ఆ పక్షి అంతరించి పోయింది

ఒకప్పుడు హవాయి దీవుల అడవుల్లో ప్రత్యేకమైన కిలకిల స్వరాలతో సందడి చేసిన హవాయి ఓఓ (Hawaiian ʻōʻō) పక్షి ఇప్పుడు భూమిపై లేదు. చివరిసారిగా 1934లో కనిపించిన ఈ పక్షి, ఆ తర్వాత ఎంత వెతికినా కనిపించలేదు. చివరకు ఇది అంతరించిపోయిన జాతిగా గుర్తించబడింది. బయట ప్రాంతాల నుంచి హవాయికి తీసుకువచ్చిన ఎలుకలు, పిల్లులు, ముంగిసలు స్థానిక పక్షుల గుడ్లు, పిల్లలను చంపేశాయి. దోమల ద్వారా వ్యాపించిన ఏవియన్ మలేరియా, ముఖ్యంగా చెట్లను కొట్టి భారీ స్థాయిలో అడవులను నాశనం చేయడం కూడా ఈ పక్షి మాయం కావడానికి కారణం అయ్యింది.