గాయత్రి, ఆర్ఓ సలాం, ఆర్ఐ నాగేష్ పాల్గొన్నారు. భక్తులు తమ చిన్న విగ్రహాలను ఇక్కడే నిమజ్జనం చేయవచ్చు.