SGF క్రికెట్ సెలక్షన్స్‌పై ఆరోపణలు

By అనిల్ బాబు· 20h ago· Mahabubabad (Ct), Mahabubabad, Mahabubabad

నల్గొండ జిల్లాలో SGF జిల్లాస్థాయి క్రికెట్ సెలక్షన్స్‌పై క్రీడాకారులు పలు ఆరోపణలు చేశారు. సెలక్షన్స్‌కు సంబంధించిన అధికారిక సమాచారాన్ని విస్తృతంగా తెలియజేయకుండానే ఎంపికలు నిర్వహించారని వారు ఆరోపించారు. గతేడాది సుమారు 300మంది క్రీడాకారులు పాల్గొనగా.. ఈసారి కేవలం 8మంది బాలికలు, 20మంది బాలురతోనే సెలక్షన్స్ నిర్వహించడంపై అనుమానాలు వ్యక్తం చేస్తున్నారు. సెలక్షన్స్ ప్రక్రియపై విచారణ జరిపి, అర్హులైన క్రీడాకారులకు న్యాయం చేయాలని కలెక్టర్‌ను కోరుతున్నారు.

More in Local

Local· just now

రోడ్డు ప్రమాదంలో వ్యక్తి మృతి

ఖమ్మం జిల్లా చండ్రుగొండ మండలం అయ్యన్నపాలెం వద్ద బుధవారం రాత్రి జరిగిన రోడ్డు ప్రమాదంలో ఓ వ్యక్తి మృతి చెందాడు. స్థానికుల కథనం ప్రకారం.. ద్విచక్ర వాహనాన్ని లారీ ఢీకొనడంతో బైక్ పై ఉన్న వ్యక్తికి తీవ్ర గాయాలు అవ్వడంతో అక్కడికక్కడే మృతి చెందాడని తెలిపారు. సంఘటన స్థలానికి చేరుకున్న పోలీసులు ప్రమాదంపై వివరాలు సేకరిస్తున్నారు. పూర్తి వివరాలు తెలియాల్సి ఉంది.

Local· 3m ago

డ్రంకెన్ డ్రైవ్ కేసులో ఒకరికి జైలు

వరంగల్ ట్రాఫిక్ పోలీస్ స్టేషన్ పరిధిలో డ్రంకెన్ డ్రైవ్ కేసులో పట్టుబడిన 15 మందిని బుధవారం మేజిస్ట్రేట్ అంకేశ్వరపు కమలాకర్ ఎదుట హాజరుపరిచారు. మహబూబాబాద్‌కు చెందిన బానోత్ అనిల్‌కు నాలుగు రోజుల జైలు శిక్ష విధించడంతో పరకాల సబ్ జైలుకు తరలించినట్లు ట్రాఫిక్ సీఐ కే.సుజాత తెలిపారు. మిగతా 14 మందికి 11,600 వేల రూపాయిలు జరిమానా విధించారన్నారు.

Local· 8m ago

జిల్లాలో మెరుగుపడిన విద్యుత్ మౌలిక సదుపాయాలు

జగిత్యాల జిల్లాలో గత రెండున్నరేళ్లలో విద్యుత్ మౌలిక వసతులు బలోపేతం చేసినట్లు విద్యుత్ శాఖ SE బి.సుదర్శనం తెలిపారు. 8 పవర్ ట్రాన్స్‌ఫార్మర్ల సామర్థ్యం పెంపు, 11 అదనపు పవర్ ట్రాన్స్‌ఫార్మర్లు, 1,160 ట్రాన్స్‌ఫార్మర్ల సామర్థ్యం పెంపు, 736 కొత్తవి ఏర్పాటు, అలాగే 2 కొత్త 33/11 కేవీ సబ్‌స్టేషన్లు, 5 కెపాసిటర్ బ్యాంకులు, 49 వీసీబీలు ఏర్పాటు చేశామన్నారు.

Local· 16m ago

రాత్రివేళ డాక్టర్లు లేరు.. ఆసుపత్రిలో రోగుల అవస్థలు

కాకినాడ జిల్లా తుని ఏరియా ఆసుపత్రిలో రాత్రి వేళల్లో వైద్యులు, స్టాఫ్ నర్సులు అందుబాటులో ఉండటంలేదని రోగులు ఆరోపిస్తున్నారు. అత్యవసర చికిత్స కోసం ఆసుపత్రికి వచ్చిన సమయంలో సిబ్బంది కనిపించక తీవ్ర ఇబ్బందులు ఎదుర్కొంటున్నామని వాపోతున్నారు. సిబ్బందిని అడిగితే టీ తాగేందుకు వెళ్లామని చెబుతున్నారని, సమస్యను ప్రశ్నిస్తే సెక్యూరిటీ సిబ్బంది సర్దిచెప్పేందుకు ప్రయత్నిస్తున్నారని పేర్కొంటున్నారు. ఎమర్జెన్సీ వార్డులోనూ సిబ్బంది సకాలంలో స్పందించడం లేదన్నారు.