ట్యాంక్ బండ్‌పై ఫ్లెక్సీలు.. గణేష్ నిమజ్జనానికి నో!

By Mahesh· 1h ago· హైదరాబాద్‌

TG: హైదరాబాద్‌లో గణేశ్ నిమజ్జనంపై పోలీసులు అలర్ట్ అయ్యారు. హుస్సేన్‌సాగర్‌లో ప్లాస్టర్ ఆఫ్ పారిస్ (PoP) విగ్రహాలను నిమజ్జనం చేయొద్దని భక్తులు, నిర్వాహకులకు క్లారిటీ ఇచ్చారు. తెలంగాణ హైకోర్టు ఆదేశాలతో ట్యాంక్‌బండ్‌పై నిమజ్జనానికి నో చెప్పిన పోలీసులు, నెక్లెస్‌ రోడ్‌ వైపు ప్రత్యేక ఏర్పాట్లు చేస్తున్నారు. అప్పర్ ట్యాంక్ బండ్‌పై గణేష్ విగ్రహాలు నిమజ్జనం చేయొద్దంటూ GHMC, పోలీస్ శాఖ ఫ్లెక్సీలను ఏర్పాటు చేశారు. పర్యావరణ పరిరక్షణ కోసం ఎకో ఫ్రెండ్లీ విగ్రహాలనే పెట్టాలని సూచించారు.

More in TG

TG· 4h ago

స్కూళ్లలో వసతులు కల్పించాలి: ఆకునూరి

TG: రాష్ట్రంలో ప్రభుత్వ విద్యారంగం ICUలో ఉందని, దానికి వెంటనే చికిత్స చేయాలని రిటైర్డ్ ఐఏఎస్ అధికారి ఆకునూరి మురళి అన్నారు. సర్కారు బడుల పరిరక్షణే ధ్యేయంగా తెలంగాణ పీపుల్స్ ఫ్రంట్ ఆధ్వర్యంలో అంబేద్కర్ విగ్రహం వద్ద 12 రోజుల రాష్ట్రవ్యాప్త బస్సు యాత్ర ప్రారంభమైంది. రాష్ట్రంలో 80-85 శాతం పిల్లలు ప్రైవేట్‌ బాట పట్టారని, ప్రైవేటీకరణ ఆపాలని డిమాండ్ చేశారు. విద్యారంగానికి రాష్ట్ర GDPలో 18 శాతం నిధులు కేటాయించాలని, మోడల్ స్కూళ్లు, తెలంగాణ పబ్లిక్ స్కూళ్లలో వసతులు కల్పించాలని ప్రభుత్వాన్ని కోరారు.

TG· 4h ago

KCR ఫాంహౌస్ కేసులో ట్విస్ట్.. అరెస్టులకు హైకోర్టు బ్రేక్!

TG: KCR ఎర్రవెల్లి ఫాంహౌస్ వద్ద పసుపు నీళ్లతో శుద్ధి చేసిన ఘటనలో కీలక పరిణామం జరిగింది. ఈ కేసులో నిందితులను అరెస్ట్ చేయొద్దని తెలంగాణ హైకోర్టు పోలీసులను ఆదేశించింది. నోటీసులు ఇచ్చి దర్యాప్తు చేయాలని క్లారిటీ ఇచ్చింది. ఏడేళ్లలోపు శిక్ష పడే సెక్షన్లు ఉన్న కేసులో అరెస్ట్ ఎలా చేస్తారని ప్రశ్నించింది. ఈ ఘటనపై కాంగ్రెస్, BRS మధ్య పొలిటికల్ వార్ నడుస్తోంది. దీనిపై పూర్తి విచారణ జరిపిస్తామని CM రేవంత్ రెడ్డి ప్రకటించారు.

TG· 4h ago

ప్రైవేట్ స్కూల్ ఫీజులతో Parentsకు భారం

TG: TPF ఆధ్వర్యంలో హైదరాబాద్‌లోని పెద్ద అంబేద్కర్ విగ్రహం వద్ద బస్సు యాత్ర ప్రారంభించారు. పేరెంట్స్ మాట్లాడుతూ ప్రైవేట్ స్కూళ్లలో అధిక ఫీజుల వల్ల చాలామంది తీవ్ర ఇబ్బందులు పడుతున్నారని ఆవేదన వ్యక్తం చేశారు. స్కూల్‌ రీఓపెన్‌ కాగానే ఫీజులు కట్టేందుకు ప్రతి ఇంట్లో డబ్బుల కోసం ఇబ్బందులు, గొడవలు మొదలవుతున్నాయని తెలిపారు. ప్రైవేట్‌ స్కూళ్లలో ఫీజుల దోపిడీని అరికట్టేందుకు ప్రభుత్వం చర్యలు తీసుకోవాలని డిమాండ్‌ చేశారు.

TG· 4h ago

ప్రతి డివిజన్‌లో TPS ఉండాలి.. Parents డిమాండ్‌

TG: తెలంగాణ పీపుల్స్ ఫ్రంట్ ఆధ్వర్యంలో హైదరాబాద్‌లోని పెద్ద అంబేద్కర్ విగ్రహం వద్ద బస్సు యాత్ర ప్రారంభించారు. పేరెంట్స్ మాట్లాడుతూ ప్రతి డివిజన్‌లో మంచి మౌలిక వసతులతో Telangana Public School(TPS) ఏర్పాటు చేయాలని డిమాండ్‌ చేశారు. ప్రభుత్వ స్కూళ్లలో సరైన సౌకర్యాలు ఉంటే, ప్రైవేట్‌ స్కూళ్లపై ఆధారపడాల్సిన అవసరం తగ్గుతుందని అన్నారు. ప్రభుత్వ బడుల్లో విద్య, వసతులు మెరుగుపరిస్తే విద్యార్థులకు సరైన విద్య అందుతుందని చెప్పారు.