KTR పీఏ, పీఆర్వోపై దాడికి యత్నం

By Vishi· 1h ago

TG: BRS వర్కింగ్ ప్రెసిడెంట్ KTR పీఏ మహేందర్, పీఆర్వో మహేష్‌లపై హైదరాబాద్ నగరం సైఫాబాద్ పోలీసుస్టేషన్‌లో దాడికి యత్నం జరిగింది. ఇటీవల అసెంబ్లీ గేటు దగ్గర పోలీసుల డ్యూటీకి ఆటంకం కలిగించారనే ఆరోపణతో వాళ్ల మీద కేసు రిజిస్టర్ అయ్యింది. ఈ విషయంలో వారిద్దరూ స్టేషన్‌కు వెళ్లారు. అక్కడ పోలీసులు ఉండగానే గుర్తు తెలియని వ్యక్తుల ఈ దాడికి యత్నించారు. వాళ్లు ముసుగులు వేసుకొని ఉన్నారని ప్రత్యక్ష సాక్ష్యులు చెప్తున్నారు.

More in TG

TG· 1h ago

గణనాథుడికి.. ప్రత్యేక పూజలు చేసిన CP

TG: వినాయక చవితి పండుగ సందర్భంగా బంజారాహిల్స్‌లోని TGICCC, బషీర్‌బాగ్‌లోని CCSలో ఏర్పాటు చేసిన గణనాథుడి పూజా కార్యక్రమాల్లో పాల్గొన్నాను. పోలీస్ అధికారులు, సిబ్బందితో కలిసి విఘ్ననాథునికి ప్రత్యేక పూజలు నిర్వహించాను. నగర ప్రజలందరికీ హైదరాబాద్ సిటీ పోలీస్ తరపున వినాయక చవితి శుభాకాంక్షలు తెలిపాను. గణేష్ ఉత్సవాలు, నిమజ్జనం ప్రశాంత వాతావరణంలో జరిగేలా ప్రజలంతా పోలీసులకు సహకరించాలని కోరారు.

TG· 2h ago

ఖైరతాబాద్ గణేశుడి రూపశిల్పి ఈయనే!

TG: ఖైరతాబాద్ గణేశుని ప్రధాన డిజైనర్ చిన్నస్వామి రాజేంద్రన్ 1978 నుంచి ఈ విగ్రహాన్ని రూపొందిస్తున్నారు. అప్పట్లో NTR ‘దాన వీర సూర కర్ణ’ సినిమా సెట్లు రూపొందిస్తూ రామకృష్ణ స్టూడియోలో పనిచేస్తూ.. తొలిసారి 9 అడుగుల విగ్రహాన్ని చేశారు. ఏటా అది కొనసాగుతోంది. థీమ్ నిర్ణయించాక.. తమిళనాడు, AP, TG, ఒడిశా, బెంగాల్ ఆర్టిస్టుల టీమ్ 3 నెలలపాటు పనిచేస్తుంది. ఆ టైంలో రోజుకు ఒక్కసారే భోజనం, Non-Vegకి దూరంగా ఉంటారు. ఈ ఏజ్ లోనూ చిన్నస్వామి అదే జోష్‌ కొనసాగిస్తున్నారు.

▶

TG· 3h ago

కుటుంబంతో సీఎం రేవంత్ గణపతి పూజ

TG: వినాయక చవితి సందర్భంగా సీఎం రేవంత్ రెడ్డి ఇవాళ జూబ్లీహిల్స్‌లోని ఇంట్లో కుటుంబ సభ్యులతో కలిసి గణనాథుడికి ప్రత్యేక పూజలు చేశారు. ప్రజలందరి జీవితాల్లో విఘ్నాలు తొలగి, విజయాలు కలగాలని ఆయన ప్రార్థించారు. ఈ సందర్భంగా సీఎం మరోసారి రాష్ట్ర ప్రజలకు వినాయక చవితి శుభాకాంక్షలు తెలిపారు. కుటుంబంతో కలిసి భక్తిశ్రద్ధలతో నిర్వహించిన ఈ పూజలు ప్రజల మనోభీష్టాలు నెరవేరాలనే ఆకాంక్షతో చేసినట్లు తెలిపారు.

TG· 3h ago

కుట్టు మిషన్‌ కోసం అప్లై చేసుకున్నారా?

TG: తెలంగాణలో BC Co-operative Finance Corporation ఆధ్వర్యంలో ‘ఇంటింటికీ ఇందిరమ్మ కుట్టుమిషన్‌’ పథకానికి అప్లికేషన్లు తీసుకుంటున్నారు. కుట్టు మిషన్‌ ద్వారా మహిళలు స్వయం ఉపాధి పొందేలా ఈ పథకాన్ని అమలు చేస్తున్నారు. అర్హులైన మహిళలు <a href="https://tgobmms.cgg.gov.in/">వెబ్‌సైట్‌</a> ద్వారా అప్లై చేసుకోవాలి. 2026–27 సంవత్సరానికి సంబంధించిన ఈ పథకానికి రేపటితో అప్లికేషన్ గడువు ముగుస్తుంది. అర్హత ఉన్న మహిళలు వెంటనే అప్లై చేసుకోవాలని అధికారులు సూచిస్తున్నారు.